Advertisement
 
 
 
 
 
 
 
 

Amakuru | Mu Ntara | Intara

Amavubi U-20 yatangiye umwiherero   

  Yanditswe na BIZIMANA ERIC
 23 March

 
 

Ikipe y’igihugu y’abatarengeje imyaka 20 yatangiye umwiteguro wo kwitegura umukino wo gushaka itike ya CAN U-20 izabera muri Zambia muri 2017.

Uyu mukino uzahuza u Rwanda na Uganda taliki 02 Mata 2016 naho taliki 26 Mata 2016 habe umukino wo kwishyura.

Aba basore bayobowe n’umutoza Kayiranga Baptiste na Mashami Vincent bacumbikiwe kuri Hoteli Alpha Palace, bazajya bakorera imyitozo ku kibuga cya FERWAFA i Remera mbere yo gutangira kwitoreza kuri Sitade ya Kigali i Nyamirambo kuva mu cyumweru gitaha.

JPEG - 148.8 kb
Abakinnyi b’Amavubi U20 mu myitozo

Nyuma yo gushyira hanze abakinnyi 26 azifashisha, Kayiranga yagaragaje imbogamizi z’uko batinze kumenyeshwa ko bazatoza iyi kipe gusa yizeza Abanyarwanda ko agiye kugerageza gukora ibishoboka kugira ngo azabone umusaruro mwiza.

Ati "Twebwe twaratunguwe kuko tutari tuzi ko ari twe tuzahabwa akazi, barabitubwiye ntitwari guhakana ko tutagakora kandi n’ikipe yaramaze kwandishwa mu irushanwa. Tugiye gukoresha igihe dufite turebe ikizavamo binajyanye n’igihe baduhereye ikipe".

Kayiranga avuga ko nta makuru menshi azi ku ikipe ya Uganda, usibye ay’uko ifite abakinnyi benshi bakizamuka bigaragarira mu ikipe yabo y’abatarengeje imyaka 17 itandukanye n’iy’u Rwanda isa n’itabaho.

Mu bakinnyi 26 bitabiriye uyu mwiherero 10 bavuye mu makipe y’icyiciro cya kabiri n’aho abandi bava mu cyiciro cya mbere.

Abakinnyi bahamagawe

Mu izamu: Hategekimana Bonheur (SC Kiyovu), Nzeyurwanda Djihad (Isonga) na Itangishaka Jean Paul (Sunrise).

Myugariro: Niyonkuru Amani (Bugesera), Ngiruwonsanga Jean d’Amour (AS Muhanga), Ndikumana Patrick (Rwamagana City), Mutsinzi Ange (AS Muhanga), Nsabimana Aimable (Marines), Ndagijimana Ewing (Etincelles), Mutuyimana Djuma (La Jeunesse), Ngabo Felix (Rwamagana City), Ahoyikuye Jean Paul (Nyagatare) na Nsengiyumva Daniel (Miroplast).

Hagati: Mucyo Freddy (AS Muhanga), Rugamba Jean Baptiste (Vision FC), Ntirushwa Aime (Interforce) na Muhire Kevin (Rayon Sports).

Rutahizamu: Itangishaka Blaise (Marines FC ), Sibomana Arafat (Amagaju FC), Yamini Salum (SC Kiyovu), Imanishimwe Jabel (Rayon Sports), Niyongira Danny (Interforce), Mbonigena Eric (Bugesera), Rutinywa Gonzalez (AS Muhanga), Ndabaramiye Shuklan (Vision) na Bizimana Christian (Pepiniere).

 

Comments

Who are you?
Your post
  • To create paragraphs, just leave blank lines.

 
 
Kirehe:Imodoka bahawe na Perezida Kagame yabunguye miliyoni 6 mu mwaka umwe
Kirehe:Imodoka bahawe na Perezida Kagame yabunguye miliyoni 6 mu mwaka umwe

Abagize Koperative y’Abahinzi ba kawa mu murenge wa Musaza (COCAMU), mu karere ka Kirehe barishimira ko imodoka ya Fuso bahawe na Perezida wa Repubulika Paul Kagame, yatangiye kubaha inyungu (...)

Karongi:  Umuhanda wangiritse ubangamira ubuhahirane hagati y’imirenge
Karongi: Umuhanda wangiritse ubangamira ubuhahirane hagati y’imirenge

Abaturage bo mu murenge wa Rwankuba mu karere ka Karongi barasaba ubuyobozi ko bwabafasha kubona umuhanda Bwishyura –Rwankuba-Twumba kuko wangiritse bikaba bituma bagorwa n’ubuhahirane. Uyu (...)

Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.