Advertisement
 
 
 
 
 
 
 
 

Amakuru | Mu Ntara | Intara

Amashuri yo mu karere ka Rubavu aravugwamo ubucucike bukabije   

  Yanditswe na IYAREMYE YVES
 September 2016

 
 

Mu murenge wa Bugeshi mu karere ka Rubavu bahangayikishijwe no kuba umubare w’abanyeshuri urenze ubushobozi bw’ibyumba by’amashuri bihari, bigatuma abana biga mu bucucike bukabije.

Ubuyobozi bwemeza ko magingo aya mu cyumba cy’ishuri kimwe higamo abanyeshuri barenga 75 mu gitondo hakaza abandi nyuma ya saa sita.

Mu murenge wa Bugeshi habarurwa ibigo by’amashuri abanza 5, n’ibigo bitatu by’amashuri yisumbuye byigwamo n’abanyeshuri barenga 6551, muri uyu mubare hakaba harimo abasaga 600 bagaruwe mu ishuri nyuma y’igihe bararivuyemo.

JPEG - 205.1 kb
Umubare w’abanyeshuri wariyongereye cyane mu murenge wa Bugeshi (Foto Iyaremye Y)

Nyuma y’uko mu murenge wa Bugeshi abana bagera kuri 600 bagaruwe mu ishuri, abatuye muri uyu murenge baravuga ko bafashe ingamba zizatuma abana bongera kuva mu ishuri, ariko ngo bahangayikishijwe n’ubuke bw’ibyumba by’amashuri abana bigiramo.

Bamwe muri abo babyeyi bavuga ko kuba abana baragarutse mu ishuri cyari igisubizo ariko kuba biga nabi kubera kutagira ibyumba bihagije bigamo biteje inkeke.

Mukamana Esperance, umwe mu babyeyi, avuga ko kuva hafatwa ingamba zo gusubiza abana mu ishuri, akemeza ko kuva mu kwezi kwa mbere abana birirwaga bakoreshwa mu kuvoma amazi, abandi bareba televiziyo ndetse bamwe bakora imirimo yo mu ngo, byakemutse.

Habarugira Mafundi Samuel, umukozi w’akarere ka Rubavu ushinzwe uburezi mu murenge wa Bugeshi, avuga ko ingamba zafashwe zizatuma nta mwana wongera kuva mu ishuri, gusa yemeza ko ubu bahangayikijijwe no kuba abanyeshuri biga mu ishuri bacucitse, kuko ngo babona batiga neza.

Yagize ati:“Urugero ku kigo cy’amashuri abanza cya Kabumba higa abanyeshuri benshi higanjemo abagaruwe ku buryo mu ishuri rimwe abanyeshuri baba barenga 75 kandi biga mu gitondo hakaza abandi nyuma ya saa sita, iki kibazo cy’ibyumba bike gituma umusaruro utagaragara kuko usanga na mwarimu kubera ubwinshi bw’abanyeshuri mu cyumba kimwe byamurenze.”

 

Comments

 
 
Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.