Advertisement
 
 
 
 
 
 
 
 

Amakuru | Mu Ntara | Intara

Amapfa yateye mu Burasirazuba ntakwiye guca igikuba - Guverineri Uwamariya   

  Yanditswe na MANISHIMWE NOËL
 3 months ago

 
 

Guverineri w’Intara y’Uburasirazuba Uwamariya Odette, avuga ko kuba ibice bimwe by’iyi Ntara byarahuye n’ikibazo cy’amapfa, nta gikuba cyacitse, kuko abaturage bake bagezweho n’ingaruka Leta ifite ubushobozi bwo kubafasha.

Uyu muyobozi asaba abaturage kubyaza umusaruro amahirwe ari muri iyi Ntara mu kurwanya ko amapfa yazongera kuharangwa.

Ibibazo by’amapfa byibasiye Intara y’Uburasirazuba mu bihembwe by’ihinga bibiri bishize, ibyo abaturage bari barahinze byumishwa n’izuba mu mirima, bitarera, ku buryo bamwe mu baturage bo mu turere twa Kayonza na Nyagatare bari kugobokwa na Leta ibaha ibyo kurya.

Guverineri w’Intara y’Uburasirazuba Uwamariya Odette, avuga ko kuba hari abatuye mu duce tw’iyi Ntara bagizweho ingaruka n’amapfa nta bwoba biteye, kuko ngo ikibazo cyabaye ari uko hatabonetse umusaruro nk’uwo bari basanzwe babona, ariko mu turere nka Ngoma, Kirehe, Rwamagana, Gatsibo n’ahandi barejeje.

Yagize ati“Byari kuba bibi iyo tuba tuvuga ngo abaturage bose ntabwo bafite ukuntu babayeho n’ahari ikibazo uyu munsi nk’igihugu dufite ubushobozi bwo gufasha abo bafite ikibazo cy’amapfa.

Uyu munsi hari ibihugu ku rwego rw’isi byamaze gutangaza ko bifite ikibazo cy’inzara, ariko twebwe nitubibura Ndego, tukabasha kubibonera muri Nasho n’ahandi hegereye, ibyo dukwiye kubishimira Imana.”

JPEG - 258.6 kb
Guverineri Uwamariya Odette asaba abaturage gukoresha uburyo bwo kuhira imyaka (Foto Manishimwe N)

Guverineri Uwamariya avuga ko kuba muri iyi ntara hari ahagaragaye amapfa bidakwiye kuba byacitse, kuko ngo hari na byinshi biri gukorwa ngo akumirwe.

Agira ati “Nta byacitse ihari, turabizi ko bizarangira, turifuza ko ikibazo cy’izuba cyagabanuka kugira ngo abaturage bahinge kandi beze.

Ariko igikomeye cyane ni uburyo dutekereza kubyaza umusaruro amahirwe dufite kuko hari ibindi bihugu bitanameze nk’u Rwanda, bigizwe n’ubutayu ariko ugasanga nibo bohereza byinshi bibakomokaho, mu bindi bihugu by’amahanga.”

Uyu muyobozi w’Intara y’Uburasirazuba avuga ko aya mapfa yabigishije amasomo akomeye y’uko ubuhinzi bukorwa budakwiye kurambiriza ku kirere; aha akaba ari ho ahera ashishikariza abatuye iyi ntara gukoresha amahirwe y’amazi menshi ari muri iyi ntara, mu bikorwa byo kuhira.

Agira ati“Dufite amahirwe y’uko muri iyi ntara dufite ibiyaga 18, bivuze ngo dushyizeho uburyo budasanzwe bwo kureba uburyo twakoresha uyu mutungo kamere mu bijyanye no kuhira imyaka.

Abaturage bagakangurirwa gushaka utumashini twuhira imyaka; uyu munsi Leta yashyizemo nkunganire kugira ngo batubone ku giciro cya 50%, tubakangurire kugira ngo aya mapfa, adufashe guhindura ibyo twakora, ubutaha n’iyo haza amapfa ntazadukange.”

Intara y’Uburasirazuba ni kimwe mu bice by’igihugu leta y’u Rwanda yatangijemo gahunda zo guteza imbere ubuhinzi n’ubworozi, hakemurwa ikibazo cy’amazi mu rwego rwo guhangana n’ihindagurika ry’ikirere rikunze kuhateza izuba ryinshi.

Ubuyobozi bw’Intara y’Uburasirazuba buragaragaza ko kugeza ubu 37% by’abayituye bakiri mu bukene, naho 15% babaka bari mu bukene bukabije.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Kirehe:Imodoka bahawe na Perezida Kagame yabunguye miliyoni 6 mu mwaka umwe
Kirehe:Imodoka bahawe na Perezida Kagame yabunguye miliyoni 6 mu mwaka umwe

Abagize Koperative y’Abahinzi ba kawa mu murenge wa Musaza (COCAMU), mu karere ka Kirehe barishimira ko imodoka ya Fuso bahawe na Perezida wa Repubulika Paul Kagame, yatangiye kubaha inyungu (...)

Karongi:  Umuhanda wangiritse ubangamira ubuhahirane hagati y’imirenge
Karongi: Umuhanda wangiritse ubangamira ubuhahirane hagati y’imirenge

Abaturage bo mu murenge wa Rwankuba mu karere ka Karongi barasaba ubuyobozi ko bwabafasha kubona umuhanda Bwishyura –Rwankuba-Twumba kuko wangiritse bikaba bituma bagorwa n’ubuhahirane. Uyu (...)

Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.