2017-06-24 09:49:51 clouds 27o High | Kigali Rwanda

Dukurikire:
 
 

Amajyaruguru: Hari kwigwa itegeko rihana abakora uburobyi mu buryo butemewe

Yanditswe na IMVAHO NSHYA

Kuya 2017-03-29 09:12:52

 
Share on:
 
Yasuwe:713
 
Yavuzweho:200
 
10
 
10

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi.

Intara y’Amajyaruguru, kuri ubu ni imwe muzigaragaramo ibiyaga n’amazi menshi, kandi bishobora kubyara umusaruro uhagije w’amafi, kuko habarirwa ibiyaga 3, ibi byose bikaba ngo bishobora kugira uruhare mu kongera umusaruro w’amafi, ariko ngo ba rushimusi bayo babangamiye aborozi.

Umwe mu borozi b’amafi bo mu karere ka Burera yagize ati “Buriya mu biyaga dufite bigera kuri 3 wongeye ho n’igishanga cy’urugezi habarirwa amafi menshi cyane, ariko tubangamiwe na ba rushimisi, bahengera mu rukerera bakigabiza ikiyaga cya Burera, bagatwara amafi atarakura.

JPEG - 150.3 kb
Abakora uburobyi mu buryo butemewe bagiye gushyirirwaho ibihano (Foto Archives)

Muri abo bakora uburobyi butemewe hari n’abagikoresha kaningiri, ku manywa twirirwa ducunganwa nabo ariko hari abakitwikira ijoro, kuba rero bakuramo amafi atarakura bidindiza umusaruro. Turifuza ko hajyaho itegeko rihana ba rushimusi kuko usanga hakiri ababifata nk’ibintu bisanzwe”.

Umukozi ushinzwe ubworozi bw’amafi muri Minisiteri y’ubuhinzi n’ubworozi Mukasekuru Mathilde,

Yagize ati “Ikibazo cya ba rushimusi b’amafi ni ikibazo gihangayikishije koko, ariko ubu mu Rwanda harimo gutegurwa itegeko rihana buri wese wigabiza ibiyaga n’imigezi aroba mu buryo butemewe n’amategeko”.

Uyu mukozi abonera ho kandi gusaba aborozi b’amafi gukomeza gukorana n’inganda zikora ibiryo byayo kugira ngo bakomeze kongera umusaruro, dore ko muri iyi ntara ngo hamaze kugera ibikingi 4 byo kororeramo amafi.

Kugeza ubu mu Rwanda ubworozi bw’amafi butanga umusaruro ungana na toni 22.000.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE