2017-07-23 11:30:24 clouds 27o High | Kigali Rwanda

Dukurikire:
 
 

Amajyaruguru: Hagiye gukorwa urutonde rw’abajura

Yanditswe na IMVAHO NSHYA

Kuya 2016-05-11 05:29:06

 
Share on:
 
Yasuwe:1
 
Yavuzweho:200
 
10
 
10

Mu gihe muri iyi minsi abatuye muri tumwe mu dusantere tw’ubucuruzi no mu nkengero z’umujyi nk’uwa Musanze n’indi, bavuga ko bayogojwe n’abajura, ubuyobozi bw’Intara y’Amajyaruguru buremeza ko hagiye gukorwa urutonde rw’abakekwaho ubujura kugira ngo babone uko babahashya.

Uru rutonde ngo ruzahera ku mudugudu rugere ku rwego rw’Intara, abaturage bagaragaze abakekwaho ingeso y’ubujura bose, bashyirwe ku rutonde ruzifashishwa mu kubahiga bukware.

Guverineri w’Intara y’Amajyaruguru Bosenibamwe Aime, avuga ko atazihanganira uwo ari we wese ushaka kubeshwaho no kwiba ibya rubanda, haba mu ntara ayobora ndetse no mu Rwanda hose muri rusange.

Yagize ati “Ntabwo nkeneye kongera kumva hari umuturage mu ntara y’Amajyaruguru uvuga ngo hari abajura, amabandi, abagizi ba nabi n’abandi, kuko ni ibintu bidakwiye Umunyarwanda.

JPEG - 301.6 kb
Guverineri Bosenibamwe yasabye ko abajura n’abandi bahungabanya umutekano bose babihagarika (Foto Ngaboyabahizi P)

Narabivuze kandi intego iracyari yayindi, ni urugamba rwo guhangana n’uwari wese utegereza kubaho ari uko anyunyuje imitsi y’abaturage harimo n’amabandi.”

Bosenibamwe akomeza avuga ko k’ubufatanye bw’inzego zose uhereye ku midugudu azisaba gukora urutonde rw’abakekwa kuba ari abajura kugira ngo bagirwe inama.

Yagize ati “Buri wese yaba umuturage n’umuyobozi tubishatse mu bufatanye nta mujura wakongera kubaho, kuko byose bidusaba gutanga amakuru, ndasaba rero ko mu mpera za Gicurasi uru rutonde ruraba rwamaze gukorwa.”

Mu karere ka Musanze nta minsi ibiri ishira hadatatse umuturage wibwe, kandi aba bajura bibanda cyane ku bikoresho by’ikoranabuhanga, aho umuntu atobora inzu akiba akayeza rwose.

Mudaheranwa Fiston, umwe mu baturage bo mu murenge wa Musanze yagize ati: “Kuri ubu ubujura burakaze cyane,ubundi twari tumenyereye ko umujura yiba ibiri hanze no mu mirima kubera wenda inzara n’ubundi bukene,ibiri kuba ubu rero birakoranwa ubuhanga bukomeye,nkanjye iwanjye baraje batobora inzu bantwara,mudasobwa igendanwa,television yemwe n’ibikoresho byo mu nzu kuko batoboye muri salon,gusa nibaza aho banyura abanyerondo ,numva icyakorwa ari uko uwari wese ukekwaho kuba atitwara neza yakorwaho iperereza agafatwa”.

Uyu mugabo avuga ko we akeka bamwe mu rubyiruko birirwa bicaye mu makabari ,bazerera mu mihanda yo mu mugi wa Musanze bigaragara ko nta kazi bafite ngo ariko ugasanga aribo banywa ,bakarya kurusha abakozi ndetse bahembwa umushahara munini.Ikindi kandi ngo hari bamwe mu bayobozi batajya bakora Raporo y’abinjira n’abasohoka ,ngo ariho bamwe nyine biba barangiza bakaburirwa irengero,kubera kutagira umwirondoro wabo.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE