Advertisement
 
 
 
 
 
 
 
 

Amakuru | Mu Ntara | Intara

Amajyaruguru:Aborozi b’amafi babangamiwe na ba rushimusi   

  Yanditswe na NGABOYABAHIZI PROTAIS
 May 2016

 
 

Bamwe mu borozi b’amafi bo mu Ntara y’Amajyaruguru bavuga ko bahangayikishijwe na ba rushimusi basarura amafi mu biyaga, imigezi n’ibyuzi atarakura.

Ibi ngo bikomeje kugaragara muri bimwe mu bice byororerwamo amafi, bikabangamira bikomeye umusaruro wakagombye uba witezwe.

Ubuyobozi bw’ikigo RAB bwo buvuga ko abagikomeje kudindiza iterambere rishingiye ku bworozi bw’amafi bagiye gufatirwa ingamba zikaze.

Aborozi bagaragaje iki kibazo ni abibumbiye mu makoperative y’aborozi b’amafi muri iyi ntara y’Amajyaruguru, bororera mu biyaga bya Burera na Ruhondo.

JPEG - 58.2 kb
Ubworozi bw’amafi mu Ntara y’Amajyarugu buracyafite imbogamizi (Foto archive).

Bavuga ko babangamiwe n’abitwikira ijoro bakajya kubibira amafi, abandi bagakora uburobyi mu buryo butemewe n’amategeko, aho ngo hari abagikoresha imitego ya kaningiri, abandi bagasarura amafi atarakura.

Aba barobyi baroba mu buryo bwo gushimuta kandi ngo ntibubahiriza igihe hababwa cyo kuruhuka kuroba nk’uko biteganywa mu biyaga, ibi ngo bikaba bituma umusaruro ugabanuka.

Bimwe mu bikorwa aborozi bibutswa b’amafi basabwa kwitaho ngo umusaruro uboneke harimo kwita ku gukoresha imitego yabugenewe mu gihe cyo kuroba, kuyagaburira uko bikwiye ndetse no kubahiriza igihe cy’ikiruhuko ku bikorwa by’uburobyi mu biyaga.

Aba borozi bemeza ko kuba hari abirengagiza izi ngamba zashyizweho bikomeje kuba intandaro y’igabanuka ry’umusaruro w’amafi.

Umuyobozi wa RAB mu ntara y’Amajyaruguru Izamuhaye Jean Claude, nawe ashimangira ko ba rushimusi bateye imbogamizi ku bworozi bw’amafi muri iyi ntara.

Yagize ati:«Umusaruro w’amafi ntuboneka ku rugero rwifuzwa kandi muri iyi ntara hari amahirwe menshi yo kuba ifite ibiyaga, imigezi n’ibyuzi byakagombye kuba bikorerwamo ubu bworozi mu buryo bugezweho, ariko kubera ko hari bamwe mu bagifite imyuvire yo hasi mu kongera umusaruro w’amafi, hiyongereyeho na ba rushimusi, usanga nyine ingaruka ari uko umusaruro uba muke».

Yongeraho ko kuba hari abarenga ku mabwiriza agenga uburobyi, ari ikibazo gikomeye kugeza ubu, kiyongera kukuba abakora ubu bworozi bafite imbogamizi zo kuba batabona aho kugurira ibyo kurya by’amafi hafi, kutibanda ku gutera abana b’amafi aho bayororera n’ibindi.

Ubuyobozi bw’iki kigo bunahamya ko kigiye kurushaho kongera ubufatanye n’ubuyobozi bw’inzego z’ibanze n’izishinzwe umutekano, kugira ngo abashimuta amafi bajye bahabwa ibihano bikomeye kuko bari mu batuma intego zo ku guteza imbere ubworozi bw’amafi zitagerwaho uko bikwiye.

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.