2017-10-18 07:01:40 clouds 27o High | Kigali Rwanda

Dukurikire:
 
 

Akarere ka Rulindo kazifashisha miliyoni zisaga 150 mu kubakira abarokotse Jenoside

Yanditswe na IMVAHO NSHYA

Kuya 2017-04-13 05:39:15

 
Share on:
 
Yasuwe:127
 
Yavuzweho:200
 
10
 
10

Ubuyobozi bw’akarere ka Rulindo buravuga ko bwatangiye umushinga wo kubaka inzu 18 zizahabwa abarokotse Jenoside batishoboye, uyu mushinga ukazatwara amafaranga asaga miliyoni 151.

Ubuyobozi bw’aka karere bugaragaza ko inzu imwe muri izi zirimo kubakwa igomba kuba agaciro kangana n’amafaranga miliyoni zirindwi n’ibihumbi magana atatu, mu rwego rwo kugira ngo bagire aho batura heza.

Umuyobozi w’aka karere Kayiranga Emmanuel avuga ko iki gikorwa cyo kubakira abarokotse Jenoside batishoboye, kigamije kubafasha kubona aho batura heza, kandi buri wese akaba asabwa kugira uruhare muri iki gikorwa.

Yagize ati “Ubu amazu 18 arimo kubakirwa abacitse ku icumu rya Jenoside yakorewe abatutsi, aho inzu imwe izatwara amafaranga miliyoni 7 n’ibihumbi magana atatu, izo ni inshingano z’abaturage b’akarere ka Rulindo kugira ngo abacitse ku icumu rya Jenoside yakorewe abatutsi badafite amazu, babashe kugira aho batura kandi heza”.

JPEG - 25.4 kb
Umuyobozi w’akarere ka Rulindo Kayiranga Emmanuel

Umuyobozi w’Akarere ka Rulindo yasobanuye ko ayo mazu amaze kugera ku rwego rwo gusakarwa, ku buryo yizera ko mu mpera z’ukwezi kwa Mata 2017 ba nyirayo yagenewe bagomba kuzayataha.

Icyo gikorwa cyo kubakira abarokotse Jenoside yakorewe abatutsi batishoboye kirimo gushyirwa mu bikorwa n’inkeragutabara ku bufatanye n’akarere ka Rulindo.

Umunyamabanga Nshingwabikorwa w’Akarere ka Rulindo, Munyarukato Jean Baptiste, yagize ati “Imirimo yo gusoza igikorwa cyo kubakira amazu abacitse ku icumu rya Jenoside yakorewe abatutsi batishoboye iri hafi kurangira, mu gihe kitarambiranye ayo mazu azaba amaze kuzura.”

Munyarukato yasobanuye ko mu murenge wa Mbogo hubatswe amazu 2, mu murenge wa Masoro hubakwa amazu 3, mu murenge wa Base harubakwa amazu 5, mu murenge wa Rusiga harubakwa 1, yose hamwe akaba ari amazu 18.

Gitifu Munyarukato yakomeje agira ati “Turifuza ko hatagira n’umwe mu bacitse ku icumu rya Jenoside yakorewe abatutsi muri Mata 1994 wasigara adafite inzu ye kandi agomba gutura heza”.

Uyu muyobozi yavuze ko bakurikirana umunsi ku wundi uburyo ayo mazu arimo kubakwa, ku buryo nta gushidikanya ko mu mpera z’uku kwezi abo zagenewe bazaba bazitashye.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE