Advertisement
 
 
 
 
 
 
 
 

Amakuru | Mu Ntara | Intara

Akarere ka Rubavu gahangayikishijwe n’ubucucike bukabije mu mashuri   

  Yanditswe na IYAREMYE YVES
 5 months ago

 
 

Abashinzwe uburezi mu karere ka Rubavu baratabaza inzego zifite ubushobozi bwo kubafasha, kubw’igikibazo kibakomereye cy’ubucucike bukabije mu mashuri.

Abanyeshuri bo mu mashuri atandukanye muri aka karere bavuga ko biga ari benshi cyane mu ishuri ku buryo ngo baba babyiganira ku ntebe nke zihari, ibi bikiyongera ku kibazo cy’abarimu badahagije.

Ubuyobozi bw’akarere ka Rubavu buvuga ko iki kibazo kibuhangayikishije, bityo bagasaba inzego bireba kugira icyo zibafasha.

Ni nyuma y’aho mu kwezi kwa Mata 2016 akarere ka Rubavu kabaraga abanyeshuri bagera ku bihumbi 10 bataye ishuri mu gihe cy’imyaka ibiri, hagashyirwaho itegeko mu nama yaguye y’uburezi isaba ko abarivuyemo bose barigarukamo.

PNG - 661.3 kb
Ubucucike buvugwa mu mashuri atandukanye y’akarere ka Rubavu (Foto Iyaremye Y)

Umubare w’abanyeshuri bari bararitaye bamaze kugaruka ku ishuri ugenda wiyongera buri munsi nk’uko byifujwe ndetse bikabagarukwaho n’inzego nkuru z’ubuyobozi bw’igihugu, aho mu karere abamaze kugaruka mu ishuri imibare igaragaza ko ari 4616.

Mwangange Mediatrice, umuyobozi w’ishami ry’uburezi mu karere ka Rubavu, avuga ko uyu mubare w’abanyeshuri bagarutse mu mashuri watumye habaho ubucucike bukabije, bakifuza ko inzego bireba zabafasha bakabona uburyo buhagije bwo kubaha ubumenyi babigisha.

Mu kiganiro yagiranye n’Imvaho Nshya, yagize ati:”Ubu dufite ibibazo byo kubona ibyumba by’amashuri byo kwigishirizamo abanyeshuri, dufite ikibazo cy’intebe abaje bicaraho, dufite n’ikibazo cy’abarimu kuko kwigisha abanyeshuri barenga 90 mu gitondo ukigisha n’abandi nyuma ya saa sita usanga binaniza.”

Akomeza agira ati:”Iyo urebye ireme ry’uburezi dushaka guha abanyeshuri ukareba n’ukuntu bicaye intebe imwe yicayeho abanyeshuri barenga 6, bamwe bandikira mu mugongo wa bagenzi babo, ukareba uburyo mwarimu kuvuga ngo bose bumve bimubiza icyuya, usanga hakenewe imbaraga ngo abanyeshuri bahabwe ubumenyi bakwiye guhabwa, kuko imyigire bafite bitewe n’ubucucike usanga itameze neza.”

Safari Francois, umuyobozi w’urwunge rw’amashuri rwa Kanembwe we yemeza ko abanyeshuri ayoboye biga bicaye ku mbaho ziteretse ku mabuye kuko nta ntebe bafite zihagije.

Yabwiye Imvaho Nshya ati:”Twe noneho abanyeshuri bamenyereye kwicara ku mbaho ziteretse ku mabuye ikibazo cy’intebe ni igisanzwe, kuko twabonye kirenze ubushobozi bwacu.

Gusa umubare w’abagarutse mu ishuri kuba ukomeje kwiyongera turifuza ko ibibazo by’intebe ibyumba by’amashuri, abarimu byakemuka bikava mu nzira kuko bibangamira imyigishirize yacu.”

Uko biri kose ariko, ababyeyi baganiriye n’imvaho Nshya bishimiye ko abana babo bagarutse mu ishuri, ubu bakaba babasha gukurikirana amasomo batitaye ku mbogamizi z’ibyumba by’amashuri n’intebe bidahagije.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Nyamasheke:Uruganda rutunganya icyayi abahinzi bijejwe ruruzura mu mezi 5
Nyamasheke:Uruganda rutunganya icyayi abahinzi bijejwe ruruzura mu mezi 5

Hari hashize imyaka igera kuri 6 abahinzi b’icyayi bibumibye muri koperative y’abahinzi b’icyayi ba COTHEGA bagihinga mu mirenge ya Karambi na Cyato mu karere ka Nyamasheke, kitababyarira umusaruro (...)

Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.