Advertisement
 
 
 
 
 
 
 
 

Amakuru | Mu Ntara | Intara

Akarere ka Nyamasheke kataye ikizere cyo kwesa imwe mu mihigo   

  Yanditswe na BAHUWIYONGERA SYLVESTRE
 June 2016

 
 

Ubuyobozi bw’akarere ka Nyamasheke buvuga bwatakaje ikizere cyo kwesa 10% by’imihigo bari bihaye muri 2015/2016.

Ubwo Umuyobozi w’Akarere ka Nyamasheke Kamari Aimé Fabien, yagaragarizaga Intara y’Uburengerazuba aho agejeje imihigo, yavuze ko imihigo 90% yeshejwe 100% ariko ko hari ikiri hasi, n’iyadindiye batagifitiye icyizere cyo kwesa.

Umunyamabanga nshingwabikorwa w’aka karere Habiyaremye Pierre Céléstin, yabwiye Imvaho Nshya ko imihigo bamaze gutakariza icyizere harimo umuhigo wa Mituweli ugeze kuri 76% kandi umwaka wa Mituweli usigaje igihe gito ngo urangire.

JPEG - 165.3 kb
Umunyamabanga nshingwabikorwa w’Intara y’Uburengerazuba, Jabo Paul ( uwa 3 uturutse i bumoso) yishimiye aho kwesa imihigo bigeze nubwo hari iyadindiye (Foto Bahuwiyongera S)

Ubu akarere ngo kari gushishikariza abaturage gutanga Mituweli y’umwaka utaha kuko ngo ntacyo bakora ngo bagere ku ntego bari biyemeje.

Habiyaremye avuga ko akarere katanashobora kugera ku kigero intara yari yabahaye.
Mu mpera z’umwaka ushize Guverineri w’Intara y’Uburengerazuba Mukandasira Caritas yari yasabye abayobozi b’uturere twayo twose ko bazagera mu mpera z’ukwezi kwa Mutarama buri murenge ugeze nibura ku muhigo wa Mituweli ungana na 80% bikazamura n’umubare w’akarere.

Undi muhigo uyu muyobozi avuga ko wadindiye ngo ni uwo gutera inka intanga ukiri kuri 49%. Kudindira k’uyu muhigo ngo byatewe n’imashini ibika Azote yapfuye, ikibazo kikaba ngo ari rusange mu gihugu, aho bategereje ko RAB ikabibafashamo iyo mashini igakira.

Gitifu Habiyaremye yongeraho ko undi muhigo wadindiye ari uw’umuyoboro wagombaga kugeza amazi ahazubakwa uruganda rw’icyayi mu murenge wa Karambi, na wo ngo wadindijwe na Minisiteri y’umutungo kamere ( MINERENA) yabahagaritse kuko ngo bawubatse nta cyemezo yatanze cyo kubemerera gukurura aya mazi, cyane cyane ava muri Pariki y’igihugu ya Nyungwe.

Uyu muhigo ugeze kuri 45%, ku buryo bakurikije iminsi isigaye ngo batakwirirwa bawutaho imbaraga.

Habiyaremye yagize ati “Iyi mihigo yo twamaze kumanika amaboko ariko hari indi tukirwana na yo nko mu minsi 10 tukazaba twamaze kuyesa ku kigereranyo twari twiyemeje, tukizera ko muri rusange tuzaza mu myanya myiza kuko iyamaze kweswa yo hari myinshi iri ku 100%.’’

Umunyamabanga nshingwabikorwa w’iyi ntara Jabo Paul, yavuze ko muri rusange imihigo yarebaga akarere ubwako igeze ahashimishije, igicumbagira, imyinshi ikaba ari iyo akarere kaba gafatanije n’abandi bafatanyabikorwa, akenshi akaba ari bo bayidindiza.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Kayonza:Bakusanyije miliyoni 6 ngo begerezwe amazi barayategereza baraheba
Kayonza:Bakusanyije miliyoni 6 ngo begerezwe amazi barayategereza baraheba

Abaturage bo muri Nyamugari mu murenge wa Ndego mu karere ka Kayonza bavuga ko bakusanyije amafaranga arenga miliyoni 6 ngo babone amazi meza, ariko ngo barayategereza baraheba. Igitekerezo cyo (...)

Rwamagana: Barasabwa gukumira ingengabitekerezo ya Jenoside bahereye mu bana
Rwamagana: Barasabwa gukumira ingengabitekerezo ya Jenoside bahereye mu bana

Umuyobozi w’akarere ka Rwamagana Mbonyumuvunyi Radjab, arasaba abaturage batuye muri aka karere kwirinda gukongeza ingengabitekerezo ya Jenoside mu bana bato, ahubwo bakayikumira kugira ngo (...)

Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.