Advertisement
 
 
 
 
 
 
 
 

Amakuru | Mu Ntara | Intara

AERG yasabye akarere ka Gicumbi gushakisha uwishe uwarokotse Jenoside   

  Yanditswe na HABINEZA REGIS
 June 2016

 
 

Abagize umuryango w’abanyeshuri barokotse Jenoside yakorewe Abatutsi muri 1994(AERG), basabye ubuyobozi bw’Akarere ka Gicumbi kugira icyo bukora kugira ngo hamenyekane uwishe Mugabo Theoneste warokotse Jenoside uheruka kwicwa aciwe umutwe, mu murenge wa Bukure.

Uhagarariye uyu muryango ku rwego rw’igihugu, Mirindi Jean de Dieu yatangarije Imvaho Nshya ko bababajwe n’urupfu rwa Mugabo baboneraho no gusaba ubuyobozi kubikurikirana mu maguru mashya uwakoze icyaha agafatwa.

Mirindi yavuze ko ibyabaye bifite icyo bivuze kuko kinini, kuko byerekana ko mu karere ka Gicumbi hakiri abantu bafite ingengabitekerezo ya Jenoside.

Yagize ati “Kuba hari umuntu twumva ngo yishwe aciwe umutwe ni ibintu birenze umubabaro, ariko icyo dusaba ubuyobozi bufatanije na Polisi ni ugushaka uwishe uriya umuntu.”

JPEG - 213.3 kb
enihirwe Charlotte (imbere) Umuyobozi w’Akarere wungirije ushinzwe imibireho myiza y’abaturage (Foto Habineza R)

Mirindi yasabye abaturage bo mu karere ka Gicumbi kugira ubumuntu.

Ati “Abaturage bakwiye kugira ubumuntu kandi bakumva y’uko turi mu gihugu cyiza, cyigisha ineza, bakaba impfura. Twebwe nka AERG twababajwe n’urupfu rw’uriya muntu.”

Ubuyobozi bw’Akarere bwo bwavuze ko hari icyo bwatangiye gukora kandi ko nabo bababajwe n’urupfu rw’umuturage wabo.

Umuyobozi w’Akarere ka Gicumbi wungirije ushinzwe imibereho myiza y’abaturage, Benihirwe Charlote, yagize ati “Ni ibyo koko umuturage yarishwe kandi uwakoze icyaha ntaramenyekana, ariko nk’ubuyobozi ntabwo twicaye ahubwo twatangiye gukurikirana dufatanyije na Polisi.”

Yongeyeho ko kuba hicwa abaturage barokotse Jenoside byerekana ko ingengabitekerezo yayo yaba igisaritse bamwe, ngo ako karere kagiye kubihagurukira.

Ati “Kurandura ibyo byose birasaba kwigishwa buri gihe ariko hari abantu bameze nk’aho banze gucika ku ngengabitekerezo ya Jenoside arizo ngaruka mubona duhura nazo buri gihe ariko ntabwo byaduca intege tuzakomeza kwigisha abatumva bahanwe kugeza ubwo abaturage bazatekana.”

Mugabo Theoneste yiciwe mu murenge wa Bukure ku itariki 17 Kamena 2016.

 

Comments

 
 
Rusizi:Imvura yashenye ibiro by’akagari yangiza n’imyaka y’abaturage
Rusizi:Imvura yashenye ibiro by’akagari yangiza n’imyaka y’abaturage

Ubuyobozi bw’umurenge wa Nyakarenzo mu karere ka Rusizi buravuga ko imvura ivanze n’urubura n’umuyaga mwinshi yaguye kuwa kabiri, yashenye ku buryo bukomeye ibiro by’akagari ka Gatare muri uyu (...)

Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.