2017-08-19 07:41:08 clouds 27o High | Kigali Rwanda

Dukurikire:
 
 

Abitandukanyije na FDLR basuye ibikorwa by’iterambere mu karere ka Burera

Yanditswe na IMVAHO NSHYA

Kuya 2017-05-19 05:32:35

 
Share on:
 
Yasuwe:72
 
Yavuzweho:200
 
10
 
10

Abitandukanyije n’abarwanyi b’umutwe wa FDLR barimo guhabwa inyigisho zibafasha gusubira mu buzima busanzwe basuye akarere ka Burera mu rwego rwo kwihera amaso ibyo u Rwanda rumaze kugeraho mu iterambere mu bice by’icyaro.

Muri urwo rugendoshuri, beretswe byinshi bimaze kugerwaho mu bice by’icyaro, mu gihe bamwe muri bo bumvaga ko iterambere ryaba riri mu mijyi gusa.

Kanamugire Ephrem, umuyobozi mu kigo gishinzwe gusubiza mu buzima busanzwe aba bitandukanyije n’umutwe wa FDLR kiri i Mutobo, akaba ari na we wari ubayoboye, yasobanuye ko bahisemo kubazana mu karere k’icyaro kugira ngo barebe nibura aho icyaro cy’u Rwanda kigeze mu iterambere, kuko ngo hari abakeka ko imijyi ari yo yonyine yagezemo iterambere.

Yagize ati “Uru rugendo twagiriye muri aka karere rugamije gushimangira inyigisho bamaze iminsi bahabwa zijyanye n’iterambere ry’u Rwanda nyuma y’intambara yo kubohora igihugu, biboneye n’amaso yabo ku buryo burambuye uko iterambere ry’akarere rihagaze.

JPEG - 489.9 kb
Abitandukanyije na FDLR bishimiye gahunda zigamije kuzamura imibereho y’abaturage nk’akarima k’igikoni, VUP, Girinka n’izindi

Basobanuriwe gahunda ya Leta mu gufasha abaturage batishoboye nka VUP, Girinka, ubwisungane mu kwivuza, ubudehe n’izindi gahunda zigamije iterambere ry’igihugu, zirimo imihigo, ibigega binyuranye byo guteza abanyarwanda imbere, icyerekezo 2020, Ndi umunyarwanda, mudasobwa kuri buri munyeshuri n’izindi”.

Nyuma yo gutemberezwa berekwa ibyagezweho muri rusange, bagaragaje ko basa n’abari mu nzozi, bamwe bavuga ko bigoye kwemera ko ibyo babonye n’ibyo babwiwe byagezweho ku ngufu z’u Rwanda gusa, kuko bava mu mashyamba ya Kongo ngo batabonye umwanya wo kugera iwabo ku misozi ngo barebe uko igihugu gikataje mu iterambere rinyuranye.

Umwe muri bo yagize ati “Nta bwo niyumvishaga ukuntu nyakatsi twasize ari nyinshi mu gihugu zacika, ubu nkaba mbona hari inzu zubatswe neza, aho twanyuze hari amazu agerekeranye, mu minsi mike nagiye gusuhuza abavandimwe nabonye buri wese atunze telefoni! Za kaburimbo zirahari, kandi ahenshi hageze amashanyarazi kuko nabonye insinga ziyatwara nazo ari nyinshi”.

Aba bari mu kigo cya Mutobo bahabwa amasomo abafasha kwinjira mu buzima busanzwe, bagize icyiciro cya 60. Bose hamwe ni 75, harimo umugore umwe gusa.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE