Advertisement
 
 
 
 
 
 
 
 

Amakuru | Mu Ntara | Intara

Abigisha abarimu "Iya Kure" bamaze umwaka badahembwa   

  Yanditswe na IYAREMYE YVES
 May 2016

 
 

Abarimu barenga 140 bigisha abandi, babafasha kwimenyereza umwuga w’ubwarimu mu mushinga wa Kaminuza y’u Rwanda ishami ry’uburezi, bavuga ko bagiye kumara umwaka badahembwa kandi bakora akazi kabo uko bikwiye.

Aba barimu bakorera ku masite agera ku icumi mu gihugu cyose, barijujutira ko kubakoreshwa ibyo basezeranye ntibishirwe mu bikorwa, mu gihe ubuyobozi bw’iyi gahunda buvuga ko kudahemba neza bipfira ‘hejuru’.

Umwe muri aba barimu yatangarije Imvaho Nshya ko bamaze umwaka badahembwa, kandi ngo bahora bishyuza umushahara wabo, abakoresha bakabima amatwi.

Uyu mwarimu yagize ati:“Twasinye amasezerano yo kwigisha gahunda y’iyakure abarimu ngo barusheho gusobanukirwa n’amasomo bigisha abanyeshuri, akazi turagakunze ariko kuba dukora tudahembwa biratubangamiye kandi biraduhombya.N’umusaruro twakagombye gutanga ntabwo ugerwaho kubera kudufata nabi.”

Aba barimu bamaze kwigisha icyiciro cya mbere kizarangiza mu mpera z’umwaka ushize, bavuga kandi ko atari ubwa mbere bishyuwe nabi kuko n’imyaka ibiri ishize bayishuriwe rimwe barakuyeyo amaso, ndetse ngo baramaze kwandavura kubera ubuzima bubi baterwaga no kudahembwa.

Hafashimana Jean de Dieu, umuhuzabikorwa wa gahunda ya kaminuza y’u Rwanda ishami ry’uburezi, muri porogaramu y’iyakure (SODL) muri Rwamagana na Byumba, avuga ko ikibazo cyo kudahembwa neza ku barimu bamenyereza abandi barimu gihari, kandi ko atari ubwa mbere bibaye kuko no mu myaka yashize byagiye bikunda kugaragara.

Akomeza avuga ko bakomeza gukora ubuvugizi mu nzego zo hejuru ngo barebe ko ikibazo cyakemuka, dore anemeza ko bo ku rwego rwabo baba bakoze ibisabwa, bigatinda bigeze mu nzego zo hejuru.

Yagize ati:“Twe icyo dusabwa ni ugukorera amadosiye abahembesha abo barimu ku gihe kandi turabikora, impamvu dukeka ituma guhembwa bihora bizamo ibibazo ni uko abakozi baturuka ahantu hatandukanye hakaba hazamo impamvu z’imiterere y’aho bari itandukanye, ituma amadosiye na raporo zigera aho bigomba bitinze.Indi mpamvu ni uko abakora imishahara bagorwa no gukorera abakozi benshi icya rimwe.”

Iyamuremye Daniel, umuyobozi uhagarariye iyi gahunda ya kaminuza y’u Rwanda ishami ry’uburezi, yo kumenyereza abarimu hifashishijwe gahunda y’iya kure, yatangarije Imvaho Nshya ko ikibazo akizi, ariko ntiyashima gutanga amakuru mu buryo burambuye kuri telefoni y’umunyamakuru.

Yagize ati: “Ikibazo ndakizi, gusa ntacyo nagutangariza kuri telefone.”

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.