Advertisement
 
 
 
 
 
 
 
 

Amakuru | Mu Ntara | Intara

Abigira ba ‘ntibindeba’ muri gahunda zo Kwibuka bahwituwe   

  Yanditswe na MANISHIMWE NOËL
 April 2016

 
 

Urubyiruko rwo mu murenge wa Remera mu karere ka Ngoma rwishyize hamwe, rwibumbira mu itsinda ry’abagera kuri 25, bagamije gushishikariza abandi kwitabira gahunda zose za leta, by’umwihariko ibikorwa byo kwibuka abazize Jenoside yakorewe abatutsi.

Ubwo hatangwaga ibiganiro byateganyijwe mu gihe cyo kwibuka ku nshuro ya 22 Jenoside yakorewe Abatutsi, mu mudugudu wa Kamvumba, akagari ka Kinunga, mu murenge wa Remera, binyuze mu ikinamico ngufi uru rubyiruko rwibumbiye mu itsinda ‘Return Peace in Citizens’, rwakebuye abigira ba ntibindeba.

Abasore n’inkumi bagize iri tsinda bibukije abakerensa gahunda y’ibiganiro bitwaje ko ngo bitabareba, urubyiruko rwibwirako ari iby’abasaza n’abakecuru n’abo amasaha y’ibiganiro agera bakikingirana; ko ibyo byose bidakwiye kandi ko bigaragaza ko ubikora aba atarahinduka, ari naho hava ingengabitekerezo ya Jenoside.

JPEG - 367.2 kb
Uru rubyiruko rwahagurukiye guhwitura abigira ba ntibindeba (Foto Manishimwe N)

Ndagijimana Jean Claude, umuyobozi w’itsinda ‘Return Peace in Citizens’(RPC) yabwiye Imvaho Nshya ko icyabateye kwishyira hamwe ari ukugira ngo bashishikarize urubyiruko kujya bibona muri gahunda zose za leta, kandi bagatanga umusanzu wabo waba uw’amaboko n’ibitekerezo.

Yagize ati:“Hari gahunda nyinshi usanga urubyiruko rutitaho, rukabiharira abakuru.Umuntu akumva ngo niba ari ukwibuka bigenewe abakecuru n’abasaza byabaye bariho.

Nko mu ikinamico twakinnye wabonye ko hari urubyiruko rwari rurimo kwikinira amakarita mu gihe cy’ibiganiro, abacururiza mu gikari kandi mu by’ukuri ntibiba bikwiye.Twashyizeho iri tsinda rero kugira ngo tujye duha ubutumwa cyane urubyiruko, bwo kujya bitabira gahunda za leta nk’abanyarwanda, kwigira, kwizigamira, gufasha no gufatanya kugira ngo twubake igihugu cyacu.”

Mukamanzi Demitrie, Umunyamabanga Nshingwabikorwa w’akagari ka Kinunga, avuga ko ibikorwa n’urubyiruko rwibumbiye mu itsinda RPC bifite intego nziza, kuko bitanga ubutumwa buhwitura urubyiruko rwirengangiza gahunda za leta.

Yagize ati:“Abagize iri tsinda ni urubyiruko ariko ubona ko rugamije gushishikariza urundi rubyiruko kujya bitabira gahunda, niba ari ibi bihe cy’icyunamo bakitabira bakamenya amateka, iby’igihugu cyanyuzemo no kwirinda ingengabitekerezo.

Uru rubyiruko dukwiye kurushyigikira rukajya rukwirakwiza ubutumwa nk’ubu hirya no hino, yaba mu murenge wacu wa Remera, no mu karere kacu ka Ngoma.”

Itsinda ‘Return Peace in Citizens’ rigizwe n’urubyiruko 25 rw’abakorwa n’abahungu, bakora ibikorwa byo kwizigamira, gufashanya, guhanga imishinga yo kubateza imbere, guhimba imivugo, imbyino n’amakinamico bigamije gushishikariza urubyiruko gukora no kwitabira gahunda za leta.

 

Comments

 
 
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo

Abakozi bakora isuku mu nyubako y’ibiro by’Intara y’Uburasirazuba ikoreramo n’akarere ka Rwamagana, barasaba ubuyobozi kubakorera ubuvugizi rwiyemezamirimo ubakoresha akabishyura, kuko ngo bamaze (...)

Rusizi:Ba Agoronome bamaze amezi 7 bategereje moto z’akazi
Rusizi:Ba Agoronome bamaze amezi 7 bategereje moto z’akazi

Bamwe mu bagoronome n’abaveterineri bo mu karere ka Rusizi baravuga ko hari byinshi bikomeje kudindira muri serivisi baha abaturage bitewe nuko batabasha kubageraho, kuko moto batumije zimaze (...)

Burera:Ubuyobozi bwihanangirije ababyuka banywa inzoga  ngo zibatera imbaraga
Burera:Ubuyobozi bwihanangirije ababyuka banywa inzoga ngo zibatera imbaraga

Ubuyobozi bw’akarere ka Burera burasaba abaturage gucika ku muco wo kubyukira ku ntango y’inzoga n’ibigage, ahubwo bakimakaza umuco wo kubyukira k’umurimo, biteza imbere. Ubu butumwa bwatanzwe mu (...)

Rusizi: Ababyeyi barinubira abakobwa babo
Rusizi: Ababyeyi barinubira abakobwa babo "babaturaho" abuzukuru babyaye batiteguye

Bamwe mu babyeyi bo mu murenge wa Rwimbogo mu karere ka Rusizi, baravuga ko bahangayikishijwe bikomeye n’abana babo bata amashuri kubera inda zitateguwe ntibanavuge abazibatera, ugasanga barateza (...)

Muhanga:Hafunguwe ibyumba by’amashuri y’abafite ubumuga
Muhanga:Hafunguwe ibyumba by’amashuri y’abafite ubumuga

Umuganda ngarukakwezi ku rwego rw’Akarere ka Muhanga, wabereye hafi y’ishuri ry’abafite ubumuga, uhuzwa no gutaha ku mugaragaro ibyumba 6 yabo, byatwaye miliyoni 60 z’amafaranga y’u Rwanda. Senateri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.