Advertisement
 
 
 
 
 
 
 
 

Amakuru | Mu Ntara | Intara

Abayisilamu barashima Perezida Kagame wabafashije kubaka umusigiti w’icyitegererezo   

  Yanditswe na BAHUWIYONGERA SYLVESTRE
 August 2016

 
 

Abayisilamu bo mu mujyi wa Rusizi bemeza ko umusigiti wuzuye i Kamembe mu mujyi wa Rusizi rwagati ngo ari uw’icyitegererezo mu gihugu, bakaba bashimira Umukuru w’igihugu wabateye inkunga ikomeye kugira ngo wuzure.

Nyuma yo kubona ko umusigiti bari bafite mbere wari ushaje cyane kandi ari muto ku buryo ngo utari ukigendanye n’igihe, ndetse muri 2008 umutingito ukawusatagura, abayisilamu bo mu mujyi wa Rusizi bahise bashimangira igitekerezo cyo kwiyubakira umusigiti ujyanye n’icyerekezo bari baratangiye muri 2003.

Aganira n’Imvaho Nshya kuri iyi nyubako ihesha isura nziza umujyi wose wa Rusizi nk’uko babivuga, umuyobozi wawo, Sheikh Nzeyimana Aboubakar, yagize ati:

“Twahise tuwubaka ku nkunga twahise twaka abayisilamu bose ba Kamembe n’inshuti zacu zo hirya no hino, tuwubaka mu buryo bugezweho, na Nyakubahwa Perezida Kagame adutera inkunga.

JPEG - 200.9 kb
Umusigiti wo mu mujyi wa Rusizi ngo icyitegererezo mu Rwanda (Foto Bahuwiyongera S)

Ubu ukaba ugeze ahashimishije utwaye miliyoni zirenga 180 z’amanyarwanda, muri ayo Nyakubahwa Perezida wa Repubulika Paul Kagame yaduhayemo miliyoni 27 zatugiriye akamaro cyane, kuko twari tumaze gushirirwa imbaraga zacu zitangiye kuba nke, tukabimushimira cyane.”

Avuga ko bateganyaga kubaka umusigiti w’amagorofa 2 ariko ubu bakaba bararangije igorofa ya mbere itwaye ziriya miliyoni, mu bihe biri imbere bakazisuganya bakubaka n’iyo gorofa ya 2 isigaye.

Yagize ati:“Ni umusigiti w’icyerekezo rwose urebye uko wubatse, aho wubatse n’ibikoresho biwubatse, ufite ibyumba 9 bya za biro z’abayobozi, aho abashyitsi bashobora kurara badusuye, ubwiherero, ubwogero n’ibindi byose bya ngombwa umusigiti wiyubashye ukenera.

Ukaba ushobora gusengeramo abagabo n’abagore bose hamwe 2500 bisanzuye, mu gihe uwa mbere utarenzaga abantu 400 kandi babyigana.”

Avuga ko mu kubaka iyi gorofa ya 2 bazanubaka inzu mberabyombi, amashuri y’abana biga koruwani, n’inzu z’ubucuruzi ku buryo byose nibyuzura ngo bizaba bigaragaza uruhare rukomeye rw’abayisilamu mu iterambere ry’aka karere.

Uyu muyobozi agasaba urubyuruko kugira uruhare rukomeye mu iyuzura rya burundu ryawo, kuko ngo bateganya no kongera umunara uriho ukaba munini cyane ku buryo uzaba ugaragara mu mujyi wose.

Munyaneza Ramadhan, umwe mu bayisilamu bo muri uyu mujyi, yavuze ko uyu musigiti waje ukenewe cyane kuko uwo basengeragamo utabaheshaga agaciro basanzwe bafite muri uyu mujyi.

Na we ashima cyane inkunga ya Perezida Kagame n’impanuro abaha buri gihe.We na bagenzi be bavuga ko bazawukoresha baharanira umutekano wawo, uw’akarere n’igihugu muri rusange.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.