Advertisement
 
 
 
 
 
 
 
 

Amakuru | Mu Ntara | Intara

Abasaga 25 bafatiwe mu mukwabu w’inzererezi mu mujyi wa Rusizi   

  Yanditswe na BAHUWIYONGERA SYLVESTRE
 March 2016

 
 

Ubuyobozi bw’umurenge wa Kamembe mu mujyi wa Rusizi, buvuga ko bwatangiye gahunda y’imikwabu ihoraho yo guhiga inzererezi zajujubije abaturage, ku ikubitiro hakaba hafashwe abasaga 25.

Hari hashize iminsi abatuye muri uyu mujyi bataka ko inzererezi zabaye nyinshi, aho wasanga ziba abahisi n’abagenzi, hejuru y’ibi kandi zikaba zanakoraga urugomo bitewe n’ibiyobyabwenge zinywa.

Ubuyobozi bw’umurenge wa Kamembe buvuga ko hari gahunda irambye yo gufata inzi nzererezi zikajyanwa mu bigo ngororamuco, aho zigororwa kandi zikigishwa imyuga.

JPEG - 177 kb
Bamwe mu bafatiwe mu mukwabu w’inzererezi (Foto Bahuwiyongera S)

Umunyamabanga Nshingwabikorwa w’umurenge wa Kamembe Ntivuguruzwa Gervais, yemeza ko uyu mukwabu wakozwe bitewe n’umutekano muke izi nzererezi zikomeje guteza muri uyu mujyi, bikanajyana n’ibyemezo binyuranye by’ubuyobozi bukuru bw’igihugu, bibibutsa inshingano zo gukura abana n’inzererezi mu muhanda.

Yagize ati:“Uyu mujyi urimo inzererezi nyinshi n’abajura barimo n’abambura abaturage, cyane cyane abagore, ariko ikibabaje ni uko muri izi nzererezi twafashemo n’umukobwa w’imyaka 18 y’amavuko uvuga ko afite umwana w’imyaka 3,5.

Ibi bikaba bitari bisanzwe nubwo uyu mujyi urimo indaya nyinshi zinabyemera, ariko gufata umukobwa uri mu nzererezi nk’izi byo ntibyari bisanzwe, ababyeyi bakaba bakwiye gusubira ku nshingano zabo zo kurera.”

Uyu muyobozi akomeza avuga ko uretse izi nzererezi 25 zamaze gufatwa, umukwabu ukomeje, abamaze gufatwa bakaba bagomba guhita bajyanwa mu kigo cyita ku nzererezi cya Gashonga muri aka karere, bakaganirizwa.

Yakomeje asobanura ko abemeye kwisubiraho bazarekurwa bagataha, abandi bitewe n’imibereho mibi bafite iwabo bagashakirwa uko bakwiga umwuga ubakura mu mibereho mibi bafite, abagaragara ko ari ba ruharwa bakaba banashyikirizwa ubutabera bagafungwa kubera ibyaha byo kuyogoza abaturage baba bakekwaho.

Ku byerekeranye n’uko mu bafashwe harimo n’abana bato bataye ishuri yagize ati:“Aba bana ni ikibazo gikomeye, bagombye kuba bari mu ishuri ariko aha barara biga ingeso mbi, ejo bakaba ari bo bazavamo abajura bakomeye kandi aho igihugu cyacu kigana ni mu guhindura umuntu umushyira mu buzima bwiza, aho kureka ngo abe ikirara.”

Umwe mu bana bafatiwe muri uyu mukwabu yavuze ko yataye ishuri n’ababyeyi be mu murenge wa Nkanka, akaza kuba inzererezi, ariko yizeza ko narekurwa azahita asubira mu sihuri.

Yagize ati:“Turi abana benshi bataye ishuri twiyizira kuba inzererzi muri uyu mujyi, ariko jye nibandekura nzahita ndisubiramo kuko nanjye mbona ko ubu buzima ntaho bwazangeza.”

Bamwe mu baturage baganiriye n’Imvaho Nshya nyuma y’uyu mukwabu, bavuze ko umukwabu udakwiriye kuba rimwe gusa ngo uhagarare bongere bambure abantu, ahubwo ngo bigomba guhoraho kandi abajura ruharwa bazwi bakajya banahanwa aho kubafata ngo bahite bagaruka batanaryojwe iby’abandi bibye.

 

Comments

 
 
Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.