Advertisement
 
 
 
 
 
 
 
 

Amakuru | Mu Ntara | Intara

Abarundi bakoze Jenoside i Rusizi basabiwe ibihano   

  Yanditswe na BAHUWIYONGERA SYLVESTRE
 April 2016

 
 

Abarokotse Jenoside yakorewe Abatutsi batuye mu kibaya cya Bugarama mu Karere ka Rusizi, barasaba ko Abarundi bagize uruhare muri Jenoside yakorewe Abatutsi mu Rwanda bagezwa imbere y’ubutabera bagahanirwa ibyo bakoze.

Abarokokeye mu kibaya cya Bugarama bavuga ko hari umubare munini w’Abarundi bishe Abatutsi bakabajugunya mu migezi ya Rubyiro, Ruhwa na Rusizi, ariko ngo ikibashengura nuko nta n’umwe barumva yagejejwe imbere y’ubutabera.

Mu buhamya butangwa n’abarokokeye i Rusizi, bagaragaza ko Abarundi bari barahungiye mu Rwanda nyuma y’urupfu rw’uwari Perezida w’u Burundi Melchior Ndadaye, bagize uruhare rukomeye muri Jenoside, ndetse ngo hari n’abambukaga bakava mu Burundi bazanwe no kwica Abatutsi mu Rwanda, barangiza bagasubira iwabo.

Mukamurara Judith, uhagarariye AVEGA mu Murenge wa Bugarama, yagize ati “Abarundi baraduhemukiye cyane, batwiciye abantu mu buryo bw’ubugome burenze urugero, ni na bo bigishije zimwe mu nterahamwe zo mu Bugarama gukerera amajosi y’Abatutsi nta bwoba.”

Iyo batahaba Abatutsi benshi ntibari gupfa.Nta n’umwe twabonye wagize ubutwari bwo kuza kwirega ngo anadusabe imbabazi nibura, tukaba dusaba ko Leta yacu yareba uburyo ivugana n’iy’uBurundi, aba batwiciye abantu bakagaragara, tukababona bakaryozwa ibyo bakoze cyangwa nibura bakadusaba imbabazi.”

JPEG - 314.7 kb
Depite Mukama Abbas ashyira indabo mu mugezi wa Rubyiro (Foto Bahuwiyongera S)

Visi Perezida w’Inteko ishinga amategeko umutwe w’Abadepite, Mukama Abbas, yavuze ko icyifuzo cy’aba barokotse Jenoside gifite ishingiro.

Yagize ati “Jenoside ni icyaha ndengakamere kandi ndengamipaka, nkumva bishoboka ko aho bari hose, nibimara kunonosorwa neza hagati ya Leta zombi, bizasaba ko Abarundi bagize uruhare muri Jenoside yakorewe abatutsi mu Rwanda, ahantu hose bazagaragara bazazanwa mu Rwanda bakabazwa ibyo bakoze.

Kiriya ni icyaha cyakorewe isi, byo ni ko bigomba kugenda.Bagomba kuza bakabazwa mbere na mbere, abo icyaha gihamye bagakatirwa, iby’imbabazi bikaza nyuma.”

Yakomeje agira ati:“Nta kidashoboka kuko niba kiriya cyaha kitareba u Rwanda gusa kireba isi yose, abarundi dupfa kumenya ko bayikoze gusa, dufite abantu babashinja, igihe kizagera hagati ya Leta zombi tugire aho duhuriza, kuko amategeko mpuzamahanga agira uko abivuga, babazwe ibyo bakoze mu Rwanda, bahanwe.”

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.