Advertisement
 
 
 
 
 
 
 
 

Amakuru | Mu Ntara | Intara

Abarokotse Jenoside n’abayigizemo uruhare bahawe inka z’ubwiyunge   

  Yanditswe na MUHIZI ELISÉE
 September 2016

 
 

Umuryango wa gikirisitu ugamije ubwiyunge no gufasha abatishoboye(Christian Action for Reconciliation and Social Assistance) wahaye bamwe mu barokotse Jenoside n’abayigizemo uruhare, inka 50 z’ubwiyunge.

Iyi gahunda yo guha inka ziswe iz’ubwiyunge abarokotse Jenoside yakorewe abatutsi muri Mata 1994 n’abayigizemo uruhare, uyu muryango wa gikirisitu ugamije ubwiyunge no gufasha abatishoboye uvuga ko yabimburiwe no kubanza guha inyigisho aba baturage, zirimo amasomo y’ubumwe n’ubwiyunge.

Bizimana Evariste, umwe mu bahawe inka ndetse akaba ayisangiye na muramu we yiciye umuryango wose harimo abana n’umubyeyi we, avuga ko nyuma yo kugira uruhare mur Jenoside, nta cyizere yari afite cyo kongera kuba mu muryango nyarwanda.

JPEG - 253.6 kb
Visi Meya Kayiranga Innocent yitabiriye umuhango wo gushyikiriza aba baturage inka (Foto Muhizi E)

Yakomeje avuga ko amasomo yahawe ari yo yatumye abohoka umutima, asaba imbabazi uwo yahekuye ku buryo iyi nka bahawe izajya ituma bahura bakaganira ku cyateza imbere imiryango yombi.

Sakofi Jean Népomuscène, warokotse Jenoside yakorewe Abatutsi mu 1994, avuga ko yatunguwe no kubona uwari kumukiza bafitanye n’isano rikomeye, ari we wongeye gufata umuhoro akica abishywa be n’umuryango wose muri rusange.

Gusa akavuga ko gahunda nyinshi z’ubumwe n’ubwiyunge harimo na CARSA zamufashije akabasha kubabarira muramu we, ubu bakaba barongeye kubana nta kwishishanya.

Mbonyingabo Christophe, Umuyobozi Mukuru w’Umuryango wa gikirisitu ugamije ubwiyunge no gufasha abatishoboye, avuga ko kuva aho iyi gahunda yo guhuza abaturage bagize uruhare muri Jenoside n’abayirokotse igiriyeho, imaze gutanga umusaruro ushimishije.

Mbonyingabo akavuga ko hari bamwe mu baturage ndetse n’abanyamahanga bumvaga iki gikorwa kitashoboka bashingiye ku bukana Jenoside yakoranwe, akavuga ko u Rwanda rugomba kubamo abanyarwanda bose, kandi bakarubanamo mu mahoro, buri wese akabaho ntacyo yishisha.

Kayiranga Innocent, Umuyobozi wungirije ushinzwe iterambere ry’ubukungu mu Karere ka Muhanga, avuga ko guha inka umuntu ari ikimenyesto cy’urukundo, kandi ko kuva na kera mbere y’abakoloni ari uwo muco abanyarwanda bahoranye.

Yagize ati:«Turashimira cyane abarokotse Jenoside yakorewe abatutsi kuko bagize imbaraga zo gutanga imbabazi, tutibagiwe n’abagize uruhare muri yo kuko gusaba imbabazi ari ubutwari, n’ubwo bikomeye.»

Mu Karere ka Muhanga Umuryango wa gikirisitu ugamije ubwiyunge no gufasha abatishoboye umaze guha imiryango yagize uruhare muri Jenoside yakorewe abatutsi n’abarokotse Jenoside, inka zigera ku 100, naho mu Karere ka Kamonyi ukaba umaze kuhatanga inka 350 ku miryango itandukanye.

 

Comments

 
 
Kirehe:Abaturage biyubakiye ivuriro rya miliyoni 83
Kirehe:Abaturage biyubakiye ivuriro rya miliyoni 83

Abaturage bo mu kagari ka Kiyanzi, umurenge wa Nyamugali, mu karere ka Kirehe bagorwaga no gukora ingendo ndende bajya kwivuza, ubu barishimira ko baruhutse, kuko biyujurije ivuriro ‘Poste de (...)

Ngoma: Amapfa yatije umurindi ubujura
Ngoma: Amapfa yatije umurindi ubujura

SSP Janvier Mutaganda, Umuyobozi wa Polisi y’u Rwanda mu karere ka Ngoma, avuga ko ubujura bwiganjemo ubw’umusaruro w’ibikomoka ku buhinzi n’amatungo, bwagaragaye cyane muri aka karere mu mwaka (...)

Musanze:Abahinzi b’ibigori bahangayikishijwe n’indwara yitwa Cyumya
Musanze:Abahinzi b’ibigori bahangayikishijwe n’indwara yitwa Cyumya

Ikigo cy’igihugu gishinzwe ubuhinzi n’ubworozi, RAB, kirakangurira abahinzi b’ibigori gukoresha imbuto y’indobanure no gusimburanya ibihingwa mu murima hagamijwe kurwanya indwara y’ibigori yitwa (...)

Hamuritswe igishushanyombonera cy’umujyi wa Bugarama
Hamuritswe igishushanyombonera cy’umujyi wa Bugarama

Mu gihe kiri imbere igice kinini cy’umurenge wa Bugarama kigiye kuba umujyi wunganira umujyi wa Rusizi, igishushanyombonera cyawo kikaba cyaramurukiwe abatekinisiye b’akarere n’ubuyobozi bw’uyu (...)

Rusizi:Abaturage bafashe ingamba zo kwicungira umutekano
Rusizi:Abaturage bafashe ingamba zo kwicungira umutekano

Nyuma y’aho mu rukerera rwo ku wa 12 uku kwezi abantu bataramenyekana bateye mu kagari ka Ryankana mu murenge wa Bugarama bakaharasira abaturage 3 babiri bagahita bahasiga ubuzima, abaturage b’uyu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.