Advertisement
 
 
 
 
 
 
 
 

Amakuru | Mu Ntara | Intara

Abanyarwanda 36 babaga mu mashyamba ya Kongo batahutse   

  Yanditswe na BAHUWIYONGERA SYLVESTRE
 March 2016

 
 

Abanyarwanda 36 bageze mu nkambi ya Nyagatare yakira by’agateganyo abanyarwanda bataha bava mu mashyamba ya Repubulika iharanira Demokarasi ya Kongo banyuze ku mupaka wa Rusizi ya mbere mu karere ka Rusizi, bavuga ko bishimiye gutangira ubuzima bushya mu gihugu cyabo, bamwe bumvaga bataranakibona.

Bamwe mu batashye baganiriye n’Imvaho Nshya, batangaje ko bitoroshye kwigobotora FDLR muri iki gihe, kuko ngo yakajije ingamba zo kubatangira bitewe n’uko ibona abantu bagenda bayishiraho ikagira ubwoba ko yazasigara yonyine, uhingukije ibyo gutaha akaba ashobora no kuhasiga ubuzima.

Mutabaruka Céléstin, waturutse muri zone ya Fizi, akaba yatahaga mu cyahoze ari komini Ruhashya yo mu cyahoze ari perefegitura ya Butare, yagaragaje ko bagowe cyane no kwigobotora abarwanyi b’umutwe wa FDLR, kuko batifuza ko hari umuntu wataha mu Rwanda.

Yagize ati:“Njye mbona abarwanyi ba FDLR bafite ubwoba bwo gusigara bonyine kandi na bo bakavuga ko byabagora basigaye bonyine batagira abaturage, kuko nkatwe bari baratugose kubigobotora bikaba bibaye ha Mana, ari yo mpamvu tunezerewe cyane kugaruka mu gihugu cyacu.”

JPEG - 218.9 kb
Abatahutse biganjemo abana bato (Foto Bahuwiyongera S)

Mukantwari Donatha w’imyaka 26, yatahukanye abana be 3, ariko ngo umugabo we ngo akaba yinangiye gutaha avuga ko agifatanya na FDLR gucukura koluta.

Donatha yavuze ko icyo agiye gukora ari ugutangirira mu mwaka wa mbere w’amashuri abanza akiga kuko mu byo yavukijwe harimo amashuri, akabona ko atize nta kindi yageraho, cyane cyane ko igihugu cyatanze amahirwe yo kwiga ku banyarwanda bose no ku myaka iyo ari yo yose.

Mu kwakira aba banyarwanda batahutse, hagaragayemo abagabo 2, abagore 4 bari kumwe n’abana 11 babeshyaga ko ari impunzi zitashye, nyamara nyuma y’igenzura bigaragara ko bari mu Rwanda vuba aha, bakajya muri Kongo mu bikorwa byabo bwite, bakaza kubeshya ko ari impunzi zitashye ngo zikunde zihabwe ibigenerwa abatahuka.

Aba baturage bo basabwe guhita bataha iwabo nta yandi mananiza, hakaba n’umugore w’umunyekongokazi wazanye n’abana 4 abeshya ko ari impunzi agahita asubizwayo.

Kuva uyu mwaka watangira hamaze gutaha abanyarwanda 255 bambukiye ku mupaka wa Rusizi ya mbere, barimo abagera ku 104 baheruka gutaha.

Icyo abatahutse bakunze guhurizaho, ni ugutangarira iterambere u Rwanda rugezeho, aho bagiye bagaragaza ko aho babaga mu mashyamba batiyumvishaga ko bazasanga igihugu cyarakataje mu iterambere kuri uru rwego.

 

Comments

 
 
Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Rusizi: Ubuyobozi bwahagurukiye abagabo bamarira umutungo w’urugo mu kabari
Rusizi: Ubuyobozi bwahagurukiye abagabo bamarira umutungo w’urugo mu kabari

Amakimbirane yo mu miryango mu karere ka Rusizi akenshi ashingira ku businzi bukabije bw’umwe mu bagize umuryango, aho hari aho usanga umugabo akorera amafaranga yose aho kuyacyura akayamarira mu (...)

Kirehe:Abaturage biyubakiye ivuriro rya miliyoni 83
Kirehe:Abaturage biyubakiye ivuriro rya miliyoni 83

Abaturage bo mu kagari ka Kiyanzi, umurenge wa Nyamugali, mu karere ka Kirehe bagorwaga no gukora ingendo ndende bajya kwivuza, ubu barishimira ko baruhutse, kuko biyujurije ivuriro ‘Poste de (...)

Ngoma: Amapfa yatije umurindi ubujura
Ngoma: Amapfa yatije umurindi ubujura

SSP Janvier Mutaganda, Umuyobozi wa Polisi y’u Rwanda mu karere ka Ngoma, avuga ko ubujura bwiganjemo ubw’umusaruro w’ibikomoka ku buhinzi n’amatungo, bwagaragaye cyane muri aka karere mu mwaka (...)

Musanze:Abahinzi b’ibigori bahangayikishijwe n’indwara yitwa Cyumya
Musanze:Abahinzi b’ibigori bahangayikishijwe n’indwara yitwa Cyumya

Ikigo cy’igihugu gishinzwe ubuhinzi n’ubworozi, RAB, kirakangurira abahinzi b’ibigori gukoresha imbuto y’indobanure no gusimburanya ibihingwa mu murima hagamijwe kurwanya indwara y’ibigori yitwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.