2017-06-22 17:42:31 clouds 27o High | Kigali Rwanda

Dukurikire:
 
 

Abana b’abakobwa barasabwa kureka ingeso bagashyira imbere intego

Yanditswe na IMVAHO NSHYA

Kuya 2016-10-12 16:36:25

 
Share on:
 
Yasuwe:8
 
Yavuzweho:200
 
10
 
10

Minisiteri y’Uburinganire n’Iterambere ry’Umuryango, MIGEPROF irasaba abana b’abakobwa bo mu Rwanda kugira intego zibageza ku iterambere, bakirinda ingeso zibasubiza inyuma.

Ubu butumwa bwatanzwe n’umukozi wa MIGEPROF, ushinzwe gushyira ihame ry’uburinganire muri gahunda zose z’imiyoborere, Nkundimfura Rosette ku munsi mpuzamahanga wahariwe umwana w’umukobwa.

Ni mu gikorwa cyateguwe n’abakobwa biga muri za kaminuza bashaka gufasha barumuna babo mu guharanira iterambere rirambye ry’u Rwanda.

JPEG - 71.7 kb
Abana b’abakobwa biyemeje guteza imbere igihugu cyabo

Nkundimfura avuga ko abakobwa bose bakwiye kumva ko intego yabo ari iterambere, bakwiye kumva ko igihugu cyabo kibakunda bakabiheraho babibyaza umusaruro.

Ati” Abana b’abakobwa bo mu Rwanda bakwiye kumva ko hari bahawe agaciro abandi bo mu bindi bihugu babuze. Bagomba kufata amahirwe bafite bakayabyaza umusaruro. Kuko batabarirwa muri ba bandi bashyingirwa nafite imyaka 15 cyangwa bagakoreshwa uburetwa.”

Uyu muyobozi ariko anasaba abakobwa kwirinda kuba ba ntibindeba no kutiyandarika ngo ingeso zitumhe bahera inyuma mu iterambere.

Ati “Kimwe mu byatumye dukoranya abana b’abakobwa ni ukubigisha kwirinda inda zitateganyijwe n’ubwomanzi kuko bihita bidindiza ibyo bashoboraga kugeraho byose. Ibyo ariko ntibikuraho ko n’abaguye muri uwo mutego Leta itabajugunya, bakomeza bakiga ndetse n’uwo mwana abyaye akitabwaho.”

Abakobwa biga muri kaminuza bibumbiye mu miryango iteza imbere abakobwa, babwiye Imvaho Nshya ko bashatse kwizihiza umunsi mpuzamahanga w’umukobwa bigisha barumuna babo bo mu yisumbuye uko bakwiye kwitwara.

Umuyobozi wungirije w’abakobwa bibumbiye mu miryango iharanira guteza imbere abakobwa Tuyizere Esta Shaban, avuga ko bashaka guhumura abakobwa bakiri bato, bakabigisha uko bakwiye kwitwara, bakagira intego zihamye.

Mu gikorwa bateguye, abana biga mu yisumbuye berekanye ubushobozi bwabo n’inzozi bashaka kuzageraho mu minsi iri imbere.

Banagaragaje kandi n’impano zitandukanye bafite, harimo izo gushobora kuvugira mu ruhame, kubyina gukina ikinamico n’ibindi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE