Advertisement
 
 
 
 
 
 
 
 

Amakuru | Mu Ntara | Intara

Abamotari bemeye ubufatanyacyaha mu bujura bwibasiye umujyi wa Gisenyi   

  Yanditswe na IYAREMYE YVES
 5 months ago

 
 

Abakora akazi ko gutwara abantu kuri moto mu mujyi wa Gisenyi mu karere ka Rubavu, barakekwaho ubufatanyacyaha mu bujura bumaze iminsi bukorwa, bagasabwa kugira uruhare mu kuburwanya bugacika burundu.

Ubuyobozi bw’akarere ka Rubavu n’inzego z’umutekano baratunga urutoki abamotari ku kuba hari abatwara mu masaha y’ijoro bagatwara n’abajura bavuye gupfumura amazu y’abandi n’ibyo bibye.

Izi nzego zivuga ko mu masaha ya nijoro ari bwo ubujura bukunze gukorwa n’abamotari bagashakisha amafaranga banatwara abibye n’ibyibwe, ntibatange amakuru, bagahamya ko ari ubufatanyacyaha.

JPEG - 133.2 kb
Maj Gen Alex Kagame asaba abamotari gutanga amakuru y’ahagaragaye ubujura(Foto Iyaremye Y)

Umuyobozi w’Akarere ka Rubavu wungirije ushinzwe iterambere ry’ubukungu Murenzi Janvier, aganira n’abamotari bamwemereye ko hari ubwo batwara abagenzi bafite ibyo bikoreye ariko ntibaba bagira icyo bakora ku gutanga amakuru, abasaba kujya babivuga.

Yagize ati “Abamotari bakwiye kujya baduha amakuru, hari ubwo umujura aba avuye kupfumura inzu y’umuturage wenda atwaye televiziyo cyangwa ibindi bintu.

Bitandukanye n’umuntu wimutse kuko nta wimuka mu rukerera n’iyo byaba ari byo bajye batubwira bamenyeshe inzego z’umutekano zimubaze aho ari kujya, byadufasha guhangana n’ubu busambo bumaze igihe bugaragara muri uyu mujyi.”

Gafora Sentibagwe, umuyobozi w’impuzamahuriro y’amakoperative y’abamotari mu ntara y’Uburengerazuba yemeza ko hari bamwe mu bamotari bashobora kuba batwara abajura batabizi, agahamya ko bagiye kuvugurura imikoranire n’inzego z’umutekano batanga amakuru aho bigaragaye cyangwa ku bagenzi badashira amakenga.

Aragira ati “Nyuma yo kugaragarizwa ikintu wakwita ubufatanyacyaha mu bujura ku bwo kuba hari abiba tukabatwara ntiditange amakuru tugiye kwisubiraho, ndasaba abamotari kujya bahita bahamagara inzego z’umutekano mu gihe hari aho bigaragaye.

Guharanira kwinjiza amafaranga gusa mu gihe abandi ibyabo bishize byibwa tugiye kubirwanya kandi tuzabigeraho.”

Gen Maj Alex Kagame, umuyobozi w’Ingabo z’u Rwanda mu ntara y’uburengerazuba, aganira n’abamotari ku bijyanye n’umutekano, yababwiye ko bakwiye kugira uruhare mu kurwanya icyakwangiza umutekano cyose, birinda gutwara uwo batazi n’ibyo afite, bakihutira gutanga amakuru mu gihe hari uwo baketseho ibintu bitari byiza.

Abamotari batandukanye nabo ntibabura kwemera uruhare rwabo, ariko bakavuga ko bigiye gukosoka bagaragaza uruhare rwabo mu kurwanya ubujura, batanga amakuru.

Bumwe mu bujura bumaze iminsi bugaragara mu karere ka Rubavu harimo ubwibasiriye sitasiyo za Essance nka OM, aho hibwe na Alimantation byari byegeranye, amabanki atandukanye, amaduka n’amazu y’abaturage yagiye atoborwa mu bihe bitandukanye, ababikoze rimwe na rimwe ntibafatwe.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.