Advertisement
 
 
 
 
 
 
 
 

Amakuru | Mu Ntara | Intara

Abajura bugarije abatuye umujyi wa Muhanga   

  Yanditswe na MUHIZI ELISÉE
 May 2016

 
 

Mu buhamya n’amakuru bitangwa na bamwe mu baturage baba mu mujyi wa Muhanga, bagaragaza ko nta joro na rimwe rishobora gucya abajura badatoboye inzu ngo bibe ibikoresho bitandukanye by’abaturage, bagasaba inzego z’umutekano n’ubutabera ko zajya zihana zihanukiriye abajura bafatwa.

Hashize igihe kinini ikibazo cy’abajura mu mujyi wa Muhanga cyongeye gufata intera ndende, mu byo abaturage batangarije Imvaho Nshya, bavuga ko kuba bibwa buri joro bibahangayikishije, kuko buri wese aba yikanga ko ari we utahiwe kwibwa.

Alfred Segenza, umwe mu baturage abajura baherutse kwiba, avuga ko binjiye iwe hafi saa cyenda z’urukerera, ariko abanza gukeka ko ari abana bashaka kujya mu bwiherero, hashize akanya gato yumva batangiye guhonda inzugi, asohoka kureba ibibaye asanga bahagaze ku rugi rw’icyumba cye, basiga bamwibye ndetse bakomeretsa abana be babiri.

Yagize ati:«Twaramufashe duhamagaza inzego z’umutekano maze azibwira ko yakubiswe cyane, bityo adashobora kuva aho aryamye, bamujyanye mu bitaro ahageze aracika.Icyo Polisi yasigaranye ni indangamuntu ye.»

JPEG - 282.3 kb
Abatuye mu mujyi wa Muhanga basigaye barara bikanga abajura (Foto archive)

Rudasingwa Emmanuel, atuye mu murenge wa Nyamabuye, akagari ka gahogo, avuga ko hari ahantu mu mujyi rwagati bategera abaturage cyane cyane b’igitsina gore bakabambura amasakoshi, telefone n’amafaranga kandi ngo hashize igihe kinini babivuga ntihagire icyo inzego zibikoraho.

Uyu mugabo yongeyeho ko hari nubwo uhasanga abana b’abakobwa bafite imyaka mike bishoye mu buraya, baba bari kumwe n’aba bajura.

Mu nama yahuje abaturage n’inzego zitandukanye z’akarere n’iz’umutekano, Colonel Ryarasa William, umuyobozi w’ingabo mu karere ka Kamonyi na Muhanga, yavuze ko iterambere n’umutekano ari ibintu bibiri byuzuzanya, bityo bakwiye gufatanya kubungabunga umutekano.

Yavuze ko iyo ubajije abaturage hari abakubwira ko umutekano ureba inzego z’umutekano gusa, bakiyibagiza ko ingabo na polisi batashobora kujya kuri buri rugo rw’umuturage.

Yagize ati:«Iterambere n’umutekano ni impanga ntabwo bisigana, mufashe inzego z’umutekano kuwubungabunga.»

Muri iyi nama bamwe mu baturage basabye inzego z’akarere ko zashyira amatara rusange ahantu henshi hakunze kunyura abaturage, kuko hari igihe bitwikira umwijima bakahamburira abaturage.

 

Comments

  • boniface May 2016

    Abajura byo bari kwiba ahantu henshi gusa nemerako abaturage bafatanije na polisi yacu babahashya bagashira, batangiye amakuru kugihe,amarondo n’ibindi polisi yacu n’inyamwuga yabirangiza.


 
 
Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Rwamagana:Abaturage basabwe kurwanya ihohoterwa rishingiye ku gitsina
Rwamagana:Abaturage basabwe kurwanya ihohoterwa rishingiye ku gitsina

Abaturage bo mu ntara y’Uburasirazuba barasabwa kurwanya ihohoterwa rishingiye ku gitsina n’irikorerwa abana, batanga amakuru y’abahohotewe ku gihe, bakanirinda kuzimangatanya ibimenyetso. Ubu ni (...)

APR FC   irasabwa intsinzi    ku mukino wa Zanaco FC
APR FC irasabwa intsinzi ku mukino wa Zanaco FC

APR FC-Zanaco FC (Amahoro-15h30) Ikipe ya APR FC irakina umukino wo kwishyura n’ikipe ya Zanaco FC yo muri Zambia mu mikino y’Afurika y’amakipe yabaye aya mbere iwayo “Total Caf Champions League (...)

Abaturage bo mu Ngororero babaga mu manegeka bahawe inzu zirimo televiziyo
Abaturage bo mu Ngororero babaga mu manegeka bahawe inzu zirimo televiziyo

Abagize imiryango 11 yari ituye mu manegeka mu murenge wa Kabaya mu karere ka Ngororero barashimira Leta yabavanye mu kaga k’ibiza byahoraga bibasenyera ubu bakaba batuye mu nzu nziza zirimo na (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.