Advertisement
 
 
 
 
 
 
 
 

Amakuru | Mu Ntara | Intara

Abajura barembeje inkumi ziba mu macumbi y’ababikira b’i Huye   

  Yanditswe na UMUTONI BEATHA
 July 2016

 
 

Abacumbitse n’abagenda mu muhanda uri inyuma ya Kiliziya Katederale ya Butare bavuga ko bahangayikishijwe n’ubujura n’ubwambuzi bwongeye kubura, bwibasira cyane cyane abakobwa bacumbitse mu nzu z’ababikira zihari.

Ikibazo cy’ubujura mu nzira ica inyuma Kiliziya Katederale ya Butare cyongeye kuvugwa nyuma y’uko hari umwe mu bakobwa bahacumbitse watezwe n’abajura bakabanza kurwana, akanigwa ndetse agakomeretswa bikarangira yambuwe telefone.

Bamwe mu batuye mu macumbi y’abihaye Imana aherereye inyuma ya Katederale ya Butare bagaragaza ko ubu bujura bukorwa bagambiriye kwambura abakobwa bacumbitse muri aya macumbi iyo batashye mu masaha ya nimugoroba.

JPEG - 72.1 kb
Muri iyi nzira iri iruhande rwa Katederale ya Butare niho abajura bategera abantu (Foto Umutoni B)

Abararira amazu y’abihaye Imana nabo banengwa kudatabara utabaza, bikarangira yambuwe cyangwa akomerekejwe nta muntu uramugeraho, nyamara bamwe baba bari hafi yaho byabereye.

Ubu bujura bivugwa ko atari ubwa mbere bukozwe, ahanini ngo butizwa umurindi n’imiterere y’inzira igana ku macumbi, ibihuru bihakikije ndetse n’umwijima uharangwa.

Ibi bigatuma mu masaha y’umugoraba abahacumbitse batinya kuhanyura n’amaguru.Ibyifuzo byabo ni uko bashyirirwaho amatara cyangwa se hagashyirwa abahacungira umutekano.

Uwitwa Hasingizwe, yabwiye Imvaho Nshya ko iyi nzira inyura inyuma ya Kiliziya basigaye batinya kuyinyuramo, kuko ngo abajura baho bongeye kuyogoza.

Yagize ati:“Ni ikibazo hariya hantu ntawe uhanyura, ubundi mu masaha ya nimugoroba ari wenyine kuko hari abambuzi b’abajura baza bakagushikuza ibyo utwaye.

Byari byarahagaze ariko none birongeye biragarutse, ni ahantu hagati y’amazu ntihaba habona kandi harimo urugendo rusa naho ari rurerure kugira ngo umuntu agere kuri home, ku bwanjye mbona hakeneye amatara wenda habona ntibatinyuka kwambura umuntu.”

Umuyobozi w’akarere ka Huye Kayiranga Muzuka Eugene, yatangaje ko bagiye gukaza umutekano muri aka gace kandi ko bagiye no kuganira n’ubuyobozi bwa Katederale, bakareba uburyo hashyirwa amatara.

Yagize ati:“Ubundi mu mujyi twakajije ingamba z’umutekano kandi hari icyo byatanze, niba rero naho muri ako gace hari ababuza umutekano abaturage tugiye kuhakaza umutekano, tunasabe abihaye Imana tuganire ku buryo hashyirwa amatara kuko ni ahabo, ariko umutekano w’abaturage ukomeze ugende neza.”

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Umugabo w’i Nyamasheke afungiwe kurya umugore we umunwa akawumira
Umugabo w’i Nyamasheke afungiwe kurya umugore we umunwa akawumira

Ntambabazi Emmanuel w’imyaka 57, wo mu kagari ka Kagarama, umurenge wa Karambi, mu karere ka Nyamasheke, akurikiranweho guhohotera umugore we Nyiranzabahimana Espérance w’imyaka 30, akamurya (...)

Nyamasheke:  Ikamyo y’Abashinwa yagonze veterineri w’umurenge arapfa
Nyamasheke: Ikamyo y’Abashinwa yagonze veterineri w’umurenge arapfa

Imodoka y’Abashinwa bakora umuhanda wa Nyamasheke-Karongi yari itwawe n’umushoferi witwa Nizeyimana Fabien w’imyaka 45 yagonze moto yari itwaye Veterineri w’ umurenge wa Karambi, Tuyizere Pontien, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.