Advertisement
 
 
 
 
 
 
 
 

Amakuru | Mu Ntara | Intara

Abajura 8 bari mu bazengereje umujyi wa Rusizi batawe muri yombi (Amafoto)   

  Yanditswe na BAHUWIYONGERA Sylvestre
 July 2016

 
 

Ingabo,polisi n’abashinzwe irondo kuri uyu wa Kabiri mu mukwabu, bafashe abajura umunani bari mu bamaze igihe biba abaturage mu mirenge ya Kamembe na Gihundwe mu mujyi wa Rusizi.

Hari hashize iminsi abatuye iyo mirenge bataka abajura babatoborera amazu, ababibira inka bakazibagira mu mashyamba ari hafi y’ingo zabo,abaza mu bikoni bagakura inkono ku ziko bakazijyanana n’ ibiryo birimo n’abiba amateleviziyo n’ibindi bikoresho.

Abo bajura bafatanywe igare ripakiyeho amasafuriya n’ibindi bikoresho byo mu rugo, ibishyimbo bitetse, amavuta yo guteka, umunyu n’ibindi, aho bari babihishe mu rugo rw’uwitwa Mahoro Jean Pierre usanzwe akekwaho kuba icyanzu kinyuzwamo bimwe mu byibwa.

JPEG - 247.1 kb
Aba kimwe na bagenzi babo ngo baratuma abatuye umurenge wa Gihundwe badasinzira

Muri uwo mukwabo kandi hafashwe radiyo na mikoro zayo zibwe mu mudugudu w’icyitegererezo wa Karushaririza. Uwazifatanywe ngo yari afite imfunguzo z’urwo rugo, aho yaraye afunguye nijoro akabitwara,televiziyo ikamunanira.

Ubuyobozi buvuga ko bafashwe mu gihe hari hashize iminsi ibiri gusa mu ishyamba ryo muri uyu murenge wa Gihundwe, mu mudugudu wa Burunga, hateshejwe abagabo bari bamaze kwiba inka ahitwa ku Rwahi, bamaze kuyibaga saa munani z’igicuku.

Aba bajura bahise bashaka gutera ibyuma abanyerondo, induru zivuze barayita bariruka, inyama zijyanwa ku murenge nyirayo amenyekana mu gitondo.

Tuyisabe Eric w’imyaka 20, wafatanwe radiyo na Nshimiyimana Venant w’imyaka 29 wafatanywe igare n’ibyo yari ahetseho,agafatanwa n’udupfunika 2 tw’urumogi, bavuze ko umujyi wa Rusizi urimo abajura benshi cyane kandi ko biteguye kubagaragaza, iyi ngeso bakayireka bagakora ibindi.

Tuyisabe Eric yagize ati “Turi abajura benshi kandi amazu yo turayatobora si ukubeshya, tubiterwa no kubura akazi kuko nkanjye maze iminsi nta kazi mfite, nisumaga (nikoreraga imizigo) ariko inzara yari igiye kunyica kuko ntaho nabonye nisuma,ariko tugiye kubireka dukore ibindi, kandi na bagenzi bacu tuzi bazengereje umujyi tugiye kubashyira ahagaragara na bo bafatwe.”

Mukantwari Béatha utuye mu mudugudu wa Burunga avuga ko nawe aherutse kwibwa ariko ngo ababazwa n’uko iyo abajura bageze muri gereza batamaramo kabiri.

Ati’’ Baratuzengereje rwose kuko nk’ubu mperutse kubyuka nsanga ibintu byose babimaze mu nzu baciye urugi, gusa tubabazwa n’uko polisi ibafunga igahita ibarekura,bakaza bafite ubukana buruta ubwa mbere.’’

Nyandwi Charles, ushinzwe umutekano mu kagari ka Burunga avuga ko mu bo baherutse gufata harimo n’abari bafite ibikapu byuzuyemo ibyuma bicisha inzugi n’ibyuzuye imfunguzo bafunguza bacura, ubu bujura bukaba bukwiye ingamba zihariye.

Mu nama y’umutekano y’umurenge wa Gihundwe iherutse ,umunyamabanga nshingwabikorwa wawo, Muganga Alain Emmanuel yari yasabye imbaraga za bose mu kurwanya ubu bujura butobora amazu,ariko ngo burarushaho gukara.

 

Comments

 
 
Karongi: Basabwe gukemura ikibazo cy’imanza za Gacaca mu kwezi kumwe
Karongi: Basabwe gukemura ikibazo cy’imanza za Gacaca mu kwezi kumwe

Umukozi wa Minisiteri y’ubutabera ushinzwe guhuza ibikorwa byo kwegereza abaturage ubutabera, Mugabo Frank, yasabye abafite aho bahuriye n’irangizwa ry’imanza za Gacaca gukora ibishoboka byose (...)

Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.