Advertisement
 
 
 
 
 
 
 
 

Amakuru | Mu Ntara | Intara

Abafite ubumuga ntibagera mu biro bya Meya wa Ngoma   

  Yanditswe na MANISHIMWE NOËL
 28 March

 
 

Abafite ubumuga bw’amaguru bo mu karere ka Ngoma, bavuga ko bagorwa no kugeza ibibazo byabo ku bayobozi batandukanye, by’umwihariko umuyobozi w’aka karere, kuko ibiro bye biba mu nyubako yo hejuru kandi batarateganyirijwe uburyo bwo kumugeraho.

Mu buhamya bwa Musabyimana Patricia, ufite ubumuga bw’ingingo, yagaragaje ko hari ubwo yagize ikibazo cyasabaga ko abonana n’umuyobozi w’akarere ka Ngoma, akagorwa bikomeye no kumugeraho, kugeza ubwo asabye umwe mu bakozi b’akarere kumuterura akamugeza mu biro by’umuyobozi w’akarere biri mu itaje (etage) hejuru.

Yagize ati:“Urajya ku karere kugira ngo ubonane na Meya kandi umukeneye bikaba ikibazo, rimwe nagiye ku karere nshaka Meya, nabwo banyemereye amafaranga yo kujya gushaka insimburangingo, mpageze ngiye kurira itaje biranshobera, ndibaza nti ese ubu ndabigenza nte ndashaka se umuntu unyuriza?"

PNG - 586.8 kb
Abafite ubumuga bw’ingingo bagorwa no kugera mu nyubako zo hejuru (Foto Manishimwe N)

Yakomeje ati:"Ubwo sinzi umugabo ukora ku karere waje ndamufata, ndamubwira nti nyamuneka ndimo gushaka Meya, kuko mfite ikibazo gikomeye ku buryo nibyanga ndaguma aha kugeza igihe Meya asohokeye.

Ubwo noneho icyo yakoze, yarambwiye ati reka turwanyarwanye nshakishe uburyo nkuzamura aha.Yaranzamuye, aranterura angeza hejuru, ndagenda mvugana na Meya.”

Uyu mugore yemeza ko iki kibazo agihuriyeho n’abandi bafite ubumuga bw’amaguru, cyane cyane abagendera mu magare.

Nambaje Aphrodis, Umuyobozi w’akarere ka Ngoma yemera ko inyubako aka karere gakoreramo koko idafite inzira zorohereza abafite ubumuga, akagaragaza ikibazo cy’ubushobozi buke nk’imbogamizi yatumye izi nzira kugeza ubu zitarashyirwaho.

Yagize ati:“Ntabwo imiterere y’inyubako yacu byadukundiye bijyanye n’ubushobozi kugira ngo tube twayisenya tuyishyire mu buryo, ariko turabitekereza mu gihe kiri imbere twazabikora kugira ngo na serivise bakeneye hejuru babashe kuzibona.

Ariko mu gihe batarabikora n’ubundi, serivise bakeneye iyo badukeneye tubasanga hasi n’ubundi buryo, aho umuntu adakeneye kujya mu biro kugira ngo abonane na Meya.”

Meya Nambaje avuga ko mu gihe ubushobozi butaraboneka hakozwe byinshi ngo abafite ubumuga boroherezwe kubonana n’ababafasha, birimo kuba ibiro bikoreramo abakozi bashinzwe kubitaho by’umwihariko biri hasi, aho bashobora kwinjira bitabagoye, ndetse n’uburyo bwo gukemura ibibazo by’abaturage binyuze mu giti cy’ibisubizo kiri mu busitani bw’aka karere.

Amabwiriza mashya agenga imyubakire, ategeka ko uwubaka inzu n’inyubako zihurirwamo n’abantu benshi n’izitangirwamo serivise, ashyiramo uburyo n’inzira zorohereza abafite ubumuga.

Gusa kuba inyubako nyinshi zarubatswe mbere y’aya mabwiriza biracyari imbogamizi ku bafite ubumuga bakenera serivise zizitangirwamo.

 

Comments

Who are you?
Your post
  • To create paragraphs, just leave blank lines.

 
 
Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Karongi:Abaturage 31 bajyanwe mu bitaro bazira ikigage banyoye mu bukwe
Karongi:Abaturage 31 bajyanwe mu bitaro bazira ikigage banyoye mu bukwe

Abaturage 31 bo mu mudugudu wa Nyagahinga, Akagari ka Ruhinga mu murenge wa Gitesi ho mu karere ka Karongi, bamaze iminsi mu bitaro, nyuma yo kunywa ikigage bikekwa ko gihumanye mu bukwe. Aba (...)

Uburengerazuba: Guverineri Munyantwari yasabwe kwihutisha iterambere
Uburengerazuba: Guverineri Munyantwari yasabwe kwihutisha iterambere

Abanyamuryango ba FPR Inkotanyi mu ntara y’Uburengerazuba, batoye Guverineri Munyantwari Alphonse nk’umuyobozi mushya w’uyu muryango muri iyi Ntara, bamusaba kwihutisha iterambere. Guverineri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.