2017-07-22 13:49:51 clouds 27o High | Kigali Rwanda

Dukurikire:
 
 

Ababyeyi n’abarezi baritana ba mwana ku kibazo cy’impenure mu banyeshuri

Yanditswe na IMVAHO NSHYA

Kuya 2016-07-27 09:32:59

 
Share on:
 
Yasuwe:23
 
Yavuzweho:200
 
10
 
10

Abarerera mu bigo by’amashuri yisumbuye mu mujyi wa Musanze, baravuga ko ikibazo cy’imyambarire mibi ikomeje kugwira mu bana igirwamo uruhare n’ibigo bigamo byemera ko iyi myambarire igaragara mu bigo byabo, mu gihe abarezi bo bashinja bamwe mu babyeyi kubabera urugero rubi.

Aba babyeyi bavuga ko umuco wo kwambara impenure ku bakobwa ndetse no kwambarira amapantaro mu ntege ku bahungu, abana bawigira mu bigo by’amashuri bigamo, bakawukurana abayobozi barebera.

Bamwe mu bayobozi b’ibigo by’amashuri bo baratangaza ko ngo rimwe na rimwe hari n’ababyeyi baba bambara nabi k’uburyo abana babo babigana.Gusa ibi bintu ngo bigomba gucika k’ubufatanye bw’ababyeyi n’abarezi, kabone n’ubwo bitana ba mwana.

JPEG - 131.7 kb
Umuti w’ikibazo cy’imyambarire idahwitse mu mashuri uzatangwa n’ababyeyi bafatanyije n’abarezi

Hakizimana Emmanuel, umwe mu babyeyi baganiriye n’Imvaho Nshya, yagize ati:“Kuri ubu imyambarire y’urubyiruko ni ikibazo, kandi abarangwa n’imyambarire mibi ni abitwa ngo bagiye mu mashuri, na we se ujya kubona ukabona umwana aje mu biruhuko ukabona ari kwambarira ipantaro mu ntege, umukobwa ukabona yambaye ingutiya wagereranya n’umushwaro yakenyeye.

Ibi rero mbona abayobozi b’ibigo by’amashuri babigiramo uruhare rukomeye, kuko niba batabihagurukiye mu bigo by’amashuri tuzagera ubwo dusanga bambaye ubusa”.

Uyu mubyeyi akomeza avuga ko ngo nanone babikura ku banyamahanga na bo baba bambaye bakurikije umuco wabo, ibi bintu bishobora kuzatuma ngo abana b’abanyarwanda bata umuco wabo.

Asaba ko mu masomo abanyeshuri bahabwa ajyanye no gukunda igihugu batozwa no kumenya imyambarire iranga umunyarwanda.

Umuyobozi w’ikigo cy’amashuri yisumbuye cya ESSA Ruhengeri, Basa Ngabo Jean, we asanga ahanini imyambarire mibi y’abana bayikomora kuri bamwe mu babyeyi babo, nabo usanga bambaye mu buryo buteye isoni.

Yagize ati:“Rimwe na rimwe bamwe mu babyeyi barenganya abayobozi cyangwa se abarezi b’ibigo by’amashuri, none se urambwira ngo byakumvikana bite ko umubyeyi aza gusura umwana we yambaye impenure, kandi isuku igira isoko, hanyuma umwana akazambara ate?

Twe hano kubera ko abanyeshuri benshi aba ari abakobwa, umwambaro w’ishuri bawugura hano tubasaba kwambara bakikikwiza, hari rero abaduca mu rihumye bagakata amajipo yabo, iyo tugufashe tugusaba gukuramo ako kajipo gato ukongera ukagura indi ndende”.

Uyu muyobozi akomeza avuga ko imyambarire myiza ijyanye n’umuco izakomeza kubaho k’ubufatanye bw’ababyeyi n’abarezi.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE