Advertisement
 
 
 
 
 
 
 
 

Amakuru | Mu Ntara | Intara

Abacukuraga Wolfram i Mutenderi bahagaritse akazi   

  Yanditswe na MANISHIMWE NOËL
 16 April

 
 

Ubuyobozi bwa sosiyete ya SEAVMC ikora ubucukuzi bw’amabuye y’agaciro yo mu bwoko wa Wolfram, mu mudugudu wa Kabombo, akagari ka Kibare, mu murenge wa Mutenderi, bugaragaza ko bitewe n’igabanyuka ry’ibiciro by’aya mabuye ku isoko mpuzamahanga, bwatakaje abakozi benshi baretse ubucukuzi bigira mu yindi mirimo.

Ntivuguruzwa Juma, uyobora ishami rya sosiyete ya SEAVMC ikora ubucukuzi bw’ amabuye y’agaciro mu murenge wa Mutenderi, avuga ko igiciro ngenderwaho cy’amabuye y’agaciro kigenwa hagendewe ku isoko mpuzamahanga.

Asobanura ko iki giciro gihindagurika, ibi bigatuma iyo cyagabanutse abakora mu mirimo y’ubucukuzi bagabanyirizwa umushahara.

JPEG - 452.1 kb
N’ubwo hari abaretse akazi, hari abadashobora kukavirira kabone nubwo kabahemba make (Foto Manishimwe N)

Ibi nibyo byabaye muri iki gihe, bituma abakozi bagera kuri 60 bahitamo kuba bahagaritse aka kazi bigira gukora indi mirimo.

Ntivuguruzwa yagize ati:“Mu minsi ishize ibiciro bitaramanuka twari dufite abakozi bagera mu 120, ariko ubu aho bimanukiye bamwe bahise bacika intege kuko iyo ibiciro byamanutse natwe hari ukuntu tubagabanyiriza amafaranga, ubu dusigaranye abasaga 60 abandi bagiye mu mirimo isanzwe.”

Ubuhamya Imvaho Nshya yahawe na bamwe mu bakomeje aka kazi, bugaragaza ko mu gihe ibiciro byari bimeze neza bashoboraga guhembwa amafaranga asaga ibihumbi 100 ku kwezi, none ngo kuri ubu ntibashobora kurenza ibihumbi 75.

Guhagarika akazi kw’aba bakozi byatumye umusaruro w’amabuye ya Wolfram yacukurwaga mu birombe bya Kabombo ugabanuka cyane, nk’uko bivuga na Ntivuguruzwa, ugaragaza ko bagitangira n’ibiciro bikimeze neza bashoboraga kubona umusaruro ugera kuri toni ku munsi, ariko ngo kuri ubu basarura ibiro 200 gusa ku munsi.

Yagize ati:“Igihombo ntabwo cyabura kuko hari n’abo usanga bibagiraho ingaruka nka site imwe igahagarika akazi.Mbere umusaruro warabonekaga cyane kuko n’abakozi baterwaga akanyamuneza n’uko bahembwaga amafaranga menshi.”

Mu rwego rwo kugira ngo abakozi bose batigendera, ubuyobozi bw’ahacukurwa amabuye y’agaciro yo mu bwoko bwa Wolfram mu birombe bya Kabombo, ngo bugerageza kutabagabanyiriza bikabije umushahara bahembwa buri kwezi, kubaganiriza no kubabwira ko nubwo ibiciro byaguye muri iki gihe, hari ikindi kizagera bikongera kuba byiza, bakongera guhembwa amafaranga ashimishije.

Nubwo muri ibi birombe by’amabuye y’agaciro hari bamwe mu bacukuzi baciwe intege n’igabanuka rw’ibiciro by’amabuye y’agaciro ku isoko mpuzamahanga, abagera kuri 60 biyemeje gukomeza gukora ubucukuzi bavuga ko igabanuka ry’ibiciro ritatuma bareka kazi, bitewe nuko ngo bagakunda kandi bishimira iterambere kamaze kubagezaho.

 

Comments

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.