Advertisement
 
 
 
 
 
 
 
 

Amakuru | Mu Ntara

Umwanda usohoka muri Gereza ya Musanze wanduza amazi y’abaturage   

  Yanditswe na NGABOYABAHIZI PROTAIS
 4 months ago

 
 

Bamwe mu baturage bo mu murenge wa Muhoza, Akarere ka Musanze babangamiwe n’umwanda uturuka muri Gereza ya Musanze bahamya ko wanduza amazi yo muri Kigombe bakoresha mu buzima bwabo bwa buri munsi.

Nduwayo Elisafani umwe baturage bo mu kagari ka Kigombe yagize ati “ Ubu dufite ikibazo gisa n’cyanze kubonerwa umuti, twatakiye abayobozi bose hashize igihe, umwanda uva muri Gereza ya Musanze utwangiriza amazi, bacunga imvura iguye bafungura imisarane yabo ikaza muri uyu mugezi wa Kigombe.

Yakomeje agira ati “Aya mazi tuyakoresha mu mirimo myinshi ya buri munsi mu ngo zacu, turayameshesha tuyaha inka zacu, ariko iyo uyu mwanda uje uratwangiriza cyane ubu inzoka zaratuzengereje kubera amoko y’imyanda itandukanye.”

Undi muturage yongeraho ko n’imyanda ikomoka mu bitaro bya Ruhengeri yicara isimburana n’iyo muri gereza.

Yagize ati “ Imyanda yo mu bitaro bya Ruhengeri batarekuye umwanda wo mu misarane yabo n’andi mazi yakoreshejwe mu isuku no koza ibikoresho bitandukanye, tuba twiteguye ko Gereza irohereza, rwose nta kuntu tutakambye ariko ubuyobozi bwaradutereranye”.

Umuvugizi w’Urwego rw’igihugu rushinzwe ifungwa n’abagororwa mu Rwanda SIP Hillariy yemeje ko hari amazi ava muri gereza uretse ko agera mu giturage yamaze guterwamo imiti

Sengabo yagize ati “Amazi akoreshwa yo muri gereza mu koga no koza ibikoresho ni yo aca muri uriya muferege ariko asohoka twamaze guteramo umuti utuma abaturage badashobora guhumana, kandi aya mazi ahura n’ayo mu bitaro bikuru bya Ruhengeri, ndetse n’ayo mu ruganda rwa SOPYRWA; sinzi rero impamvu abaturage bavuga ko ari ayo muri gereza.”

Yakomeje ashimangira ko nta myanda y’imisarane bajya barekura kuko bayibyaza ingufu ati “Tuyirundira hamwe tukayakoresha muri biyogazi, ntabwo rero tuyoborera umwanda mu baturage, ntabwo kandi tubika amazi muri gereza ngo tuyagomorore ku munsi umwe. Amazi yose akoreshejwe asohoka muri gereza, kandi ubu twikorera imiti dukoresha mu kwica udukoko two muri aya mazi no kurwanya umunuko.”

Uyu muyobozi avuga igikorwa cyo kwimura iyi gereza yibatswe mu 1935 kiri mu mushinga ngo kikaba kitari cyemezwa neza.

Iki gikorwa kizajyana no Kwimura Gereza ya Gasabo na Nyarugenge (1930) bizimurirwa i Mageragere bitarenze Mutarama 2016, hari n’umushinga wo kubaka Gereza ya Nyamasheke ahazimurirwa gereza ya Rusizi, mu rwego rwo kwagura ibikorwa remezo.

 

Comments

 
 
Rubavu:Ubuyobozi bwiyemeje kugoboka abanyeshuri basizwe iheruheru n’inkongi y’umuriro
Rubavu:Ubuyobozi bwiyemeje kugoboka abanyeshuri basizwe iheruheru n’inkongi y’umuriro

Ubuyobozi bw’akarere ka Rubavu burizeza ubuvugizi abanyeshuri barangiza amashuri yisumbuye bagizweho ingaruka n’inkongi yibasiye ishuri ry’ababatisita mu Rwanda, riherereye mu mudugudu wa Muhato, (...)

Nyamasheke: Gitifu w’akagari yatawe muri yombi akurikiranweho amafaranga ibihumbi 2
Nyamasheke: Gitifu w’akagari yatawe muri yombi akurikiranweho amafaranga ibihumbi 2

Umunyamabanga nshingwabikorwa w’akagari ka Banda mu murenge wa Rangiro,mu karere ka Nyamasheke ari mu maboko ya polisi kuri sitasiyo ya Kanjongo akurikiranweho amafaranga 2400 yahawe n’abaturage (...)

Urubyiruko rw’u Rwanda na Congo rwiyemeje guharanira ubutabera n’amahoro
Urubyiruko rw’u Rwanda na Congo rwiyemeje guharanira ubutabera n’amahoro

Biciye mu bihangano binyuranye, abasore n’inkumi bagera kuri 400 bo mu turere twa Rusizi na Nyamasheke bari mu mahuriro y’ubutabera n’amahoro mu mashuri yisumbuye, na bagenzi babo b’i Bukavu na (...)

Abagore  b’i Ngoma bishyize hamwe bagurirana ibitenge  buri mwaka
Abagore b’i Ngoma bishyize hamwe bagurirana ibitenge buri mwaka

Abagore bo mu murenge wa Murama, mu kagari ka Rurenge bishimira ko bahuje imbaraga ubu bakaba bagurirana ibitenge buri mwaka, kandi bakaba bafashanya binyuze mu itsinda bishyiriyeho ryo kubitsa (...)

Nyamasheke: Inkuba yakubise ikigo cy’ishuri ihungabanya abana b’abakobwa icyenda
Nyamasheke: Inkuba yakubise ikigo cy’ishuri ihungabanya abana b’abakobwa icyenda

Inkuba yakubise ku kigo cy’ishuri cya TTC mwezi giherereye mu murenge wa Karengera mu karere ka Nyamasheke ihungabanya abana b’abakobwa icyenda n’umugabo ukora hafi y’iryo shuri bajyanwa mu bitaro. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.