Advertisement
 
 
 
 
 
 
 
 

Amakuru | Mu Ntara

Rwamagana: Yasubijwe umwana yibwe n’uwo amusigiye ngo amumufashe   

  Yanditswe na HAKIZIMANA YUSSUF
 2 months ago

 
 

Uwizeyimana Darilla wo mu karere ka Rwamagana yasubijwe umwana we w’umwaka n’amezi atatu nyuma y’igihe kirenga ukwezi amuburiye mu Isoko rya kayonza.

Ku wa 10 Ugushyingo 2016 Uwizeyimana n’umugabo we basubije uyu mwana bari bamaze ukwezi bamubuze. Nyina w’umwana yasobanuye ko uyu mwana yamusigiye umuntu basanzwe baziranye ngo amumufashe gato agiye kwihagarika, agarutse ayoberwa aho arengeye.

Yagize ati "Nagiye kwihagarika umwana wanjye muha umuntu ngo amumfashe, ngarutse nsanga umuntu yagiye. Icyo gihe nahise negera inzego za Polisi nzimenyesha ikibazo nagize, bamfasha gushakisha umwana kugeza ubwo yabonekeye i Muhanga none baramunshyikirije. Ndashima Polisi y’u Rwanda, ubuyobozi bw’i Muhanga n’ubushinjacyaha bwaho bwamfashije mu gihe nari ndi yo.”

Kubura uyu mwana kandi byari byateje amakimbirane mu rugo rw’uyu mubyeyi mu kagari ka Cyanya mu murenge wa Kigabiro, nk’uko bivugwa n’umugabo we Mutsinzi Eric.

JPEG - 338.6 kb
Ababyeyi bishimiye kubona umwana wabo (Foto Hakizimana Y)

Mutsinzi ngo ni na we waje gutanga ikirego kuri Polisi ya Rwamagana bwa mbere, avuga ko umwana we yabuze.

Mutsinzi yagize ati "Umugore yaje ambwira ko umwana yabuze ndamukurikirana ndamubaza nshaka kumenya uko umwana yabuze kuko sinabyiyumvishaga, n’ubu umwana twamushakishaga tutabana yari yarasubiye iwabo i Nzige ntabwo twari tukibana."

Ubuyobozi bwa Polisi i Rwamagana bwemeza ko buri wese ku giti cye yahoraga kuri Polisi abaza niba nta gakuru k’umwana wabo, ariko ku bufatanye bwa Polisi n’abaturage umugore wari wibye umwana yafatiwe i Muhanga, ubu akaba afunzwe.Yari yihinduye amazina yitwa Charlotte umwana nawe yaramwise Honorine.

Uwizeyimana Darilla n’umugabo we baragira inama yo kutizera abantu bose ngo bibagirwe ko inshingano za mbere zo kurera ari izabo.

Uwizerimana yagize ati "Umuntu wantwariye umwana yari asanzwe ari umuntu tuziranye, nasabaga buri munyarwanda kwizirika ku mwana we, ntawukwiye guha umwana we umuntu wese abonye kandi n’uwagira ikibazo yakwegera Polisi y’igihugu yamufasha."

Mutsinzi Eric we arasaba Abanyarwanda kuba maso, yagize ati "Umubyeyi wese agomba kwizirika ku mwana we akamuheka ntakagire undi muntu amuha, kuko iki kibazo kirakomeye kandi gihera mu muryango.”

Yashimangiye kandi ko kurera neza biri mu bituma imiryango ibana neza bigahosha amakimbirane mu miryango kuko abantu ‘badashobora kubana neza mu gihe habuze umwana akenshi biturutse ku burangare bw’umwe mu bagize umuryango.’

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Kayonza:Bakusanyije miliyoni 6 ngo begerezwe amazi barayategereza baraheba
Kayonza:Bakusanyije miliyoni 6 ngo begerezwe amazi barayategereza baraheba

Abaturage bo muri Nyamugari mu murenge wa Ndego mu karere ka Kayonza bavuga ko bakusanyije amafaranga arenga miliyoni 6 ngo babone amazi meza, ariko ngo barayategereza baraheba. Igitekerezo cyo (...)

Rwamagana: Barasabwa gukumira ingengabitekerezo ya Jenoside bahereye mu bana
Rwamagana: Barasabwa gukumira ingengabitekerezo ya Jenoside bahereye mu bana

Umuyobozi w’akarere ka Rwamagana Mbonyumuvunyi Radjab, arasaba abaturage batuye muri aka karere kwirinda gukongeza ingengabitekerezo ya Jenoside mu bana bato, ahubwo bakayikumira kugira ngo (...)

Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.