Advertisement
 
 
 
 
 
 
 
 

Amakuru | Mu Ntara

Rwamagana: Hanenzwe ababyeyi bahorana intonganya mu ngo   

  Yanditswe na HAKIZIMANA YUSSUF
 4 days ago

 
 

Minisitiri w’ubutegetsi bw’igihugu Kaboneka Francis, arasaba abanyarwanda kubungabunga umutekano w’igihugu, ariko ugahera mu ngo zabo, abarara barwana bakabyihana kuko nabyo bibarwa mu bihungabanya umutekano.

Mu biganiro byakurikiye igikorwa cy’umuganda usoza ukwezi kw’Ugushyingo wabereye mu kagari ka Ruhunda mu murenge wa Gishari mu karere ka Rwamagana, ikibazo cy’abagabo n’abagore barara barwana cyagarutsweho.

Minisitiri Kaboneka yibukije abaturage b’i Ruhunda ko bakwiye kugira uruhare mu kubungabunga umutekano ariko bakabihera mu ngo zabo.

Yagize ati “Nituvuga umutekano mwumve ko ari umutekano uhera mu ngo zanyu, abantu barara barwana cyangwa bakirirwa barwana umugabo n’umugore n’abana induru zivuga mu rugo uwo nawo ni umutekano muke, turabasaba ko muharanira ko mu ngo zanyu umugabo, umugore n’abana barangwa n’umutekano. Barangwe n’umutuzo mu rugo aho guhora barwana bagaharanira icyabateza imbere, icyo gihe nibigerwaho umutekano uzaba ubungabunzwe, undi ushobora kuza kubahungabanyiriza umutekano twashoboye kubaka uwo nguwo ntaho yanyura.”

Bamwe mu baturage bo mu kagari ka Ruhunda baganiriye n’Imvaho Nshya bagaragaje ko ikibazo cy’umutekano muke uhera mu ngo z’abaturage koko kigaragara muri aka kagari kabo.

Nyirasafari Immaculee yagize ati “Ikibazo cy’umutekano muke mu ngo kirahari cyane, ingo nyinshi usanga zaracitsemo ibice bibiri bamwe bashyigikiye nyina abandi bari ku ruhande rwa se, hari ingo nyinshi zizwi ko abaturage barara bajya gukiza intambara yaho.

Aba bantu kandi nta kintu bajya bageraho kuko aho gukorera urugo rwabo usanga bahora mu makimbirane adashobora gutuma hari icyo bikorera.”

Kajangwe Philbert, umusaza uri mu kigero cy’imyaka 75 wo mu mudugudu wa Nyagahinga, yibukije ababyeyi ko kuva na kera umubyeyi yaharaniraga guha urugero rwiza abana, bityo aboneraho kunenga abatongana mu maso y’abana babo.

Yagize ati “Kuva kera nta mubyeyi watonganyaga undi mu maso y’abana ariko ubu ibintu byarahindutse, abantu bageze naho barwanira imbere y’abana kandi uwo ni umurage mubi baba baha abana. Nasabaga ababyeyi ko batekereza cyane ku burere baha abana babo, bagatekereza icyo babifuzaho mu gihe bazaba bakuze.”

Abaturage barasabwa kubungabunga umutekano ndetse bakanatangira amakuru ku gihe mu rwego rwo kubungabunga umutekano.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ngoma: Akarere karishyurira ES Mutenderi umwenda wa miliyoni 80
Ngoma: Akarere karishyurira ES Mutenderi umwenda wa miliyoni 80

Ubuyobozi bw’Akarere ka Ngoma buvuga ko bwahawe isomo rikomeye n’ideni ry’amafaranga y’u Rwanda agera kuri miliyoni 80 akarere karimo kwishyurira ishuri ryisumbuye rya Mutenderi (ES Mutenderi), (...)

Karongi: Imirima y’abaturage imaze imyaka 4 yarigaruriwe na rwiyemezamirimo
Karongi: Imirima y’abaturage imaze imyaka 4 yarigaruriwe na rwiyemezamirimo

Bamwe mu baturage bo mu mirenge wa Rugabano na Rubengera mu karere ka Karongi, barasaba ko bahabwa uburenganzira bwo kubyaza umusaruro imirima yabo, kuko kuyegurira rwiyemezamirimo babibonamo (...)

Nyamasheke: Akarere gahangayikishijwe n’ingurane z’abaturage zatinze kuboneka
Nyamasheke: Akarere gahangayikishijwe n’ingurane z’abaturage zatinze kuboneka

Ubuyobozi bw’Akarere ka Nyamasheke buravuga ko buhangayikishijwe n’ikibazo cy’abaturage 324 bafite imitungo yabo yangijwe mu ikorwa ry’umuhanda Nyamasheke-Karongi, magingo aya bakaba batarahabwa (...)

Rwamagana: Hanenzwe ababyeyi bahorana intonganya mu ngo
Rwamagana: Hanenzwe ababyeyi bahorana intonganya mu ngo

Minisitiri w’ubutegetsi bw’igihugu Kaboneka Francis, arasaba abanyarwanda kubungabunga umutekano w’igihugu, ariko ugahera mu ngo zabo, abarara barwana bakabyihana kuko nabyo bibarwa mu bihungabanya (...)

Rusizi: Abapasiteri 21 bageze mu zabukuru bagabiwe inka
Rusizi: Abapasiteri 21 bageze mu zabukuru bagabiwe inka

Itorero Méthodiste Libre mu Rwanda ryagabiye inka abapasiteri 21 bageze mu zabukuru, mu rwego rwo kubafasha kugira amasaziro meza. Ubuyobozi bw’iri torero bwemeza ko ari ubwa mbere gahunda nk’iyi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.