Advertisement
 
 
 
 
 
 
 
 

Amakuru | Mu Ntara

Rwamagana: Bababajwe n’abagateje umujyi imbere bimukira mu yindi   

  Yanditswe na HAKIZIMANA YUSSUF
 4 months ago

 
 

Bamwe mu baturage bo mu karere ka Rwamagana bagaragaje agahinda baterwa n’uko umujyi wabo udatera imbere ndetse na bamwe mu bakawuteje imbere kaba bigira mu yindi mijyi.

Abatuye mu mujyi wa Rwamagana bavuga ko baterwa ipfunwe no kubona akarere kabo kagenda biguru ntege mu iterambere kandi kari hafi y’Umurwa Mukuru Kigali, ari na ho abenshi mu baturage bimukira abandi bakigira i Kayonza n’ahandi kabone n’iyo baba bafite imirimo bakorera muri aka karere.

Umwe muri bo witwa Murangwa Evariste yagize ati “Iyo abantu babivuze mugira ngo wenda ni ukubeshya; nkubu abafite amahoteli akomeye i Kayonza bose ni Abanyarwamagana, nta hahiro rikomeye wabona mu mujyi wa Rwamagana, amazu meza ahari ni aya Leta gusa kandi ntibisobanuye ko i Rwamagana nta bantu dufite bafite amafaranga. Hoya rwose abantu barahari ariko ntibashaka kuhakorera.”

JPEG - 243.6 kb
Abaturage b’i Rwamagana bicaye basasa inzobe ku buryo batishimiye uko umujyi wabo usa

Ndangira Aimable wo muri Kigabiro na we yagize ati “Nta hantu hazima hiyubashye ho kwidagadurira muri Rwamagana, ushaka kwidagadura ajya i Kigali cyangwa akajya i Kayonza. Iyo ugeze muri Rwamagana muri weekend ugashaka aho wafatira ifunguro ntiwahabona, inaha nta bacuruzi bakomeye bahaba iyo witegereje usanga uyu mujyi usigaye ku izina gusa.”

Ubuyobozi bw’Akarere bwemeza ko bwabonye iki kibazo kandi ko bari kugishakira umuti urambye.

Umuyobozi w’Akarere wungirije ushinzwe ubukungu Mudaheranwa Regis, yagize ati “Usanga abantu b’inshuti n’abandi baguhamagara bakubaza ngo ese ko akarere kanyu kadatera imbere? Kandi twe nk’ubuyobozi nta mafaranga tugira yo kubaka aka karere, icyo dukora ni ugushishiskariza abaturage no kubashyiriraho umurongo mwiza wa politiki wabafasha gukora neza bakunguka bakabona ibyo bashaka byose byaduteza imbere aho kugirango abantu bose bajye birukira kujya gukorera I Kigali, ubu turifuza guhuriza hamwe abatuye mu yindi mijyi tukigira hamwe uko twateza imbere Rwamagana yacu.

Yashimangiye abatuye mu yindi mijyi bazabasangiza ubunararibonye bw’aho bari ari na ko berekwa ibikenewe kugira ngo kavukire yabo ise nabi.

Si ubwa mbere abatuye mu mujyi wa Rwamagana binubira uburyo umujyi wabo udatera imbere kandi bafite amahirwe yo kuba baturanye n’umujyi wa Kigali ndetse bakaba bafite n’ibiyaga bibiri aribyo Mugesera na Muhazi bikurura ba mukrerarugendo.

 

Comments

 
 
Nyamasheke: Inkuba yakubise ikigo cy’ishuri ihungabanya abana b’abakobwa icyenda
Nyamasheke: Inkuba yakubise ikigo cy’ishuri ihungabanya abana b’abakobwa icyenda

Inkuba yakubise ku kigo cy’ishuri cya TTC mwezi giherereye mu murenge wa Karengera mu karere ka Nyamasheke ihungabanya abana b’abakobwa icyenda n’umugabo ukora hafi y’iryo shuri bajyanwa mu bitaro. (...)

Rubavu: Imicungire y’umutungo w’ishyirahamwe ry’abageze mu zabukuru irakemangwa
Rubavu: Imicungire y’umutungo w’ishyirahamwe ry’abageze mu zabukuru irakemangwa

Abasaza n’abakecuru 209 bo mu murenge wa Rubavu mu karere ka Rubavu bahoze bafashwa muri gahunda ya VUP, barasaba ko bahabwa inyungu z’umusaruro w’ishyirahamwe bari barashinze, ryitwa Baturebereho. (...)

Abaturage b’i Kayonza batejeje neza baremewe na bagenzi babo toni 2,8 z’ibigori
Abaturage b’i Kayonza batejeje neza baremewe na bagenzi babo toni 2,8 z’ibigori

Abaturage bo mu kagari ka Nkondo mu murenge wa Rwinkwavu mu karere ka Kayonza baremeye bagenzi babo batabashije kweza, babaha toni 2 n’ibiro 800 byo kubafasha muri iki gihe. Ubuyobozi bw’akarere (...)

Rulindo: Bishimiye umuyoboro w’amazi bahawe watwaye akabakaba miliyari
Rulindo: Bishimiye umuyoboro w’amazi bahawe watwaye akabakaba miliyari

Abaturage mu Karere ka Rulindo, barashimira Leta y’u Rwanda yabahaye amazi meza binyuze mu muyoboro w’amazi wa Mutagata watashywe kuri ku wa Kabiri taliki ya 14 Werurwe 2017. Uwo muyoboro wa (...)

Nyamasheke:Abamotari barashinja umuyobozi wabo isesagura ry’umutungo
Nyamasheke:Abamotari barashinja umuyobozi wabo isesagura ry’umutungo

Abamotari bagera ku 147 bibumbiye muri koperative COTRAMONYA ifite icyicaro muri santere y’ubucuruzi ya Tyazo mu murenge wa Kanjongo, mu karere ka Nyamasheke, barashinja umuyobozi wa koperative (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.