Advertisement
 
 
 
 
 
 
 
 

Amakuru | Mu Ntara

Rwamagana: Abaturage 62 000 biganjemo abishoboye ntibarishyura mituweli   

  Yanditswe na HAKIZIMANA YUSSUF
 3 months ago

 
 

Ubuyobozi bw’akarere ka Rwamagana buravuga ko bufite abaturage basaga ibihumbi 62 bataratanga umusanzu wa mituweli, nyamara abenshi muri bo batabuze ubushobozi bwo kwishyura.

Ibi ni bimwe mu bibazo byigiwe hamwe mu nama ya komite mpuzabikorwa yabereye mu murenge wa Muhazi i Kitazigurwa.

Ikibazo cya mituweli i Rwamagana ni kimwe mu bibazo bihangayikishije akarere, kuko kugeza ubu muri aka karere abaturage barengaho gato 74% ari bo bamaze kwishyura ubwisungane mu kwivuza bwa mituweli.

JPEG - 148.9 kb
Meya w’Akarere ka Rwamagana Mbonyumuvunyi Radjab (Foto Hakizimana Y)

Umuyobozi w’Akarere ka Rwamagana wungirije ushinzwe ubukungu Mudaheranwa Regis, yagize ati “Ubu dufite ikibazo cy’abaturage ibihumbi 62 batarishyura mituweli kandi aba baturage ni abacu, ariko umuntu yibaza impamvu ituma badashaka kwishyura bikakuyobera, ubukangurambaga buba bwakozwe yemwe hari n’abazi akamaro kayo kuturusha.”

Bamwe mu bagiye batanga ibitekerezo berekanye ko hari umuco ukwiye gucika wo kwishyurira abaturage mituweli, ukaba uri mu bituma bamwe binangira kwiyishyurira.

Munyandinda yagize ati “Kwishyurira abaturage mituweli ni byiza ariko na none bikurura umuco wo kumva ko buri gihe bazahora bamwishyurira, hari abanga kwishyura kuko bazi ko iherezo bazabishyurira, abo batishyura iyo witegereje usanga batarabuze amafaranga, aho bigaragarira ni iyo aramutse arwaye akajyanwa kwa muganga izo mituweli zihita zishyurwa.”

Umukuru w’umudugudu w’i Nyagasambu mu murenge wa Fumbwe witwa Rukundo Anicet, nawe yemeza ko hari abaturage badatanga mituweli kandi batabuze aubushobozI.

Yagize ati “Uzasanga hari abantu bakubwira ngo bo ntibajya barware, ngo ntabwo yafata mituweli atazakoresha, hari uwambwiye ngo ese mituweli imyaka yose imaze ko ntararwara, itangira narayitangaga ariko naje gusanga ntacyo nungutse kuko sinjya rwara.”

Muri iyi nama hemejwe ko umuco wo gutangira abaturage mituweli ucika ahubwo hagashakwa uburyo aba bantu bayitangirwa batishoboye bahabwa inkunga zizajya zituma ubutaha bibonera mituweli, nkuko byemejwe n’umunyamabanga wa leta muri Minisiteri y’ubutegetsi bw’igihugu Dr Mukabaramba Alvera.

Yagize ati “Aba bantu ni benshi cyane bataratanga mituweli, ariko birabasaba ko mwigira ku bandi uko babigenje mukabumbira hamwe abaturage mu matsinda bagatangira kwishyurira mu matsinda bitabagoye.

Muzashake abantu bajya batanga ubuhamya bavujwe na mituweli kandi bagere ahantu hose, aba baturage ntimukabishyurire kuko n’ejo bazabasaba kubishyurira ahubwo muri ayo mafaranga mubaguriremo nk’amatungo magufi yororoka kandi azabafasha kubasha kwiyishyurira umwaka utaha.”

Ubushakashatsi ku mibereho y’ingo bwa 4(EICEV4) bwakozwe n’ikigo cy’igihugu gishinzwe ibarurishamibare, bwagaragaje ko akarere ka Rwamagana kari ku mwanya wa 4 mu gihugu mu turere dufite umubare muke w’abakene.

 

Comments

 
 
APR FC   irasabwa intsinzi    ku mukino wa Zanaco FC
APR FC irasabwa intsinzi ku mukino wa Zanaco FC

APR FC-Zanaco FC (Amahoro-15h30) Ikipe ya APR FC irakina umukino wo kwishyura n’ikipe ya Zanaco FC yo muri Zambia mu mikino y’Afurika y’amakipe yabaye aya mbere iwayo “Total Caf Champions League (...)

Abaturage bo mu Ngororero babaga mu manegeka bahawe inzu zirimo televiziyo
Abaturage bo mu Ngororero babaga mu manegeka bahawe inzu zirimo televiziyo

Abagize imiryango 11 yari ituye mu manegeka mu murenge wa Kabaya mu karere ka Ngororero barashimira Leta yabavanye mu kaga k’ibiza byahoraga bibasenyera ubu bakaba batuye mu nzu nziza zirimo na (...)

Burera:Dasso irishimira ko yatesheje abacuruzi bashakaga kurigisa miliyoni 14 z’imisoro
Burera:Dasso irishimira ko yatesheje abacuruzi bashakaga kurigisa miliyoni 14 z’imisoro

Abagize urwego Rushinzwe umutekano mu karere ka Burera, Dasso, barishimira ko bashoboye kugaruza miliyoni zirenga cumi n’enye z’amafaranga y’u Rwanda, yari agiye kurigiswa na bamwe mu bacuruzi. DCO (...)

Ngoma:Abasore 10 bakekwaho kunywa ibiyobyabwenge batawe muri yombi mu mukwabu
Ngoma:Abasore 10 bakekwaho kunywa ibiyobyabwenge batawe muri yombi mu mukwabu

Ku bufatanye n’inzego z’umutekano, abaturage n’ubuyobozi bw’akagari ka Cyasemakamba mu murenge wa Kibungo mu karere ka Ngoma hatawe muri yombi abasore 10 b’inzererezi, barimo abemera ko banywa (...)

Rubavu:Ibibanza ibihumbi 57 ntibyishyurirwa umusoro w’ubukode bw’ubutaka
Rubavu:Ibibanza ibihumbi 57 ntibyishyurirwa umusoro w’ubukode bw’ubutaka

Ubuyobozi bw’akarere ka Rubavu buvuga ko buhangayikishijwe n’ikibazo cy’ibibanza birenga ibihumbi 57 bimaze igihe kinini bidasora ubukode bw’ubutaka kandi ba nyira byo babizi. Ubu buyobozi buvuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.