Advertisement
 
 
 
 
 
 
 
 

Amakuru | Mu Ntara

Rwamagana: Abatonganya abarwayi i Ruhunda batangiye gukurikiranwa   

  Yanditswe na HAKIZIMANA YUSSUF
 2 weeks ago

 
 

Abaturage bivuriza ku kigo nderabuzima cya Ruhunda mu murenge wa Gishari mu karere ka Rwamagana, barinubira serivisi mbi bahabwa kwa muganga, bakaba basaba ubuyobozi bw’akarere kubafasha bugakemura iki kibazo.

Ubuyobozi bw’Akarere bwemeza ko iki kibazo kizwi ndetse ko bwatangiye kugikurikirana.

Umwe mu baturage bivuriza kuri iki kigo nderabuzima witwa Musanabera Ernestine, yavuze ko hari ubwo bahabwa serivisi mbi n’abakozi b’ikigo nderabuzima cya Ruhunda bakabura uwo baregera.

Yagize ati “Ikibazo dufite kwa muganga hari ubwo bakubonamo indwara cyangwa ntibayibone ariko ntibakohereze ahandi ngo bagukurikirane, njye nigeze kuzana umutware wanjye araharembera banga kumuha taransiferi aguma aho, ariko ku bwa mahirwe baje kumutwara yatangiye kurerembura amaso.

JPEG - 399.3 kb
Abatangaga serivisi mbi ku kigo nderabuzima cya Ruhunda ngo batangiye gukurikiranwa (Foto Hakizimana Y)

Nta kintu na kimwe bamukoreye, bamutwaye ku bitaro bya Rwamagana tuhageze baradutonganya cyane ngo kuki umuntu tutamuzanye hakiri kare, baramuvura arakira nyamara abaganga bo ku kigo nderabuzima bo bari bamwihoreye. Iki kibazo si njye njyenyine cyabayeho, turi benshi duhabwa serivisi mbi kandi abaganga ntihagire icyo bakorwaho.”

Undi mugabo nawe yatanze ubuhamya bw’ukuntu yahawe serivisi mbi, nawe asaba ubuyobozi bw’akarere kugira icyo bukora mu maguru mashya.

Yagize ati “Nazanye umugore wanjye aje kubyara, abari kumwakira b’abaganga bigumira kuri telefone kugeza ubwo umwana yapfiriye mu nda, nyuma na nyina aza kwitaba Imana. Icyo kibazo abantu bose barakizi nakigejeje no ku karere, rwose serivisi mbi duhabwa aha zikwiye gusubirwamo kuko abantu baha wagira ngo ntibakorera mu Rwanda barigenga ntacyo bitaho na mba.”

Umuyobozi w’Akarere ka Rwamaganaa Mbonyumuvunyi Radjab, yemeza ko iki kibazo cya serivisi mbi zitangirwa ku kigo nderabuzima cya Ruhunda kizwi, ariko kandi ngo cyashakiwe umuti.

Yagize ati “Ikibazo cyanyu kirazwi ndetse na kiriya cy’uriya mugabo twarakimenye bamwe muri abo baganga ubu barakurikiranwe abandi barafunze, ariko kandi hari uburyo burambye bwo gukemura iki kibazo. Ni ukurushaho gukurikirana serivisi zitangirwa kwa muganga kandi ubu byarahindutse kuko mbere byaterwaga n’umuyobozi wari uhari, ubu twazanye undi kandi turizera ko amakosa yabaye atazongera kubaho.”

Aba baturage bemeza ko n’ubwo bahabwa serivisi batishimira bacitse ku muco wo kurembera mu rugo cyangwa kwivuza magendu, kuko ngo abajyanama b’ubuzima babegera bakabafasha.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ngoma:Barasabira ubuvugizi umuturanyi wabo wananiwe kwivuza indwara yo kugwa
Ngoma:Barasabira ubuvugizi umuturanyi wabo wananiwe kwivuza indwara yo kugwa

Abaturage bo mu kagari ka Nyagatugunda, umurenge wa Zaza, mu karere ka Ngoma, barasaba ubuyobozi gukorera ubuvugizi umuturanyi wabo witwa Twishime Issa umaze amezi atandatu adafata imiti (...)

Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.