Advertisement
 
 
 
 
 
 
 
 

Amakuru | Mu Ntara

Rusizi: Umwana w’imyaka 16 yarohamye mu kidendezi cy’amazi arapfa   

  Yanditswe na BAHUWIYONGERA SYLVESTRE
 1 month ago

 
 

Mutuyimana Zablon w’imyaka 16 wari utuye mu mudugudu wa Rwamiko, Akagari ka Kigenge mu murenge wa Giheke, mu karere ka Rusizi, birakekwa ko yapfuye arohamye mu kindendezi cy’amazi kinini.

Ikidendezi uyu mwana yarohamyemo cyari cyaracukuye ubwo sosiyete y’abanyapakisitani yahacukuraga amabuye y’agaciro y’ubwoko bwa Safiri mu igerageza, kuva mu mwaka wa 2011.

Kimwe n’ibindi byobo bihari, bikaba ari birebire cyane mu burebure n’ubujyakuzimu, bikaba byari byaracukuriwe gushyirwamo amazi yo gutunganirizamo (kogerezamo) aya mabuye.

Uyu mwana ni uwo mu murenge wa Giheke


Aya mabuye ngo baje gusanga ari make cyane baza guhitamo guhagarika uwo mushinga wo kuyacukura barigendera, ariko basiga ibyo byobo batabisibye bihinduka ibidendezi binini by’amazi abana bajyaga bacika ababyeyi bakajya kogeramo.

Nk’uko Imvaho Nshya yabitangarijwe n’umunyamabanga nshingwabikorwa w’akagari ka Kigenge, Mukatuyizere Olive, ngo uyu mwana waturukaga mu kagari ka Mataba mu murenge wa Nkungu, muri aka karere, akaba yari amaze iminsi 3 atangiye aka kazi muri aka kagari.

Yajyanye n’abandi bana 3 bo muri ako kagari bari basanzwe bamenyereye koga, bajya kogera muri ibyo bizenga byari byuzuye amazi, uyu mwana agitangira koga ahita arohama, bagenzi be bahita bajya guhuruza abaturage n’inzego z’ubuyobozi.

Yagize ati “Yaguyemo mu ma saa cyenda z’igicamunsi zo kuri uyu wa gatandatu, kugeza ubu yatunaniye kumukuramo, Polisi twiyambaje ikaba yavuze ko iza kumukuramo icyakora kugeza muri aya masaha ya saa tatu z’iki cyumweru ntarakurwamo turacyategereje ko Polisi iza ikadufasha kumukuramo.

Kuva yarohama ntiyigeze yuburuka kandi bikaba ari ibyobo birebire cyane, ku buryo nta kindi twakora ngo tumukuremo uretse gutegereza Polisi ikabidufashamo.”

Uyu muyobozi avuga ko uru rupfu rw’uyu mwana rusize isomo rikomeye cyane kuri ibi byobo ubuyobozi butahise busiba kuko hari hashize nk’imyaka 2 bagiye, ariko amazi akomeza kuba menshi n’abana bayakinisha uko bashatse ntihagire utekereza kubakoma, ariko ngo uru rupfu rurabakanguye.

Yagize ati “Tugiye kwihutira gukamya ariya mazi no gusiba ibyo byobo byose bihari dusabe n’abarinda ibikoresho iyi sosiyete yasize gukumira aba bana, tugasaba abaturage kurinda abana babo kuzerera mu bihe nk’ibi by’ibiruhuko kuko ari bwo bahura n’ingorane nk’izi. Ikindi ababyeyi bakareka gukura abana mu mashuri ngo bajye gukora akazi ko mu ngo imburagihe.”

Uyu mwana yavuye mu ishuri mu myaka 2 ishize ari mu mwaka wa 4 w’amashuri abanza, biteganyijwe ko narohorwa (ubwo twandikaga iyi nkuru yari atararohorwa) umurambo we ubanza kujyanwa mu bitaro bya Bushenge gukorerwa isuzuma mbere yo gushyingurwa.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.