Advertisement
 
 
 
 
 
 
 
 

Amakuru | Mu Ntara

Rusizi: Batawe muri yombi bashinjwa kunyereza imifuka 8 y’ifumbire   

  Yanditswe na BAHUWIYONGERA SYLVESTRE
 4 months ago

 
 

Sibomana Erneste na Icyimpaye J.M.V bo mu mudugudu wa Bunyereri, akagari ka Kiziho, mu murenge wa Nyakabuye, mu bakurikiranweho kunyereza ifumbire y’ikawa.

Aba bagabo bayifatanwe ku bufatanye n’inzego z’ubuyozi n’iz’umutekano ndetse n’abaturage, bakaba bahise bajyananwa na yo kuri Sitasiyo ya Polisi ya Nyakabuye kugira ngo bakurikiranwe. Nyuma y’igihe gito babaye barekuwe igihe iperereza rigikomeje, ariko ifumbire yo iracyari kuri Sitasiyo ya Polisi ya Nyakabuye.

Umunyamabanga Nshingwabikorwa w’uyu murenge Ngirabatware James, yemeje aya makuru avuga ko nyuma yo guhabwa amakuru n’abaturage ko hari ifumbire yagenewe gushyirwa muri kawa yatangiye kunyerezwa bakanabarangira aho iherereye, bahise bihutira gusaka mu ngo zatungwaga agatoki bahita bagwa gitumo abo bavugwaga bayibitse mu mazu yabo.

JPEG - 283.8 kb
Iyi ni imwe mu mifuka y’ifumbire yafashwe yibwe

Yagize ati “Sibomana Erneste yafatanwe imifuka itanu y’iyo fumbire yari ivangavanzemo n’indi yavugaga ko azateresha mu myaka ye, undi yitwa Icyimpaye JMV wafatanywe imifuka itatu yari imaze iminsi yarabuze bigaragara ko yanyerejwe. Bashobora kongera gufatwa umunota uwo ari wo wose igihe basanga koko icyaha kibahama, ifumbire yo yagumye kuri polisi.”

Icyakora nubwo ngo bakomeje gukurikiranwa na polisi ntibagaragaza neza uburyo bayibonyemo, gusa uyu Sibomana Erneste we avuga ko yagiye ayigura n’abaturage bayihawe indi ayigura n’abanyamakoperative y’abahinzi b’umuceri bo mu kibaya cya Bugarama.

Umunyamabanga Nshingwabikorwa w’uyu murenge avuga ko bakeka ko aba bayifatanwe bashobora kuba bari bafite gahunda yo kuzayigurisha n’abandi, baba abo baturanye cyangwa se bakaba banayambukana mu bihugu by’abaturanyi kuko no mu bihe bishize hari andi mafumbire yafatwaga mu buryo nk’ubu.

Uyu muyobozi avuga ko bahise basaba abaturage kwirinda kunyereza cyangwa gukoresha mu buryo butemewe n’amategeko ibyo bahabwa ngo bibazamure, bakanashimirwa kuba bamaze kumenya gutungira agatoki ubuyobozi aho babona hari ikibazo cyangwa babona hari ukora ibibahombya.

Abaturage kandi basobanuriwe ko abakora nk’ibyo baba bagamije kubaheza mu bukene, kuko ifumbire nk’iyi yagombaga gushyirwa muri kawa ngo ibateze imbere iyo inyerejwe bahomba n’igihugu kikahahombera.

Muri uyu murenge ifumbire imaze gutangwa ngo ishyirwe muri kawa igeze kuri toni 46.5, bikaba biteganyijwe ko bitarenze kuwa 18 uku kwezi kawa zose ziwurimo zizaba zashyizwemo ifumbire.

 

Comments

 
 
Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Abasaga 300 bahawe akazi ko kubaka imihanda Perezida Kagame yemereye Abanyagakenke
Abasaga 300 bahawe akazi ko kubaka imihanda Perezida Kagame yemereye Abanyagakenke

Ubuyobozi bw’Akarere ka Gakenke buvuga ko ibikorwa byo kubaka imihanda Perezida wa Repubulika yemereye abaturage byatangiye, ndetse ko abaturage basaga 300 babonye akazi. Iyi mihanda Perezida (...)

Ngororero:Abahinzi bakeneye inganda zitunganya umusaruro w’urutoki
Ngororero:Abahinzi bakeneye inganda zitunganya umusaruro w’urutoki

Abahinzi bo mu Karere ka Ngororero bavuga ko kutagira inganda zitunganya umusaruro w’ibikomoka ku rutoki ndetse no ku bindi bihingwa, bituma umusaruro wabo utababyarira umusaruro ukwiye. Mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.