Advertisement
 
 
 
 
 
 
 
 

Amakuru | Mu Ntara

Rusizi: Bahangayikishijwe n’abagabo babo birirwa baryamye kubera ubushomeri   

  Yanditswe na BAHUWIYONGERA SYLVESTRE
 5 months ago

 
 

Abagore bo mu karere ka Rusizi bahangayikishijwe n’imibereho yabo mu gihe abagabo batunga ingo bamaze igihe kinini mu bushomeri kuva igihe imirimo y’uburyobyi mu kiyaga cya Kivu yahagarikiwe mu mezi abiri ashize.

Ifungwa ry’ikiyaga cya Kivu rikorwa buri mwaka, hagamijwe kongera umusaruro w’amafi, ariko mu gihe gifunzwe abashingiye imibereho yabo ku bikorwa bijyanye n’uburobyi gusa Babura ahandi bakura amafaranga.

Bamwe mu bagaragaje iki kibazo ni abagore baba basanzwe nta kindi bakora, uretse gutegereza ko abagabo bazana isambaza barobye cyangwa amafaranga bazikuyemo.

Bavuga ko bamwe muri bo barambiwe iyo mibereho yo guhora bategereje isambaza zarobwe n’abagabo babo, na bo bakaba barishoye mu mazi bakajya kuroba, n’ubwo bo bavuga ko bakigowe no kurara baroba nk’abagabo.

JPEG - 377.7 kb
Umubare munini w’abatuye ku Nkombo batunzwe n’uburobyi (Foto Bahuwiyongera S)

Iki kibazo cy’ubushomeri bwatewe no guhagarika ibikorwa by’uburobyi bemeza ko ingaruka zacyo zigera kuri buri wese.

Nyiraneza Thamar, utuye mu mudugudu wa Gaturo, Akagari ka Bugarura yagize ati “Twe abagore rwose muri iyi minsi tumerewe nabi kubera ko abagabo bacu bagiye kumara amezi abiri mu bushomeri kuko kiriya kiyaga ni cyo dukuramo ibiribwa n’amafaranga agura ibindi. Ubwato bwagombaga kwinjiza buparitse aho, twumva bitugoye rwose ku buryo n’abana bacu bashobora kwicwa n’inzara mu bihe nk’ibi n’ibintu byose byahenze.”

Abagabo na bo bavuga ko kuba bari mu ngo amezi abiri agashira nta kandi kazi bafite bibatera ibibazo bikomeye cyane, ku buryo bishobora no kubatera irari ryo kwegera abagore bafite ifaranga cyangwa kwambuka bakajya kubashaka hakurya y’amazi bagata ingo zabo kuko baba babona ntacyo bazimariye.

Barasaba ko igihe cyo gufunga ikiyaga cya Kivu cyagabanywa cyangwa bigakorwa mu mpeshyi bashobora kubona nibura akazi k’ubuyede hakurya y’amazi, na ho ubundi ngo iyi minsi ibasiga mu bibazo.

Umuyobozi w’aka karere wungirije ushinzwe imibereho myiza y’abaturage Nsigaye Emmanuel, avuga ko icyakemura ibi byose ari uko hashobora gutekerezwa imirimo yunganira uburobyi, kuko gukomeza gucungira ku Kivu gusa asanga atari byo.

Yagize ati “Hakwiye imirimo yunganira uburobyi kuko kubona abaturage bangana kuriya bose bakora umurimo umwe, waba utari gukorwa bakagira ibibazo bikwiye kwigwaho bigashakirwa umuti urambye.”

Gahunda yo gufunga uburobyi mu kiyaga cya Kivu ikorwa buri mwaka, aho abaturage basabwa guhagarika ibikorwa byose bjyanye n’uburobyi, ibi bigafasha amafi kororoka maze umusaruro w’amafi ukiyongera.

 

Comments

 
 
Gakenke: I Rusenge bamaze imyaka 2 bafite amapoto nta mashanyarazi
Gakenke: I Rusenge bamaze imyaka 2 bafite amapoto nta mashanyarazi

Abaturage bo mu mirenge ihuriye kuri santere y’ubucuruzi ya Rusenge, bavuga ko baheze mu icuraburindi, mu gihe ngo bari bijejwe umuriro w’amashanyarazi, none ngo imyaka ikaba ibaye ibiri amapoto (...)

Gatsibo: Kubufatanye n’abaturage, 3 bafatanywe urumogi n’inzoga zitemewe
Gatsibo: Kubufatanye n’abaturage, 3 bafatanywe urumogi n’inzoga zitemewe

Ku bufatanye n’abaturage, Polisi ikorera mu turere twa Nyamagabe na Gatsibo, mu bihe bitandukanye, yafashe ibiyobyabwenge birimo urumogi n’inzoga zitemewe kuri uyu wa kabiri taliki ya 18 Mata 2017. (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.