Advertisement
 
 
 
 
 
 
 
 

Amakuru | Mu Ntara

Rusizi: Babuze imvura igihe kinini, aho igwiriye ibatera guhangayika   

  Yanditswe na BAHUWIYONGERA SYLVESTRE
 5 months ago

 
 

Nyuma y’imvura idasanzwe yiganjemo urubura rwinshi cyane yaguye mu mujyi wa Rusizi ikangiza bikomeye imyaka y’abaturage mu bishanga by’imirenge ya Kamembe na Gihundwe, bamwe mu babyeyi bafite abana bakiri bato birirwa bakina batangiye guhangayika kubera aba bana bakinira ahantu kenshi hatari no hafi y’ingo ngo bakurikirwe.

Iyi mvura yaguye mu cyumweru gishize yashenye uruzitiro rw’Ibitaro bya Gihundwe, ininjira mu mangazini amwe n’amwe yangiza ibicuruzwa.

Ibi byose byatumye ababyeyi bagira ubwoba ko iyi mvura itangiye gusenya igusha n’urubura rwinshi yazanabatwarira abana.

Uretse iyi mvura yaguye guhera mu ma saa tanu n’igice z’amanywa ku wa gatandatu ushize ikazana n’urubura rwaretse mu mirima y’abaturage ikangiza imyaka y’abaturage, hari hashize iminsi n’ubundi imvura ivanze n’umuyaga mwinshi yibasiriye n’ibindi bikorwa remezo muri aka karere.

JPEG - 892.2 kb
Imvura yaguye kuwa gatandatu w’icyumweru gishize yakanze ababyeyi (Foto Bahuwiyongera S)

Aba baturage bavuga ko bari barayibuze bayitezeho kuza ibagirira akamaro, ariko batangiye kuyigirira impungenge kubera ibyo isenya n’ibyo yangiza.

Umwe mu babyeyi bo mu murenge wa Kamembe wanze ko amazina ye atangazwa yagize ati “Nkurikije uko iyi mvura igwa, izana urubura rusigara ruretse gutya, igasenya ikanangiza imyaka y’abaturage, tukagira ubwoba ko ishobora gusenya n’andi mazu mu gihe yakomeza itya, ababyeyi twatangiye guhangayikishwa n’abana bacu bato dusigira abakozi. Bamwe barabacika bakajya gukinira aho batazi, mu bibuga bitagira amazu hafi aho, natwe twibwira ko bari mu ngo, tukagira ubwoba ko hari igihe imvura nk’iyi ishobora no kudutwarira abana cyangwa urubura rukabakubita ibintu bikaba bibi.”

Umuyobozi ushinzwe imibereho myiza y’abaturage ku rwego rw’aka karere, Ingabire Nadine Michel, asaba ababyeyi gukurikirana abana babo bato bari mu biruhuko bakamenya aho bakinira kugira ngo batazatwarwa n’ibiza.

Yagize ati “Iragwa rimwe na rimwe irimo umuyaga mwinshi cyane ikangiza ibintu, hari igihe izamo n’inkuba nyinshi cyangwa urubura rukabije nk’uko mwabibonye rukaba rwatobagura n’amazu, birumvikana ko hari nk’abana bashobora kuba bari hanze bakabura aho bugama cyangwa bakajya kugama munsi y’ibiti bakaba babigiriramo impanuka yabaviramo n’urupfu.”

Ababonye uko uru rubura rwaretse ahantu henshi rukamara amasaha menshi, bakanabona uko imyaka yashwanyaguritse, bafite impungenge ko ikomeje gutya yateza inzara aho kuramira abaturage bari bamaze igihe bayitegereje.

 

Comments

 
 
Kirehe: Ibigwi ’by’Imitavu’ yahinduye imyumvire y’abaturage
Kirehe: Ibigwi ’by’Imitavu’ yahinduye imyumvire y’abaturage

Imitavu ni itorero ry’abana bagera ku 100 bari hagati y’imyaka 6 na 15, rikorera ibikorwa byaryo mu murenge wa Gahara, akarere ka Kirehe. Ibikorwa byaryo bikaba byaragize uruhare mu guhindura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Gakenke:Mutoze abana kwitandukanya n’ingengabitekerezo ya Jenoside-Musabyimana
Gakenke:Mutoze abana kwitandukanya n’ingengabitekerezo ya Jenoside-Musabyimana

Guverineri w’Intara y’Amajyaruguru Musabyimana Jean Claude, yasabye ababyeyi kwitandukanya n’ingengabitekerezo ya Jenoside kandi bakabitoza abana babo, mu rwego rwo kwirinda ko Jenoside yazongera (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.