Advertisement
 
 
 
 
 
 
 
 

Amakuru | Mu Ntara

Rusizi: Abapasiteri 21 bageze mu zabukuru bagabiwe inka   

  Yanditswe na BAHUWIYONGERA SYLVESTRE
 2 months ago

 
 

Itorero Méthodiste Libre mu Rwanda ryagabiye inka abapasiteri 21 bageze mu zabukuru, mu rwego rwo kubafasha kugira amasaziro meza.

Ubuyobozi bw’iri torero bwemeza ko ari ubwa mbere gahunda nk’iyi ibaye mu myaka hafi 75 rimaze rigeze mu Rwanda.

Umwanzuro wo kugabira inka aba bapasiteri wafatiwe mu nama ya conference ya Kinyaga, yabereye muri aka karere, aho abapasiteri 20 kuri 21 bageze mu zabukuru mu Rwanda hose bagomba guhabwa izi nka bari bahari.

Bamwe muri bo baganiriye n’Imvaho Nshya bakaba barishimiye cyane iki cyemezo kije kibaha icyubahiro bagenzi babo bababanjirije batahawe.

Umwepisikopi w’iri torero akaba n’umuyobozi waryo mu Rwanda no muri Uganda, Musenyeri Samuel Kayinamura yavuze ko iki cyemezo gifashwe muri iriya nama yamaze iminsi 3, kikaba ari ikintu kitari cyarigeze gikorwa muri iri torero.

JPEG - 529.9 kb
Abapasiteri bageze mu zabukuru bishimiye ko bagiye gusaza neza (Foto Bahuwiyongera S)

Yagize ati “Hano habaye ikintu tutigeze dukora ahandi, aho twahuje abapasiteri bageze mu kiruhuko cy’izabukuru bo mu Rwanda hose, tubazana hano mu karere ka Rusizi tubakorera umwiherero, tuganira na bo, tuganira amateka y’iri torero, cyane cyane ko tunitegura Yubile y’imyaka 75 rimaze rigeze mu Rwanda. Bariya bakaba ari bo bazajya baduha amateka yaryo, tukaba twafashe gahunda yo kujya dusajisha neza uwakoreye itorero tumugabira, buri mupasiteri ugiye mu kiruhuko cy’izabukuru akazajya ahabwa inka, duhereye kuri bariya 21 bari basanzwe bari mu kiruhuko cy’izabukuru.”

Avuga ko iri ari ishimwe rikomye ry’imirimo baba barakoze iriya myaka yose, kandi ko umuntu witangiye abandi mu myaka ingana kuriya aba adakwiye gusaza nabi, cyangwa ngo asaze atanywa amata kandi aba yarigomwe ibyagombaga kumuha ayo mata, akitangira bagenzi be akabateza imbere mu buryo bw’umwuka n’ubw’umubiri.

Yagize ati “Ubu ni uburyo bwiza bwo kugira ngo tububahishe n’abazaza nyuma bazabone ko abababanjirije batasuzuguwe mu murimo bakoreye Imana, kandi natwe twiyubahishe, kuko natwe tugenda dusatira icyo gihe, natwe abo tuzaba dusize inyuma bazadufate neza.”

Pasiteri Sibomana Jean wo mu murenge wa Nyabitekeri ufite imyaka 68 ariko we utari muri bariya 21 akazayihabwa ubutaha, yavuze ko iki ari ikintu gishimishije cyane kuko buri wese ugeze muri kiriya kigero yahageraga ahangayikishijwe n’imisazire ye, mu gihe aba yarigomwe igihe cye cyo gushaka amasaziro akitangira umurimo w’Imana.

Yagize ati “Ibi ni ibishya tubonye bitigeze bibaho mu itorero ryacu, biratunejeje cyane kuko bizadufasha gusaza tunywa amata, abana bacu batandaraye, tubona mituweli, mbese tudasabiriza kandi twarakoreye Imana n’itorero.”

 

Comments

 
 
Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe
Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe

Ubuyobozi bw’akarere ka Ngoma buvuga ko bwohereje agagenzuzi gukurikirana ikibazo cy’abaturage bavuga ko bahawe akazi ko kubaka ibiro by’akagari k’Akagarama ntibishyurwe. Aba baturage bo mu (...)

Rusizi:Imvura yashenye ibiro by’akagari yangiza n’imyaka y’abaturage
Rusizi:Imvura yashenye ibiro by’akagari yangiza n’imyaka y’abaturage

Ubuyobozi bw’umurenge wa Nyakarenzo mu karere ka Rusizi buravuga ko imvura ivanze n’urubura n’umuyaga mwinshi yaguye kuwa kabiri, yashenye ku buryo bukomeye ibiro by’akagari ka Gatare muri uyu (...)

Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.