Advertisement
 
 
 
 
 
 
 
 

Amakuru | Mu Ntara

Ruhango: Bararirira mu myotsi nyuma y’uruburwa rwabasize iheruheru   

  Yanditswe na UMUTONI BEATHA
 3 months ago

 
 

Abaturage bo mu murenge wa Ruhango, mu midugudu wa Nyarutovu na Buhoro ya II ho mu kagari aka Buhoro ndetse n’abo mu mudugudu wa Remera mu akagari ka Bunyogombe baratabaza ubuyobozi kubera ikiza cy’urubura rwangije imyaka bari batezeho amakiriro.

Uru rubura kandi yangije bikomeye inzu eshatu zubakirwaga abatishoboye . Kuri iki cyumweru tariki ya 20 Ugushyingo ahagana saa cyenda ni bwo rwatangiye kugwa muri iyi midugudu rumara igihe kigera ku minota 30 nyuma rukurikirwa n’imvura nke nk’uko bitangazwa n’abaturage bo muri aka gace.

Urubura rwaru rukiretse mu gitondo cyo kuri uyu wa Mbere

Bamwe mu baturage bakuze bo muri iyi midugudu batangaje ko ibi ari ubwa mbere babibonye mu gace kabo, kandi ngo bahangayikishijwe n’uko uru rubura rwangije imyaka yabo bakaba bafite impungenge z’uburyo bazabaho mu minsi iri imbere.

Patirisiya Niyotwagira yagize ati “Turahangayitse pe! Nkanjye naturutse mu kandi kagari nari nje kubagara ibishyimbo byanjye nahinze aho natishije umurima mu mudugudu wa Remera; ndahageze nsanga byose byapfuye, imyumbati yose yapfuye, ibigori byose byapfuye, mbere ntago tuzi uko tuzabaho mu minsi iza turabona ari inzara gusa.”

Aba baturage barasaba ubuyobozi ko bwagira icyo bukora kuko bafite impungenge y’inzara mu minsi iri imbere.

JPEG - 164.2 kb
Amababi y’intsina yahindutse ubureti

Twagirimana Epimaque Umuyobozi w’Akarere ka Ruhango wungirije ushinzwe ubukungu n’iterambere, yabwiye aba baturage ko bagiye gushyiraho abagomba kubarura ibyangiritse kugira ngo barebe n’uburyobwo gufasha abaturage bahuye n’iki kibazo.

Yagize ati “Icya mbere ni ukuhagera tukareba uko ikibazo kifashe, ytwahageze rero, ubu ikigiye gukurikiraho ni ugushyiraho abatekinisiye badufasha kumenya ibyangiritse byose muri rusange bityo, tukamenya abahuye n’iki kiza ndetse tukanareba n’uburyo bafashwa.”

Kugeza ubu ibyangijwe n’uru rubura ntibirabarurwa, gusa mu byangiritse harimo imyumbati, insina ibishyimbo n’inzu eshatu muri 12 zubakirwaga abatishoboye mu mudugudu wa Buhoro ya II.

JPEG - 177.3 kb
Abaturage benshi bahamya ko ari bwo bwa mbere babonye urubura nk’uru muri Ruhango
JPEG - 227.1 kb
Hangiritse ubwoko butandukanye bw’imyaka y’abaturage

JPEG - 164.2 kb
Amababi y’intsina yahindutse ubureti
 

Comments

 
 
Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe
Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe

Ubuyobozi bw’akarere ka Ngoma buvuga ko bwohereje agagenzuzi gukurikirana ikibazo cy’abaturage bavuga ko bahawe akazi ko kubaka ibiro by’akagari k’Akagarama ntibishyurwe. Aba baturage bo mu (...)

Rusizi:Imvura yashenye ibiro by’akagari yangiza n’imyaka y’abaturage
Rusizi:Imvura yashenye ibiro by’akagari yangiza n’imyaka y’abaturage

Ubuyobozi bw’umurenge wa Nyakarenzo mu karere ka Rusizi buravuga ko imvura ivanze n’urubura n’umuyaga mwinshi yaguye kuwa kabiri, yashenye ku buryo bukomeye ibiro by’akagari ka Gatare muri uyu (...)

Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.