Advertisement
 
 
 
 
 
 
 
 

Amakuru | Mu Ntara

Rubavu: Yafungiwe kubeshya abaturage ko ari umuvuzi gakondo   

  Yanditswe na Iyaremye Yves
 3 months ago

 
 

Polisi y’u Rwanda ikorera mu karere ka Rubavu yafashe Dusengimana Felicien w’imyaka 39 y’amavuko ukurikiranyweho kwiyita umuvuzi gakondo, abeshya ko avura abaturage indwara zitandukanye.

Yarafashwe tariki ya 21 Ugushyingoiwe mu rugo mu murenge wa Nyakiriba, nyuma y’amakimbirane y’umwe mu barwayi 17 bari iwe wari ufite uburwayi bwo mu mutwe, warwanye n’undi murwayi nawe wari waje kuhivuriza, noneho bituma havuka urusaku rwinshi, ari rwo rwatumye abaturanyi b’urwo rugo babimenyesha Polisi y’u Rwanda nayo ihita itabara vuba.

Umuvugizi wa Polisi y’u Rwanda mu Ntara y’i Burengerazuba CIP Theobald Kanamugire; yagize ati “Uyu mugabo wiyitaga umuvuzi gakondo yabeshyaga abantu ko avura indwara zitandukanye mbese ko afite ububasha budasanzwe”.

PNG - 818.2 kb
Dusengimana yemeza ko hari abo yavuraga bagakira ariko ngo yakoraga nabi ku buryo abonye amahirwe yabikosora

Ubuvuzi gakondo ni bumwe mu buryo bwa gihanga (traditional) bwo kuvura indwara hifashishijwe ibikomoka ku bimera nk’imizi, imbuto ndetse n’amababi n’ibindi bitegurwa mu buryo butandukanye kugira ngo bihabwe umurwayi.

Polisi y’u Rwanda mu karere ka Rubavu ikomeza ivuga ko Dusengimana w’imyaka 39 wubatse kandi ufite abana babiri, abo barwayi bose babaga iwe mu rugo ndetse akanabishyuza ibintu byose yabaga yabatanzeho ku mibereho yabo.

CIP Kanamugire yagize ati “Nyuma yo kumufata abarwayi twahise tubajyana kwa muganga, kugira ngo bitabweho. Ubusanzwe, umuvuzi gakondo wese aba agomba kuba mu rugaga rw’abavuzi gakondo. Cyakora kuri Dusengimana we, siko byari bimeze. Byongeye kandi, nta muntu n’umwe wemerewe kuba umuvuzi gakondo adafite icyangombwa n’uburenganzira bwa Minisiteri y’Ubuzima.”

PNG - 1.1 Mb
Bamwe mu barwayi 17 basanzwe mu rugo iwe

Bamwe mu barwayi basanzwe barimo kuvurwa bavuga ko nabo bahoraga batewe impungenge n’ibyo abakorera aho yabarazaga abagerekeranyije atitaye ku burwayi bafite nno ku gitsina cyabo.

Umwe muribo ayagize ati "Byari biduteye inkeke, byari amaburakindi kuko kubona umuntu warwaye mu mutwe ari kumwe n’uwarwaye amarozi n’abafite ubundi burwayi mu cyumba kimwe kandi barenga 10 ni ikibazo kuko bashobora kwanduzanya cyangwa hakaba ibindi bibazo ikindi twabaga turi ibitsina bitandukanye.”

Dusengimana Felecien yemera icyaha, akavuga ko aramutse arekuwe yabikosora, ati "Nabavuraga bamwe bagakira abandi ntabirukana badakize cyakora nemera ko nakoraga mu buryo butemewe kandi nkorera n’ahantu habi, ndasaba imbabazi kandi nkizeza ko ntazabisubira.’’

Nyuma y’iperereza ry’ibanze aramutse ahamwe n’icyaha ashobora kuzahanishwa ingingo ya 616 ivuga ku kwiha ububasha ku mirimo itari iyawe no kwambara umwambaro utagenewe ugamije kuyobya rubanda, aho igira iti ”Umuntu wese utabigenewe, wivanga mu mirimo y’ubutegetsi y’abasivili cyangwa wiha gukora umwe muri iyo mirimo, wiyita umukozi wa Leta atari we cyangwa wambara ku mugaragaro umwambaro w’ubutegetsi, umwambaro uhuriweho n’abahuje umurimo, urwibutso cyangwa ikimenyetso, agambiriye kuyobya rubanda, abemeza ko ashinzwe umurimo wa Leta, ahanishwa igifungo kuva ku mwaka (1) kugeza ku myaka itatu (3) n’ihazabu y’amafaranga y’u Rwanda ashobora kugera kuri miliyoni imwe.”

Umuyobozi w’Urugaga rw’abavuzi gakondo mu Rwanda Gafaranga Daniel, aherutse gutangaza ko abavuzi gakondo mu Rwanda bagera ku bihumbi 14. Muri bo, abafite ibyangombwa byemewe ko bakora aka kazi ni 2300 gusa.

PNG - 835.8 kb
Ubuziranenge bw’amasekuru n’ibindi bikoresho by’ubuvuzi bwe birakemangwa
 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.