Advertisement
 
 
 
 
 
 
 
 

Amakuru | Mu Ntara

Rubavu: Umushinga wa Kivu Belt ukeneye abawushoramo miliyari 97   

  Yanditswe na YVES IYAREMYE
 4 months ago

 
 

Ubuyobozi bw’Akarere ka Rubavu burasaba abashoramari n’Abanyarwanda muri rusange gushyira hamwe ingufu bakabyaza umusaruro umushinga wa Kivu Belt witezweho guhindura inkengero za Kivu agace kadasanzwe k’ubukerarugendo muri Afurika y’Uburasirazuba.

Ubuyobozi bw’Akarere ka Rubavu bwatangaje ko ku ruhande rw’akarere uyu mushinga, watangijwe ku mugaragaro na Minisiteri y’Ubucuruzi n’Inganda muri Nzeri 2013, ukeneye gushorwamo amafaranga y’u Rwanda asaga miliyari 97 (miliyoni 120 z’amadolari ya Amerika) kugira ngo ubashe gukora nk’uko washyizwe mu nyigo.

Guverinoma y’u Rwanda yatekereje uyu mushinga igamije kongera ibikorwa remezo bibereye ubukerarugendo kuko buri mu bwongera umusaruro w’ubukungu bw’igihugu binyuze mu gukurura ba mukerarugendo basigira igihugu amadevize.

Inkengero z'Ikiyaga cya Kivu zirabonwamo amahirwe menshi mu kuzamura umusaruro w'igihugu

Umuyobozi w’Akarere ka Rubabu wungirije ushinzwe imari n’iterambere ry’ubukungu Murenzi Janvier ahamya ko ibi bikorwa nibitangira bizazamura ubukungu bw’igihugu harebewe ku bikorwa bimwe na bimwe birimo gutegurwa.

Muri ibi bikorwa harimo umuhanda unyura ku nkengero z’Ikiyaga cya Kivu ugahuza uturere nka Rubavu, Rutsiro, Karongi, Nyamasheke na Rusizi, amahoteli yamaze kubakwa n’akirimo kubakwa, n’ibindi.

Murenzi yahamije ko ku ruhande rw’AKarere ka Rubavu abashoramari basabwa kuza gushoramo imari yabo kuko bazunguka kandi n’umushinga ukagerwaho nta nkomyi.

Murenzi Janvier aragira ati “Ku ikubitiro muri uku kwezi tugiye kujya kwerekana uyu mushinga mu mujyi wa Kigali cyane tuwereka abahatuye babarizwa mu mujyi wa Kigali kugira ngo tubone abashoramari bazadufasha gushyira mu bikorwa uyu mushinga,kuko murabona abakerarugendo nibiyongera bazagaruza vuba.”

Abaturage baturiye ibice by’inkengero z’iki kiyaga bavuga ko biteguye kuzabyaza umusaruro ibikorwa binini bitehuye birimo icyambu kizajya cyomokeraho ubwato bunini, Hotel y’inyenyeri 5 izubakwa ku mashyuza, n’andi mahoteli ari kuri uru rwego nay’inyenyeri enye ategurwa kubakwa.

Abaturage baviga ko bategereje mu myaka itatu yose ariko ngo nta cyizere barabona ko uyu mushinga uzatangira vuba.

Igishushanyombonera cy'Umushinga wa Kivu Belt

 

Comments

 
 
Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Rusizi: Ubuyobozi bwahagurukiye abagabo bamarira umutungo w’urugo mu kabari
Rusizi: Ubuyobozi bwahagurukiye abagabo bamarira umutungo w’urugo mu kabari

Amakimbirane yo mu miryango mu karere ka Rusizi akenshi ashingira ku businzi bukabije bw’umwe mu bagize umuryango, aho hari aho usanga umugabo akorera amafaranga yose aho kuyacyura akayamarira mu (...)

Kirehe:Abaturage biyubakiye ivuriro rya miliyoni 83
Kirehe:Abaturage biyubakiye ivuriro rya miliyoni 83

Abaturage bo mu kagari ka Kiyanzi, umurenge wa Nyamugali, mu karere ka Kirehe bagorwaga no gukora ingendo ndende bajya kwivuza, ubu barishimira ko baruhutse, kuko biyujurije ivuriro ‘Poste de (...)

Ngoma: Amapfa yatije umurindi ubujura
Ngoma: Amapfa yatije umurindi ubujura

SSP Janvier Mutaganda, Umuyobozi wa Polisi y’u Rwanda mu karere ka Ngoma, avuga ko ubujura bwiganjemo ubw’umusaruro w’ibikomoka ku buhinzi n’amatungo, bwagaragaye cyane muri aka karere mu mwaka (...)

Musanze:Abahinzi b’ibigori bahangayikishijwe n’indwara yitwa Cyumya
Musanze:Abahinzi b’ibigori bahangayikishijwe n’indwara yitwa Cyumya

Ikigo cy’igihugu gishinzwe ubuhinzi n’ubworozi, RAB, kirakangurira abahinzi b’ibigori gukoresha imbuto y’indobanure no gusimburanya ibihingwa mu murima hagamijwe kurwanya indwara y’ibigori yitwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.