Advertisement
 
 
 
 
 
 
 
 

Amakuru | Mu Ntara

Rubavu: Inzu yafashwe n’inkongi, kizimyamwoto ihagera yakongotse   

  Yanditswe na IYAREMYE YVES
 4 months ago

 
 

Inzu y’uwitwa Havugintwari Silas yafashwe n’inkongi y’umuriro irinda ikongoka n’ibikoresho by’umunzu hafi byose birangirika barokora intebe bari bicayeho gusa mu ruganiriro nyuma y’aho umuriro wabarushije ingufu agerageza kuzimya mu gihe bagitegereje ubufasha bwa Polisi.

Iyi nzu yakongotse ahagana mu ma saa yine z’ijoro rishyira kuri uyu wa kane irinda ishira abaturage bagitegereje kizimyamwoto.

Ubwo iyi nkongi yabaga Kizimyamwoto yari mu karere ka Karongi bisaba kuyihamagaza igitaraganya nabwo ihagera inzu n’ibiyirimo byamaze gukongokera muri iyi mpanuka bikekekwa ko yatewe n’inzinga z’amashyanyarazi zakoranyeho.

JPEG - 63.9 kb
Inzu yakongotse, kizimyamoto ihagera ibishya byarangije gushya

Abaturage bemeza ko kugira Kizimyamwoto imwe mu ntara yose y’Uburengerazuba bidahagije kuko nta bushobozi bwo kuzimya byihuse inzu yagira.

Bamwe mu baturage batabaye bavuze ko, bihutiye gukora ubutabazi bw’ibanze gusa umuriro ugira ubukana bwinshi ni bwo baje gutabarwa n’imodoka itwara amazi igerageza kuzimya ariko na yo ihagera itinze bituma inzu n’ibyari biyirimo byose bishya.

Mukasine Agnes uwatabaye utuye mu murenge wa Gisenyi aragira ati ”Kuba dufite kizimyamwoto imwe mu ntara ntabwo ihagije, Umujyi wa Gisenyi ufite inzu zishobora gufatwa n’amashyanyarazi cyangwa Gaze zigaturika ukwiye kugira Kizimyamwoto, kuko nk’iyaje gutabara yaje itinze ibishya byarangije gukongoka.”

JPEG - 207.3 kb
AGaciro k’ibyakongokeye muri iyi nzu ntikarabasha kumenyekana

Umuyobozi w’Akarere ka Rubavu Sinamenye Jeremie, yemeza ko nabo bahangayikishijwe no kuba intara igizwe n’uturere turindwi igira Kizmyamwoto imwe gusa.

Aragira ati ”Dutuye mu mujyi kandi bigaragara ko ikibazo cy’inkongi zakwibasira iwacu, kuba rero intara ifite kizimyamwoto imwe ni ingorabahizi; twifuza ko zakongerwa kuko iyo inzu ifashwe kugira ngo imodoka ive mu karere kamwe ijye mu kandi ntacyo iramura isanga ari iyo gufasha aho iri gusa.”

Kuba abaturage bakomeje kwishimira ibikorwa remezo n’iterambere rigenda rigaragarira buri wese niho bahera basaba ko umubare wa Kizimyamwoto wakiyongera.

Kugeza ubu agaciro nk’ibyangirikiye muri iyi mpanuka y’inkongi y’umuriro yibasiye inzu y’umuturage, nti karamenyekana, mu gihe iyi nyubako nta n’ubwishingizi yagiraga.

JPEG - 61.2 kb
Kizimyamoto yagombaga gutabara ivuye mu kandi karere
 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Nyamasheke:Barashimira Jeannette Kagame wubakiye abana babo urugo mbonezamikurire
Nyamasheke:Barashimira Jeannette Kagame wubakiye abana babo urugo mbonezamikurire

Abaturage b’akagari ka Rugali, mu murenge wa Cyato, mu karere ka Nyamasheke, barashimira cyane Madamu Jeannette Kagame wubakiye abana babo urugo mbonezamikurire, ubu bakaba biga neza amashuri (...)

Nyamasheke: Impanuka y’igare yahitanye uwari aritwaye undi arakomereka bikabije
Nyamasheke: Impanuka y’igare yahitanye uwari aritwaye undi arakomereka bikabije

Nshimiyimana Théophile w’imyaka 37 yahitanywe n’igare yari atwaye, ubwo yagongaga umugore witwa Mukamana Monique na we w’imyaka 37 ejo hashize ku ya 23 Mutarama 2017. Amakuru Imvaho Nshya ikesha (...)

Rusizi:Bifuza ko Laboratwari  imaze imyaka 10 yubakwa yuzura vuba
Rusizi:Bifuza ko Laboratwari imaze imyaka 10 yubakwa yuzura vuba

Ababyeyi, abarezi n’abanyeshuri bo muri TTC Mururu mu karere ka Rusizi, barasaba ko muri uyu mwaka w’amashuri hakorwa ibishoboka byose Laboratwari yabo imaze imyaka 10 yubakwa igatangira kubyazwa (...)

Nyamasheke:Uruganda rutunganya icyayi abahinzi bijejwe ruruzura mu mezi 5
Nyamasheke:Uruganda rutunganya icyayi abahinzi bijejwe ruruzura mu mezi 5

Hari hashize imyaka igera kuri 6 abahinzi b’icyayi bibumibye muri koperative y’abahinzi b’icyayi ba COTHEGA bagihinga mu mirenge ya Karambi na Cyato mu karere ka Nyamasheke, kitababyarira umusaruro (...)

Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.