Advertisement
 
 
 
 
 
 
 
 

Amakuru | Mu Ntara

Rubavu: Inzoga y’abagabo ikomeje kuba imbarutso yo guhohoterwa   

  Yanditswe na IYAREMYE YVES
 1 month ago

 
 

Bamwe mu baturage batuye mu murenge wa Kanama, Akarere ka Rubavu bemeza ko nubwo ihohoterwa ryagabanutse hari abahohoterwa bagatinya kuvuga ngo badacibwa amafaranga cyangwa inzoga z’abagabo.

Aba baturage barasaba ko hakwimakazwa ubufatanye bw’inzego zose kugira ngo ihohoterwa ricike burundu, cyane ko iyo bigeze mu kunga bisaba gucibwa inzoga z’abagabo bageze mu kibazo.

Bazimaziki Emmanuel ni umwe mu baturage bo mu murenge wa Kanama,mu Karere ka Rubavu aragira ati “Hari ubwo umugore ajya kuvuga ikibazo mu mudugudu ku ihohoterwa yakorewe n’umugabo we, mudugudu yamuca ibihumbi bitanu kugera ku bihumbi 10 by’amande n’inzoga y’abagabo bombi bakagira ubwoba.”

Akomeza avuga ko iki kibazo kijyanye n’inzoga y’abagabo gikunze kugaragara mu kagari ka Yungwe na Rusongati mu murenge wa Kanama aho gikomeje gutuma abagore cyangwa abagabo bahohoterwa bagatinya ayo mafaranga bashobora gucibwa bakaryumaho.

JPEG - 222.4 kb
Bamwe mu baturage barahohoterwa bakanuma batinya inzoga y’abagabo bacibwa (Foto Iyaremye Y)

Undi na we ati “Hari ihohoterwa rishengura umutima noneho ryavutse aho ugirana ikibazo n’umugore baguca amafaranga wagurisha itungo bikakuviramo incyuro ihoraho ukaba mu rugo umugore atakoroheye.”

Aba baturage batinyutse kugaragaza ibibazo nk’ibi nyuma y’inyigisho ku kwimakaza ihame ry’uburinganire n’ubwuzuzanye no gukumira ihohoterwa bahawe n’Umushinga Indashyikirwa wigisha ku ihame ry’uburinganire mu ntara y’Iburengerazuba.

Bigaya Jean Leonard, Umukozi w’Akarere ka Rubavu ushinzwe iterambere ry’umuryango no kurengera abana avuga ko impinduka zigenda zigaragara ari umusaruro ukomoka ku myumvire imaze kugirwa n’abaturage ku ihame ry’ubwuzuzanye n’uburinganire bigenda byimakazwa.

Aragira ati “Ubu abagabo basigaye bemera kwitwa icti bitaga inganzwa bakavuga ko bahohotewe bigaragara ko bigenda bihinduka ariko haracyari urugendo rurerure kuko tugomba kurirwanya twivuye inyuma wumvise abavuga ko basigaye batinya inzoga y’abagabo bacibwa nyuma yo kubakemurira ibibazo mu kagari mu midugudu tugiye kubikurikirana.”

Mu zindi ngamba zafashwe harimo no kumenyekanisha ibikorwa bya Isange One Stop Center na serivisi itanga bikazibandwaho cyane mu minsi 16 yahariwe ubukangurambaga ku kurwanya ihohoterwa rishingiye ku gitsina yatangiye tariki 25 Ugushyingo kugeza 12 Ukuboza 2016.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.