Advertisement
 
 
 
 
 
 
 
 

Amakuru | Mu Ntara

Rubavu: Ingo zisaga 70% zihanganye no kwigobotora agatadowa   

  Yanditswe na Iyaremye Yves
 2 months ago

 
 

Ubuyobozi bw’Akarere ka Rubavu bwagaragaje ko ingo zirenga 70% z’abatuye mu karere zigihanganye no kuva ku gatadowa mu guharanira iterambere rirambye.

Bivugwa ko kuba abenshi bataragerwaho n’amashanyarazi biterwa n’imiturire, amashanyarazi akomoka ku mirasire y’izuba akaba yagira byinshi ahindura ku iterambere ryihuse.

Umuyobozi w’Akarere ka Rubavu wungirje ushinzwe iterambere ry’ubukungu Murenzi Janvier, ashishikariza abafatanyabikorwa batandukanye gushyira imbaraga nyinshi mu kuzamura umubare w’ingo zikoresha ingufu z’amashanyarazi zikiri hasi.

JPEG - 36.7 kb
bamwe mu banyeshuri baracyiga bifashishije gatadowa muri Rubavu

Aragira ati “Turacyafite ikibazo gikomeye cy’uko ingo zifite umuriro w’amashanyarazi zikiri nke kandi dutuye turere twunganira Umugi wa Kigali. Umuvuduko tugomba kugenderaho ntabwo watwemerera tutagira amashyanyarazi ahagije, ubu abafatanyabikorwa dufite bashobora gutanya amashyarazi akomoka ku mirasire y’izuba ni Davis & Shirtliff na Mobisol. Hakenewe abafatanyabikorwa benshi badufasha guhangana n’iki kibazo cyo guca burundu agatadowa.”

Abaturage babona ko ikibazo gihari gishobora gukemuka baramutse bashyize hamwe n’ubuyobozi. Kamanzi Bernard utuye mu murenge wa Cyanzarwe yagize ati “Turifuza kugezwaho amashyanyarazi kuko bibangamiye iterambere ryacu."

Yakomeje agira ati "Ikibazo cy’agatadowa kiraturembeje ndinze ngira imyaka 50 ntaracana ku mashyanyarazi; ni inzozi kuri njye kandi noneho kugira ngo ntunge telefoni ntabwo byanyorohera nkurikije urugendo byansaba kugira ngo ngere aho nakura umuriro.”

David Gatende Umuyobozi mukuru wa Davis & Shirtliff yagaragaje ko nk’abafatanyabikorwa b’akarere nabo babangamiwe no kuba hakigaragara ingo nyinshi zitaragerwaho n’amashanyarazi, ati “Kugikemura natwe dukeneye ubufatanye n’imikoranire myiza n’abaturage nk’abadaturanye batarajya mu midugudu dushobora kubaha imirasire y’izuba n’ibindi byabafasha.”

Ubuyobozi bw’Akarere ka Rubavu bukomeje gukora ibishoboka byose mu kugeza ibikorwa remezo ku baturage, imihanda myinshi yamaze gukorwa ikaba ifasha abaturage mu buhahirane, ndetse mu mirenge ya Busasamana, Bugeshi na Mudende yamaze kwiyongera ku mirenge y’Umujyi wa Gisenyi mu gutunga amashanyarazi.

Akarere kageze kuri 29% ku ngo zicana amashanyarazi ariko muri uyu mwaka wa 2016-2017 ubuyobozi bwahize kugeza amashanyarazi mu ngo 2500.

JPEG - 38.5 kb
Ubuyobozi bw’Akarere bwiyemeje kongera ibikorwa remezo mu maguru mashya
 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.