2017-05-24 10:43:15 clouds 27o High | Kigali Rwanda

Dukurikire:
 
 

Rubavu: Bemerewe ikibanza n’Akarere amaso ahera mu kirere

Yanditswe na Claude Ntawitonda

Kuya 2016-11-21 06:44:14

 
Share on:
 
Yasuwe:3
 
Yavuzweho:200
 
10
 
10

Abanyamuryango ba koperative ‘Unama Ukore’ ikora ubucurizi bw’imyenda n’inkweto mu mujyi wa Gisenyi, barasaba ubuyobozi bw’Akarere ka Rubavu kubashyikiriza ikibanza bwabemereye mu myaka ibiri ishize.

Iki kibanza ngo akarere kakibemereye kuwa 14 Werurwe 2014, nk’ishimwe ryo kwibumbira hamwe no gukangurira abandi kuva mu bucuruzi butemewe n’amategeko ariko ngo hashize imyaka ibiri amaso yaraheze mu kirere.

Aba banyamuryango bavuga ko nyuma y’aho akarere kabakanguriye kwibumbira hamwe no kuva mu bucuruzi budasora, n’ubucuruzi bwa magendu, bateranye batumira ubuyobozi bw’akarere, bubemerera ikibanza mu rwego rwo gukomeza kwiteza imbere bihesha agaciro.

Umugwaneza Justinem Umuyobozi w’iyi Koperative aragira ati “Akarere kadushishikarije kwibumbira hamwe no kuva mu bucuruzi bw’akajagari bwa magendu, ducuruza mu buryo butemewe bwari buteje ikibazo, twabivuyemo ndetse tuvanamo n’abandi benshi. Ubuyobozi kuwa 14 Werurwe 2014 bwatwemereye ikibanza ahahoze isoko rya Nyakabungo, twarategereje amaso yaheze mu kirere.”

Akomeza avuga ko kuba batarahawe ikibanza bikomeje kubakururira ibihombo birimo kuba abakiriya bamwe binubira kubagana, kubera akajagari kari aho bakorera hato magingo aya.

Mu bindi bibazo bagaragaza harimo kandi kuba hari ibicuruzwa barangura bakabura aho babishyira bikabikwa mu rugo kubera kubura iseta ihagije, no kuba amafaranga yabo ahera kuri banki aho kuyakoresha.

Ubuyobozi bw’Akarere ka Rubavu bwo buvuga ko nta kibanza bwabemereye, ahubwo ari icyifuzo batanze bukabasaba kwandikira akarere nk’andi makoperative ashaka gufashwa kwiyubaka.

Murenzi Janvier, Umuyobozi w’Akarere ka Rubavu ushinzwe imari n’iterambere ry’ubukungu, kuri iki kibazo avuga ko nta mwanzuro wafashwe n’akarere wo gutanga ikibanza kuri koperative.

Uyu muyobozi ahubwo asaba abagize iyi koperative kwandika basaba gufashwa, icyifuzo cyabo kikazigwaho nk’ibindi byose.

Yagize ati “Uruhare rwa Koperative mu guca ubucuruzi butemewe turarubona rwose, ariko nta baruwa twabonye icyo gihe ubuyobozi bw’akarere bwanditse bwemeza ko butanze ikibanza.

Niba bashaka gufashwa nibandike ibaruwa nk’abandi bose bashaka gufashwa, tubyigeho terebe niba banafite ubushobozi noneho niba ari abafashwa bafashwe.”

Abanyamurwango ba koperative Unama Ukore bemeza ko baramutse bahawe ikibanza byabafasha gutunganya neza aho bakorera hagutse, bigatuma na bagenzi babo bandi bakiri mu bucuruzi bwa magendu babureka bagakora mu buryo bwemewe n’amategeko kuko baba babona aho gukorera.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE