Advertisement
 
 
 
 
 
 
 
 

Amakuru | Mu Ntara

Rubavu: Bashoye mu kubaka isoko rya Kijyambere Akarere karabarerega   

  Yanditswe na IYAREMYE YVES
 4 months ago

 
 

Aba bikorera bagera kuri 18 bafite imigabane mu isoko rya Mahoko barasaba Akarere ka Rubavu kubakura mu gihirahiro bagahabwa uburenganzira bwo gutangira kubaka Isoko rya Kijyambere kuko bamaze kwishyira hamwe, cyangwa se bagasubizwa imigabane bamaze gutanga niba batemerewe.

Aba bikorera bafite ikibazo kimaze imyaka irenga ibiri nyuma yo gutanga imigabane igera kuri miliyoni 80 muri miliyali n’asaga miliyoni 200 zikenewe; bemeza ko Akarere kabashyize mu gihombo gikomeye kuko bari bumvikanye ko bazahabwa ibyangombwa byo kubaka isoko bundi bushya ahari irishaje, ariko barabisaba ntibabihabwe.

Mathias Sebugunzu umwe muri aba bacuruzi avuga ko uyu mushinga watangiye ubwo Akarere kayoborwaga na Sheikh Bahame Hussan ariko abayobozi bagiye basimburana bakagenda bavuga ko bazabyigaho.

We na bagenzi be bifuza ko Akarere kabaha amafaranga yabo cyangwa kakabaha igisubizo mu maguru mashya dore ko bemeza ko hari abatangiye kujya gushaka uko bashora imari mu isoko rya Musanze.

Aragira ati ”Kuba twaratanze miliyoni zigera kuri 80 zikaba ziryamye ahantu zitari kunguka ni igihombo,tuba twaratangiye kwubaka binageze kure,twandikiye akarere inshuro nyinshi ariko ntibadusubiza ndetse twagiranye ibiganiro byinshi ariko turacyategereje. Bari bamwe gutegereza byarambiye bifuza kuyasubizwa bakajya gushora mu isoko rya kijyambere rya Musanze turasaba ko twakurwa mu gihirahiro niba baduha igisubizo bigakorwa vuba cyangwa bakadusubiza ayacu.”

Murenzi Janvier Umuyobozi w’akarere ka Rubavu wungirije ushinzwe ubukungu n’iterambere ry’imari yasabye aba bafatanyabikorwa kwihangana.

Yagize ati “Nibihangane ikibazo turakizi kandi kigomba kwigwaho na Njyanama kugira twirinde gukora ibintu bitanyuze mu mucyo, kuba byaratinze hari ibyo bagombaga gutunganya; icya mbere batangiye ari koperative itagira ubuzima gatozi, twakoze ingendoshuri tugamije kureba aho byakozwe ndetse bagombaga gukora umushinga babigaragariza ibigo by’imari.”

Yemeza ko umwanzuro uzatangwa n’inama njyanama kandi ko komisiyo ishinzwe kubikurikirana igeze kure ibyigaho aho ahamya ko mu umwaka uzarangira igisubizo cyatanzwe akabasaba kwihangana.

Abikorera 18 bishyize hamwe ngo bubake Isoko rya Kijyambere rya Mahoko barasaba gusubizwa ayabo

 

Comments

 
 
Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Rusizi: Ubuyobozi bwahagurukiye abagabo bamarira umutungo w’urugo mu kabari
Rusizi: Ubuyobozi bwahagurukiye abagabo bamarira umutungo w’urugo mu kabari

Amakimbirane yo mu miryango mu karere ka Rusizi akenshi ashingira ku businzi bukabije bw’umwe mu bagize umuryango, aho hari aho usanga umugabo akorera amafaranga yose aho kuyacyura akayamarira mu (...)

Kirehe:Abaturage biyubakiye ivuriro rya miliyoni 83
Kirehe:Abaturage biyubakiye ivuriro rya miliyoni 83

Abaturage bo mu kagari ka Kiyanzi, umurenge wa Nyamugali, mu karere ka Kirehe bagorwaga no gukora ingendo ndende bajya kwivuza, ubu barishimira ko baruhutse, kuko biyujurije ivuriro ‘Poste de (...)

Ngoma: Amapfa yatije umurindi ubujura
Ngoma: Amapfa yatije umurindi ubujura

SSP Janvier Mutaganda, Umuyobozi wa Polisi y’u Rwanda mu karere ka Ngoma, avuga ko ubujura bwiganjemo ubw’umusaruro w’ibikomoka ku buhinzi n’amatungo, bwagaragaye cyane muri aka karere mu mwaka (...)

Musanze:Abahinzi b’ibigori bahangayikishijwe n’indwara yitwa Cyumya
Musanze:Abahinzi b’ibigori bahangayikishijwe n’indwara yitwa Cyumya

Ikigo cy’igihugu gishinzwe ubuhinzi n’ubworozi, RAB, kirakangurira abahinzi b’ibigori gukoresha imbuto y’indobanure no gusimburanya ibihingwa mu murima hagamijwe kurwanya indwara y’ibigori yitwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.