Advertisement
 
 
 
 
 
 
 
 

Amakuru | Mu Ntara

Rubavu: Basabwe kugabanya ‘siporo y’imihogo’ barwanya indwara zitandura   

  Yanditswe na IYAREMYE YVES
 4 months ago

 
 

Ubuyobozi bw’Ibitaro bya Gisenyi mu karere ka Rubavu bwasabye abaturage kwirinda kunywa cyane ari byi byiswe siporo y’umuhogo bakayoboka gukora imiyotozo ngororamubiri kuko ari yo ivura indwara zitandura nyinshi.

Ubu butumwa butanzwe mu gihe muri aka karere abaturage baha agaciro kanini kugana utubare ku kigero kirenze icyo bitabiramo siporo bikaba bikekwa nk’imwe mu ntandaro z’umuvuduko w’indwara zitandura.

Umuyobozi w’Ibitaro bya Gisenyi Dr Maj Kanyankore William avuga ko indwara zitandura zirimo Diabete, Goute, Impyiko zikomeje kwibasira abatuye aka karere ku kigero cya 72% ugereranyije n’indwara zandura.

JPEG - 108.1 kb
Dr Maj Kanyankore umuyobozi w’ibitaro bya Gisenyi arasaba abantu gukora siporo y’umubiri bareka iy’umuhogo(Foto Iyaremye Y)

Akomeza asaba abatuye akarere ka Rubavu n’ahandi muri Rusange kwitabira gukora siporo akibanda ku bikorera kugira uruhare mu kuyikora no gushoramo imari mu buryo bugaragara mu rwego rwo gusigasira amagara.

Ati “Turasaba abaturage kugabanya siporo y’umuhogo bakongera siporo y’umubiri. Birababaje kubona abagabo n’abagore baturiye uyu mujyi n’aka karere muri rusange bafata umwanya wose w’umunsi bicaye bari kunywa inzoga mu tubare bakishimira guhaza imibiri yabo bayiroga, ari nako bongeramo amasukari azabagiraho ingaruka z’uburwayi butandukanye ariko ntibanafate umwanya n’umwe wo gukora imyitozo ngororamubiri.”

Iyo utembereye mu karere ka Rubavu usanga hari ibyiza byinshi byakwifashishwa mu gukora siporo nko ku nkengero z’ikiyaga cya Kivu n’ahandi hatandukanye; ubuyobozi bw’Akarere burasaba ko muri buri hoteli hashyirwaho ahagenewe gukora siporo (Gym) n’abikorera bakagira uruhare mu gushoramo imari.

Guverineri w’Intara y’Uburengerazuba Munyentwari Alphonse asaba abikorera kwagura ibikorwa bagashora mu mishinga itari imenyerewe gushorwamo aho guhora mu bucuruzi bumwe biganana, bakibanda no kuri siporo bayigira umuco.

 

Comments

 
 
Musanze:Abahinzi b’ibigori bahangayikishijwe n’indwara yitwa Cyumya
Musanze:Abahinzi b’ibigori bahangayikishijwe n’indwara yitwa Cyumya

Ikigo cy’igihugu gishinzwe ubuhinzi n’ubworozi, RAB, kirakangurira abahinzi b’ibigori gukoresha imbuto y’indobanure no gusimburanya ibihingwa mu murima hagamijwe kurwanya indwara y’ibigori yitwa (...)

Hamuritswe igishushanyombonera cy’umujyi wa Bugarama
Hamuritswe igishushanyombonera cy’umujyi wa Bugarama

Mu gihe kiri imbere igice kinini cy’umurenge wa Bugarama kigiye kuba umujyi wunganira umujyi wa Rusizi, igishushanyombonera cyawo kikaba cyaramurukiwe abatekinisiye b’akarere n’ubuyobozi bw’uyu (...)

Rusizi:Abaturage bafashe ingamba zo kwicungira umutekano
Rusizi:Abaturage bafashe ingamba zo kwicungira umutekano

Nyuma y’aho mu rukerera rwo ku wa 12 uku kwezi abantu bataramenyekana bateye mu kagari ka Ryankana mu murenge wa Bugarama bakaharasira abaturage 3 babiri bagahita bahasiga ubuzima, abaturage b’uyu (...)

Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.