2017-08-22 09:34:31 clouds 27o High | Kigali Rwanda

Dukurikire:
 
 

Rubavu: Bamwe mu bagabo baranengwa kwigira ba ‘ntibindeba’ mu rugo

Yanditswe na IMVAHO NSHYA

Kuya 2017-04-25 09:12:16

 
Share on:
 
Yasuwe:272
 
Yavuzweho:200
 
10
 
10

Ubuyobozi bw’ibitaro bya Gisenyi bwemeza ko muri aka karere hari ikibazo gikomeye cy’abagabo bigize ba ntibindeba, aho bamwe batunzwe n’abagore babo gusa, bo ugasanga ibijyanye no guteza imbere urugo batabyitayeho.

JPEG - 238.6 kb
Maj Dr Kanyankore avuga ko hari abagabo bigize ba ntibindeba ku nshingano z’urugo

Umuyobozi w’ibitaro bya Gisenyi Maj. Dr Kanyankore William, avuga ko muri aka karere imicungire y’ingo itandukanye n’ahandi, kuko usanga hari aho umugore aba ari we ibintu byose byo mu rugo bireba, mu gihe umugabo yibereye mu kabare.

Yagize ati “Muri aka karere byaratuyobeye, hari abagore benshi batunze ingo n’ubwo imibare tutabasha kuyibona, ariko umugore usanga ari we ukora byose, batunze ingo, baracuruza akaba ari bo bahaha mu ngo, umugabo we usanga ataha atera inda gusa yiviriye mu kabare.”

Uyu muyobozi w’ibitaro akomeza agira ati “Hari n’ubwo umugore aza aje kubyara wamubaza ngo umugabo ari he ati reka da, wamubaza niba aza kumureba ati wapi ntiyahagera yibereye mu kabare, wasaba abantu kujya kumuzana ngo abwirwe ibyo azagurira umugore, ntaze, umubyeyi w’umugore akarinda ava mu bitaro umugabo we atahakandagiye ndetse hari n’abataha basinyiye n’umwenda abagabo bitabareba.”

Maj. Dr Kanyankore akomeza avuga ko igitangaje giteye n’ikibazo ari uko umugore ataha atahanye n’umwenda w’ibitaro nyuma y’amezi atanu gusa akongera akagaruka atwite indi nda, kandi n’ubundi bitemewe, bakibaza niba umugabo bazigera bamubona ngo wenda bamugire inama, bikabashobera.

Uyu muganga akomeza avuga ko iki kibazo kiri mu bituma muri aka karere hakigaragara ibibazo byo kubyara abana benshi, kuba hakigaragara ubucucike bitewe no kubyara mu kajagari, ndetse ugasanga hari n’ikibazo cy’ubukene aho umwana avuka nta byangombwa byo kumwitaho afite.

Aragira ati “Usanga umubyeyi atwite amezi 9 ariko abyaye nta n’umwenda w’umwana afite, ugasanga ni ikibazo gikomeye umugabo yibereye mu kabare, ugasanga umubyeyi abyaye neza ariko agiye adafite ibyo kwita ku mwana. Ikindi ndagira inama ababyeyi yo gukoresha imiti y’inkingo aho kugira ngo bakomeze guhura n’ikibazo cyo kubyara mu buryo butemewe.”

Sinamenye Jeremie, umuyobozi w’akarere ka Rubavu, avuga ko aka karere gafite ubucucike buri hejuru ugereranyije n’utundi turere, aho byibuze abaturage barenga 1000 batuye muri kilometero kare imwe, akaba agaragaza ko gahunda yo kuboneza urubyaro ikiri hasi, gusa ngo hakenewe ubukangurambaga ku kibazo cy’abagabo batubahiriza inshingano zabo mu ngo.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE