2017-07-22 13:49:51 clouds 27o High | Kigali Rwanda

Dukurikire:
 
 

Rubavu: Babangamiwe n’amananiza ashyirwa ku bana batagira ba se

Yanditswe na IMVAHO NSHYA

Kuya 2016-09-30 19:57:17

 
Share on:
 
Yasuwe:11
 
Yavuzweho:200
 
10
 
10

Abagize mashyirahamwe n’imiryango yita ku bana bavutse batateguwe harimo abavutse ku bagore bakora uburaya n’abakokobwa babyariye mu rugo, bahangayikishijwe n’akato bahabwa mu kwandikisha abana bavutse ariko ba se ntibamenyekane.

Umwe muri aba bagore bakora umwuga wo kwigurisha avuga ko ikibazo gikomeye kivuka mu gihe cyo kubandika mu bitabo by’irangamimerere, no kubaha ubwisungane mu kwivuzaaho bagana ubuyobozi bukabaka ibyangombwa by’umugabo bakabibura.

Yagize ati “Nkakwe dufite abana ariko nta bagobo tugira; iyo tugiye kubandikisha badusaba kuzana irangamuntu y’umugabo kandi utazi neza uwaguteye inda. Ubu inaha ntiwabara umubare w’abana bamaze gukura batanditswe mu bitabo by’irangamimere, tukibaza uburyo bazashyirwa mu igenamigambi ry’Igihugu nk’uko ubuyobozi bubivuga ko bifasha mu makuru.”

Aloys Kaberuka Umuyobozi w’Umuryango Point d’Ecoute ukorera mu Karere ka Rubavu ugurira bamwe muri aba bakobwa ubwisungane mu kwivuza yavuze ko bikiri imbogamizi zikomeye kuko hari abagore bagaragaza indangamuntu zaba Sekuru kugira ngo bandikwe mu bitabo by’irangamimerere, babone n’amahirwe yo guhabwa mituweri.

Ati “Iyo tugiye kubarihira mituweri usanga amabwiriza avuga ko umuntu wese ugiye kwiyishura yandikwa ku mukuru w’umuryango noneho ugasanga Sekuru w’Umwana ni we wanditswe ko ariwe se; bivuze ko umubyeyi yabyaranye n’umukobwa we… hakwiye kugira gahunda ihamye ikorerwa aba babyeyi.”

Munyaneza Francois Xavier Umukozi ushinzwe irangamimerere mu murenge wa Bugeshi ntiyemeranya n’aba bagore, ati “Umwana tumwandika mu bitabo twagera ku mwanya w’umugabo tugasimbuka kuko amakuru aba agishakishwa, ashobora kuzaboneka nkuko n’uwo mubyeyi ashobora kugana inkiko noneho zikemeza se w’umwana akabona kwandikwa.”

Munyaneza yemeza ko itegeko rirengera abahuye n’ikibazo cyo kubyara bakabura abo babyaranye na bo, ndetse kuri ubu nta n’umwe bajya basubizayo.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE