Advertisement
 
 
 
 
 
 
 
 

Amakuru | Mu Ntara

Rubavu: Amazi yo mu Rwanda yabaye imari ishyushye muri Congo   

  Yanditswe na Iyaremye Yves
 June 2016

 
 

Amazi yo mu Rwanda acuruzwa muri Repubulika Iharanira Demokarasi ya Congo ku giciro gihanitse nabwo akabonwa na bake kuko muri icyo gihugu kubona amazi meza ari ingorabahizi.

Umubare munini muri iki gihugu cy’abaturanyi, cyane cyane mu mujyi wa Goma, woroherwa no kubona amazi y’Ikiyaga cya Kivu ariko amazi y’u Rwanda arinda benshi kuba bakoresha aya mazi y’ikiyaga yuzuyemo imyanda myinshi.

Kugurisha amazi muri i Goma byaremeye imirimo abatari bake mu Rwanda no muri Congo


Bamwe bavuga ko batinya gukoresha amazi bavoma mu Kivu kuko abamo umunyu mwinshi bakeka ko yabagiraho ingaruka ku buzima, n’abayafurisha bagakeka ko yakwangiza imyenda n’ibindi.

Ibi ngo bituma abanyekongo cyane cyane abaturiye Umujyi wa Goma muri Congo bashora akayabo mu kugura amazi aturutse murwanda kuko ari ho haturuka amazi meza aba yatunganijwe n’inganda.

Abanyarwanda bungukiye kuri iri bura ry’amazi muri Congo kuko ryahaye umubare munini akazi gasaba igishoro gito ariko kunguka ku byryo bugaragara.

Abagore, urubyiruko ndetse n'abafite ubumuga babonye amahirwe y'umurimo mushya


Abacuruza aya mazi barimo n’abafite ubumuga bafata amagare bakayambutsa; bavuga ko amazi yo mu Rwanda atabura abakiriya ku buryo bamwe byababereye nko kwihangira imirimo.

Bemeza ko mu mujyi wa Goma hari abasore n’inkumi bagenda bazenguruka bagurisha amazi yo mu Rwanda; ijerekani bayigura hagati y’amafaranga y’u Rwanda 10 na 20 ku migezi yo mu Rwanda bagerayo ikagura amafaranga 1000 y’amafaranga ya Congo angana n’ay’u Rwanda 700.

Bwiza Seraphine utuye mu mujyi wa Gisenyi yavuze ko amaze umwaka acuruza aya mazi kandi amutunze n’abana be. Yemeza ko acuruza amajerekani atanu ku munsi yikorera ku mutwe.

Ati “Mbere nakoraga ubucuruzi bwo kuzunguza (agataro) mbona ntacyo nzageraho maze kubona ukuntu abantu benshi bagiye mu bucuruzi bw’amazi muri Congo,mbonye uburyo binjiza kandi bashoye make mfata umwanzuro ubu kuva mu gitondo nirirwa njyana amazi i Goma kandi mfite abakiriya mvomera kuburyo napatanye amajerekani 10 ku munsi. Ubwo rero mbona amafaranga ibihumbi hafi 7000 ku munsi kandi hari ubwo nyabonera rimwe ukwezi gushize nkayakoramo ikintu gifatika.”

Usibye abikorera n’abagize koperative y’abafite ubumuga mu Karere ka Rubavu (COTRARU) bavuga ko kugurisha aya mazi muri Kongo byababyariye inyungu itubutse.

Amagare y'abafite ubumuga aba ategereje gupakirwa akajyanwa muri Congo


Innocent Ndagijimana Umuyobozi wa COTRARU yagize ati “Buriya ariya magare yacu ushobora gushyiraho amajerekani arenga 10 icyarimwe kandi aba atwawe n’abafite ubumuga tujya kuyagurisha muri Kongo kubera ibibazo by’amazi bafite; kandi aratwinjiriza mu buryo bugaragara hari ubwo umutu bwira agurishije n’amajerekani 30.”

Hari kandi abaturuka muri Congo batahuye ibanga ry’amazi y’u Rwanda bayahinduye ubucuruzi bukomeye mu gihugu cyabo, n’abandi badafite ayo bakwishyurira abo muri Congo.

Kasongo Hertier umwe mu banyekongo yagize ati “Amazi tuvoma aba arimo umunyu mwinshi, ukareba kuyanwa ashobora kugera mu gifu akakwangiza. Duhitamo gushakisha amzi yo mu Rwanda tukambuka ariyo dushaka akaduhenda kuko tubona ari yo yaturindira ubuzima, cyane ko aba yitaweho.”

Turage retse abambuka baciye ku mupaka mugari, hari bamwe mu baturage baca mu nzira z’ubusamo bavuga ko hari ubwo aho bakirwa ibyangombwa babasaba kuzana amazi yo gusiga kuri bariyeri.



Abaturage b'i Rubavu bavuga ko babona icyashara muri ubu bucuruzi


Kuri amwe mu mavomo yo mu mujyi wa Gisenyi hahora abavomera kujya kugurisha muri Congo








 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Nyamasheke:Barashimira Jeannette Kagame wubakiye abana babo urugo mbonezamikurire
Nyamasheke:Barashimira Jeannette Kagame wubakiye abana babo urugo mbonezamikurire

Abaturage b’akagari ka Rugali, mu murenge wa Cyato, mu karere ka Nyamasheke, barashimira cyane Madamu Jeannette Kagame wubakiye abana babo urugo mbonezamikurire, ubu bakaba biga neza amashuri (...)

Nyamasheke: Impanuka y’igare yahitanye uwari aritwaye undi arakomereka bikabije
Nyamasheke: Impanuka y’igare yahitanye uwari aritwaye undi arakomereka bikabije

Nshimiyimana Théophile w’imyaka 37 yahitanywe n’igare yari atwaye, ubwo yagongaga umugore witwa Mukamana Monique na we w’imyaka 37 ejo hashize ku ya 23 Mutarama 2017. Amakuru Imvaho Nshya ikesha (...)

Rusizi:Bifuza ko Laboratwari  imaze imyaka 10 yubakwa yuzura vuba
Rusizi:Bifuza ko Laboratwari imaze imyaka 10 yubakwa yuzura vuba

Ababyeyi, abarezi n’abanyeshuri bo muri TTC Mururu mu karere ka Rusizi, barasaba ko muri uyu mwaka w’amashuri hakorwa ibishoboka byose Laboratwari yabo imaze imyaka 10 yubakwa igatangira kubyazwa (...)

Nyamasheke:Uruganda rutunganya icyayi abahinzi bijejwe ruruzura mu mezi 5
Nyamasheke:Uruganda rutunganya icyayi abahinzi bijejwe ruruzura mu mezi 5

Hari hashize imyaka igera kuri 6 abahinzi b’icyayi bibumibye muri koperative y’abahinzi b’icyayi ba COTHEGA bagihinga mu mirenge ya Karambi na Cyato mu karere ka Nyamasheke, kitababyarira umusaruro (...)

Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.