Advertisement
 
 
 
 
 
 
 
 

Amakuru | Mu Ntara

Rubavu: Akarere gahangayikishijwe n’abadakozwa kuboneza urubyaro   

  Yanditswe na IYAREMYE YVES
 2 months ago

 
 

Ubuyobozi bw’Akarere ka Rubavu butangaza ko buhangayikishijwe n’abaturage bakomeje kubyara mu kajagari, aho bwemeza ko hari ababyara batitaye ku bushobozi bwo kurera abo babyaye.

Ubushakashatsi bwashyizwe ahagaragara n’Ikigega cy’umuryango w’abibumbye cyita ku baturage kinafite mu nshingano gahunda zo kuboneza urubyaro, bugaragaza ko Akarere ka Rubavu kakiri hasi mu kuboneza urubyaro, aho bakiri ku kigereranyo cya 44%.

Sinamenye Jeremie Umuyobozi w’Akarere ka Rubavu, yagize ati "Dufite ubucucike buri hejuru cyane kuko abaturage 1000 batuye kuri Kilometero kare imwe kandi ntibinajyanye n’ubuso bw’Akarere, ku myororokere usanga gahunda yo kuboneza urubyaro ikorwa ariko bikiri hasi. Ikibazo kiri mu bantu babyara mu kajagari abana badashoboye kurera, ugasanga umubare w’abana bafite ntujyanye n’ubushobozi bwabo."

JPEG - 165.5 kb
Dr Agnes Ntibanyurwa Umuyobozi Wungirije wa UNFPA (Foto Itaremye Y)

Akomeza agira ati "Usanga umubare w’abana udahuye n’ubushobozi bafite, gutegura igenamigambi bigomba kujyana n’imyororokere mu rwego rwo kugira ngo abantu bakore igenamigambi rishingiye ku mibare y’abantu n’aho batuye, kuva ku kagari kugera ku karere."

Dr Agnes Ntibanyurwa, umuyobozi wungirije w’ikigega cy’umuryango w’abibumbye cyita ku baturage kinafite mu nshingano gahunda zo kuboneza(UNFPA), yemeza ko imibare yo kuboneza urubyaro ikiri hasi cyane.

Avuga ko ku rwego rw’igihugu imibare y’ababyeyi baboneza urubyaro iri kuri 48%, mu karere ka Rubavu bikaba bigeze kuri 44%.

Yakomeje agira ati "Mu myaka y’uburumbuke aka karere karacyari hasi ugereranyije n’uturere two mu ntara y’Uburengerazuba, turifuza ko bikomeza kwiyongera kuko bibangamira igenamigambi ry’igihugu, abantu bakwiye kwifashisha gahunda zitandukanye zo kuboneza urubyaro mu rwego rwo kwirinda kubyara abo badashoboye kurera."

Uwineza Francine, Umuyobozi w’ishami ry’ubuzima mu karere ka Rubavu, avuga ko kuba kuboneza urubyaro bikiri hasi biterwa cyane n’imyumvire ikiri hasi y’ababyeyi, kuba urubyiruko rutisanzura mu kuringaniza urubyaro n’ibindi.

Agaragaza ko muri aka karere kubyara ku bangavu bikiri kuri 5.6% mu gihe mu mwaka wa 2018 intumbero ari 3.3%, aho yemeza ko igikenewe ari ukongera ibyumba by’urubyiruko mu bigo nderabuzima bikitabwaho, kandi bikaba bifasha urubyiruko kwisanzura.

Hari hamwe mu mirenge y’icyaro kubyara mu kajagari babigize nk’umuco, aho usanga ubuharike abaturage baho babufata nk’ikintu gisanzwe, ariko bigakunda guteza amakimbirane mu miryango ndetse akaba ari na kimwe mu bitera abana kuva mu mashuri bakajya mu buzererezi.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Kayonza:Bakusanyije miliyoni 6 ngo begerezwe amazi barayategereza baraheba
Kayonza:Bakusanyije miliyoni 6 ngo begerezwe amazi barayategereza baraheba

Abaturage bo muri Nyamugari mu murenge wa Ndego mu karere ka Kayonza bavuga ko bakusanyije amafaranga arenga miliyoni 6 ngo babone amazi meza, ariko ngo barayategereza baraheba. Igitekerezo cyo (...)

Rwamagana: Barasabwa gukumira ingengabitekerezo ya Jenoside bahereye mu bana
Rwamagana: Barasabwa gukumira ingengabitekerezo ya Jenoside bahereye mu bana

Umuyobozi w’akarere ka Rwamagana Mbonyumuvunyi Radjab, arasaba abaturage batuye muri aka karere kwirinda gukongeza ingengabitekerezo ya Jenoside mu bana bato, ahubwo bakayikumira kugira ngo (...)

Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.